logo

суханрониҳо

САРҲАДБОНОН ТАКЯГОҲИ БОЭЪТИМОДИ ДАВЛАТАНД

Суханронии Эмомалӣ Раҳмон, Сарвари давлат, дар маросими гузашти низомӣ ба ифтихори 20 - солагии таъсисёбии Қӯшунҳои сарҳадии Ҷумҳурии Тоҷикистон, шаҳри Душанбе, 26 майи соли 2014


Рафиқон генералҳо ва афсарону сарбозони Қӯшунҳои сарҳадӣ ва дигар ҷузъу томҳои Қувваҳои Мусаллаҳ!
Ҳозирини муҳтарам!
Дар таърихи давлатдории аҳли башар яке аз нишонаҳои муҳимтарини ҳар як давлати соҳибистиқлол мавҷудияти сарҳадоти муайяншудаи он мебошад, ки ҳар кишвари мустақил онро чун рамзи муқаддаси миллӣ ва рукни асосии давлатдорӣ ҳифзу нигаҳбонӣ мекунад.
28-уми май ба рӯзи таъсисёбии Қӯшунҳои сарҳадии Ҷумҳурии Тоҷикистон, ки яке аз нишонаҳо ва рамзҳои муқаддаси миллии мо - марзҳои давлати соҳибистиқлоламонро бо сарбаландӣ ҳимоя мекунанд, бист сол пур мешавад.
Ба ин муносибат ҳар яки шумо - ҳомиёни содиқу шуҷои марзу буми Ватан ва оромиву суботи мамлакатро, ки рисолати боифтихору пурмасъулияти ба зиммаатон гузошташударо ҷавонмардона ба иҷро мерасонед, табрик гуфта, ба шумо дар роҳи иҷрои вазифаҳои пуршарафи хизматӣ барору комёбӣ орзумандам.
Бист сол муқаддам, яъне дар оғози марҳалаи соҳибистиқлолии кишварамон бо мақсади ҳифзи амнияту оромии давлат ва ҷомеа, пойдории аркони давлатдорӣ, ҳимояи истиқлолияти давлатӣ ва таъмини зиндагии осоиштаи мардуми шарифи Тоҷикистон бо вуҷуди вазъи ниҳоят вазнину номусоиди иҷтимоиву сиёсӣ ва имкониятҳои маҳдуди иқтисодӣ мо дар баробари Артиши миллӣ сохторҳои ҳифзи сарҳадро таъсис додем.
Ва чунонки имрӯз мебинем, Қӯшунҳои сарҳадӣ дар марҳалаи начандон тӯлонии мавҷудияти худ ҳамчун сохтори алоҳидаи низомӣ дар самти таъмини дахлнопазирии сарҳади давлатӣ, ҳифзи тамомияти арзӣ ва соҳибихтиёриву амнияти давлат, таъмини ҳаёти осудаи мардуми кишвар ва ҳимояи дастовардҳои соҳибистиқлолии мамлакат ба эътимоду эҳтироми хурду бузурги аҳолии мамлакат ноил гардидаанд. Ҳамчунин дар ин муддат Қӯшунҳои сарҳадӣ ба сохтори низомии неруманду зудамали Қувваҳои Мусаллаҳи кишвар мубаддал гардида, ҳоло бо дастгирии давлату Ҳукумати мамлакат бо ҳамаи заминаҳои моддиву техникӣ ва шароити муосир ва муҳимтар аз ҳама, ҳайати фармондеҳӣ ва мутахассисони баландихтисоси низомӣ таъмин мебошанд.
Имрӯз барои пешбурди ҳадафу вазифаҳои дар назди ҷузъу томҳои марзбони Тоҷикистон гузошташуда асосҳои муосири ҳуқуқӣ низ фароҳам оварда шудаанд ва онҳо ҳифзи марзу буми сарзамини аҷдодиро бо эътимоди қавӣ ва масъулияти баланди ватандорӣ таъмин карда истодаанд.
Ҳукумати мамлакат дар доираи ислоҳот ва навсозии Қӯшунҳои сарҳадӣ сохтмони иншооти нави сарҳадӣ ва таъмиру таҷдиди инфрасохтори мавҷударо идома дода, барои ба сатҳи меъёрҳои ҷаҳонӣ мутобиқ гардонидани инфрасохтори марзҳои давлатӣ ҳамаи тадбирҳои заруриро амалӣ карда истодааст.
Дар натиҷаи дастгириҳои давлатӣ Қӯшунҳои сарҳадӣ имрӯз ҳамчун такягоҳи боэътимоди давлат ташаккул ёфта, дар сафи пеши ҳимояи суботи давлат ва ҷомеа, мубориза бар зидди қочоқбарон, пешгирии убур ва муҳоҷирати ғайриқонунии шаҳрвандон тавассути сарҳади давлатӣ ва дигар омилҳои халалдоркунандаи оромии кишвар қарор доранд.
Муҳтарам сарбозону афсарони Қӯшунҳои сарҳадӣ!
Шумо дар тӯли бист соли фаъолият рисолати муқаддаси ҳифзи марзу буми Ватани аҷдодиамонро хуб эҳсос намуда, аз уҳдаи қарзи фарзандии худ дар назди халқу Ватан сарбаландона баромадед.
Бо дарназардошти вазъи мураккабу печидаи ҷаҳони муосир ва торафт шиддат гирифтани бархӯрди манфиатҳо миёни қудратҳои ҷаҳонӣ дар назди шумо вазифаҳои боз ҳам муҳимтар қарор доранд, ки иҷрои онҳо аз ҳар як хизматчии ҳарбии Қувваҳои Мусаллаҳ, аз ҷумла аскарону афсарони Қӯшунҳои сарҳадӣ масъулияти аз ҳарвақта бештар, ҳушёриву зиракии сиёсӣ ва омодагии баланди ҷангиро талаб мекунад.
Ватан ва мардуми Тоҷикистон ба шумо, ҳомиёни далеру шуҷоъ, сарвати гаронбаҳотарини миллӣ, яъне сарҳади давлати худро бовар карда, онро ба дасти шумо супурдаанд. Аз ин лиҳоз, ҳар як сарбозу афсар бояд онро чун неъмати бузургу пурқимат эҳтиёт карда, барои аз ҳар гуна омилҳои халалдорсозанда ҳифз кардан ва дар ҳолати орому муътадил нигоҳ доштани марзҳои муқаддаси Ватан ҳамеша ҳушёру зирак ва омода бошад.
Итминон дорам, ки ҳайати шахсии Қӯшунҳои сарҳадӣ ва дигар ҷузъу томҳои Қувваҳои Мусаллаҳ ба савганди ҳарбии худ содиқ монда, бо риояи ҳатмии талаботи оинномаҳои ҳарбӣ ва интизоми қатъии низомӣ барои ҳимояи ҳар як ваҷаб хоки Ватани муқаддасамон минбаъд низ сарбаландона хизмат мекунанд.
Барои ҳимояи шарафмандонаи муқаддасоти миллие, ки халқу давлати Тоҷикистон ба шумо бовар намудааст, қабл аз ҳама, ғайрату номус, далериву шуҷоат, дасту дили пок ва нияти нек лозим буда, ин суннати некро мо аз аҷдоди бонангу номуси худ ба мерос гирифтаем ва ҳамеша ба он эҳтиром мегузорем.
Бори дигар ҳайати шахсии Қӯшунҳои сарҳадӣ ва дигар сохторҳои низомии Қувваҳои Мусаллаҳи мамлакатро ба муносибати ин санаи муҳим самимона табрик гуфта, ба ҳар яки шумо - ҳомиёни диловари марзу буми Ватани азизамон ва муҳофизони оромиву осоиши мардуми шарифамон тандурустӣ, саодати рӯзгор, иродаи қавӣ ва дар адои хизмати пурмасъулиятатон барори кор орзу менамоям.
Ҷашн муборак бошад, сарҳадбонони диловари тоҷик!


Баёни ақида (0)    Санаи нашр: 27.05.2014    №: 99    Мутолиа карданд: 607

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед