logo

сафарҳо

Сафари расмии Эмомалӣ Раҳмон ба Ҷумҳурии Литва

Cафарҳои давлатию расмии Президенти Ҷумҳурии Тоҷикистон Эмомалӣ Раҳмон ба кишварҳои назди Балтика ва Аврупо аз субҳи 12 феврал дар Ҷумҳурии Литва идома ёфт. Маросими истиқболи расмӣ дар назди Кохи Президенти Ҷумҳурии Литва баргузор гашт. Сардори давлати Тоҷикистон Эмомалӣ Раҳмонро Президенти Ҷумҳурии Литва Валдас Адамкус истиқбол гирифта, ба болои минбари ифтихорӣ даъват намуд.
Маросими истиқбол тибқи муқаррароти сафарҳои расмӣ бо сафкашии горди фахрӣ, садо додани сурудҳои миллии ду давлат ва шиносоӣ бо ҳайатҳои расмӣ ҷараён гирифт.
Ҳолати кунунӣ ва дурнамои муносибатҳои Тоҷикистону Литва зимни сӯҳбати хосаи сарони ду давлат ва гуфтушунидҳои ҳайатҳои расмии ду кишвар баррасӣ шуданд.  Болоравии мубодилаи молу маҳсулот миёни Тоҷикистону Литва, ки соли гузашта ҳаҷми он зиёда аз 110 миллион доллари амрикоиро ташкил додааст, нишона аз имконоти фаровони густариши робитаҳои иқтисодию тиҷоратӣ маънидод гардид. Таъсиси комиссияи байниҳукуматии ҳамкорӣ мувофиқи мақсад дониста шуд. Рушди ҳамкорӣ дар соҳаи коркарди  маҳсулоти кишоварзӣ, аз ҷумла пахта ва меваю сабзавот, истеҳсоли масолеҳи бинокорӣ, мебел, техникаи рӯзгор, чарм, пойафзол, азхуднамоии канданиҳои фоиданок ва захираҳои бузурги гидроэнергетикии Тоҷикистон, густариши робитаҳои нақлиётию транзитӣ аз самтҳои  асосии ҳамкорӣ номида шуд.
Ҷонибҳо ба мувофиқа расиданд, ки Тоҷикистон барои транзити молу маҳсулоти худ ба Аврупо аз бандарҳои Литва ва Литва низ дар навбати худ аз роҳҳои транзитии Тоҷикистон ба Осиёи Марказӣ ва Ҷанубӣ истифода намоянд.
Густариши робитаҳои илмиву фарҳангӣ низ зарур шумурда шуд. Мақомоти дахлдори ду кишвар вазифадор шуданд, ки барои муқаррар намудани робитаҳои мустақим миёни субъектҳои хоҷагидор ва соҳибкорон, олимон, ҳунармандон, варзишгарон ва аҳли адабу ҳунар мусоидат намоянд.
Гуфтугӯйи судманд ҳамчунин атрофи масоили минтақа ва ҷаҳон ва ҳамгироиҳо дар чаҳорчӯби созмонҳои бонуфузи байналмилалӣ сурат гирифт. Муттаҳидсозии кӯшишҳо баҳри  барқарор намудани сулҳу субот дар Афғонистон амри зарурӣ шумурда шуд. Аз рӯйи натиҷаи мулоқотҳо миёни Тоҷикистону Литва Эъломия дар бораи густариши муносибатҳои дӯстӣ ва ҳамкорӣ ва як созишномаи байниҳукуматӣ оид ба ташвиқ ва ҳимояи мутақобилаи сармоягузорӣ ба имзо расид. Сарони ду давлат - Эмомалӣ Раҳмон ва Валдас Адамкус барои хабарнигорон нишасти матбуотӣ ороста, аз самараи мулоқотҳои расмӣ изҳори қаноатмандӣ карданд. Сардори давлати Тоҷикистон Эмомалӣ Раҳмон ҳамчунин бо Раиси Сейми (Порлумони) Литва Арунас Валинскас мулоқот намуда, оид ба таҳкиму густариши робитаҳои анъанавии дӯстона ва судманди ду кишвар гуфтугӯ анҷом дод.
Худи ҳамон рӯз Президенти Ҷумҳурии Тоҷикистон Эмомалӣ Раҳмон ҳамчунин дар анҷумани соҳибкорону тоҷирони ду кишвар иштирок намуда, сипас  аз гузаргоҳи сарҳадии Лаворишкес дидан кард ва бо тарзу усули ташкили кор ва истифода аз техникаю таҷҳизоти назоратию ташхисии он аз наздик шинос шуд.
Дар шаҳри Вилнюс Президенти Ҷумҳурии Тоҷикистон Эмомалӣ Раҳмон дар назди Муҷассамаи шаҳидони роҳи озодии Литва гулчанбар гузошт ва ба арзишҳою муқаддасоти миллии он арзи эҳтиром намуд. 
Субҳи 13 феврал Президенти Ҷумҳурии Тоҷикистон Эмомалӣ Раҳмон ба шаҳри Каунаси Ҷумҳурии Литва омада, аз нерӯгоҳи барқи обии (гидроаккумулятивии) Круонис дидан кард, ки дар он технологияи аз нерӯгоҳҳои Тоҷикистон фарқкунанда истифода мешавад. Ин нерӯгоҳ дар болои дарёи Неман бунёд ёфта, соли 1997 пурра  ба истифода дода шудааст.
Нерӯгоҳ бо 4 турбина дорои иқтидори истеҳсолии  900 мегаватт нерӯи барқ аст. Кори нерӯгоҳ бо оби ду обанбор, ки яке дигареро бо обкашҳои барқӣ пур мекунад, таъмин мегардад. Самаранокии асосии нерӯгоҳ дар он аст, ки ин ҷо як об такрор ба такрор барои истеҳсоли нерӯи барқ истифода мешавад. Дар ин ҷо об аз баҳр ба обанбор бо истгоҳҳои барқии обкаш партофта шуда, дар вақти зарурӣ ба турбинаҳо меравад.
Дар шаҳри Каунас Президенти Ҷумҳурии Тоҷикистон Эмомалӣ Раҳмон ҳамчунин аз корхонаи машҳури Элинта дидан кард. Ин корхона соли 1991 бунёд ёфта, самти асосии фаъолияташ автоматикунонии раванди саноат, истеҳсолу фурӯши дастгоҳҳои андозагирию ташхис аст. Қарор шуд, ки корхона бо сохторҳои энергетикии Тоҷикистон баҳри ҷорӣ намудани технологияи муосири кам кардани талафоти нерӯи барқ ҳамкорӣ кунад, зеро дар ин ҷо дастгоҳҳои муосири ташхиси нуқсонҳо дар ноқилҳои барқӣ истеҳсол карда мешавад.
Нимаи дуюми рӯз Президенти Ҷумҳурии Тоҷикистон Эмомалӣ Раҳмон бо  сафари корӣ ба Ҷумҳурии Эстония рафт.


Баёни ақида (0)    Санаи нашр:    №:    Мутолиа карданд: 739

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед