logo

ҳуқуқ

ДУЗДӢ ДАР ХОНАИ ХУДО

Ӯ дар давоми се моҳ ёздаҳ маротиба дуздӣ кардааст. Аҷиб ки ин амалҳои ҷинояткоронаашро дар дигар ҷо не, дар масҷидҳои ҷомеъу панҷвақтаи шаҳри Душанбе ва ноҳияҳои гирду атрофи он анҷом додааст. Ба ҳамон масҷиде, ки бояд дуздӣ кунад, пешакӣ чанд дафъа рафта, «сайд»-и эҳтимолиашро таги чашм менамуд. Вақти дуздӣ ҳам аниқ буд: 12:30-12:40. Зеро дар ин мавридҳо аксари намозгузорон либоси рӯи худро ба рахтовез овехта, ба таҳорат машғул мешаванд.
Масҷидро хонаи Худо мегӯянд. Дар ин даргоҳи муқаддас ба ғайр аз адои намоз, тоату ибодат, зикри Худову Расул ва изҳори пушаймонӣ намудан аз гуноҳҳои дар давоми умр содиркарда, дигар амалҳо норавост. Вале, мутаассифона, Фатҳулло вақте ба кирдори ношоиста даст мезад, на дар ёди Худо буду на аз анҷоми амалҳои ғайриинсониаш меандешид.
Кист ӯ? Дузд, сокини деҳаи Конститутсияи Ҷамоати деҳоти Сарикиштии ноҳияи Рӯдакӣ Фатҳулло Бозоров, ки қаблан ӯро Суди ноҳияи Фирдавсии шаҳри Душанбе, 22 июни соли 2005, Суди ноҳияи Исмоили Сомонии пойтахт, 15 марти соли 2006, Суди ноҳияи Рӯдакӣ 9 июли соли 2009, маҳкум кардаанд, боз такроран, ҷиноят содир кардааст.
Баъди аз маҳбас озод шудан ӯ боз ёздаҳ маротиба даст ба ҷиноят задааст. Аз ҷониби ӯ дар моҳҳои ноябр - декабри соли 2013 се ҷиноят ва танҳо дар моҳи январи соли равон ҳашт ҷиноят содир шудааст. Масалан, 26 январи соли 2014 ӯ бо мақсади тасарруфи молу мулки ғайр вориди таҳоратхонаи масҷиди ҷомеи «Умари Форуқ», маҳаллаи 61, кӯчаи 50 - солагии Тоҷикистони ноҳияи Фирдавсӣ шуда, аз рахтовез як курткаи чармини арзишаш 500 сомонӣ, ки дар кисаҳои он ду адад телефони мобилӣ, бо арзиши умумии 3220 сомонӣ буд, гирифта, аз ҷойи ҳодиса ғайб зад. Рӯзи дигар номбурда ҳаракатҳои ҷинояткоронаи худро идома дода, аз таҳоратхонаи масҷиди ҷомеи «Ҳоҷӣ Яъқуб», воқеъ дар кӯчаи Шодмонӣ 58, ноҳияи Исмоили Сомонии шаҳри Душанбе, як курткаи синтетикии навъи «Балонка» - ро дуздид. Вақте аз масҷид берун шуду ба ҷойи, ба қавли худаш, «бехавф» расид ва кисаҳои курткаро саросемавор кофт, 4500 доллари ИМА, 1800 сомонӣ, ду адад телефони мобилии тамғаҳои гуногун, ки арзишашон мутаносибан 830 ва 800 доллар мебошад, ба даст оварда, бо ин кирдораш ба ҷабрдида Саъдулло Қурбонов зарари махсусан калони моддӣ ба маблағи умумии 33082 сомонӣ расондааст.
Ҳамин тавр, Фатҳулло Бозоров бо ҳаракатҳои худ ҷинояти дар моддаи 244 қисми 4, банди «б» Кодекси ҷиноятии Ҷумҳурии Тоҷикистон, ки ҷавобгарии ҷиноятиро барои дуздӣ, яъне тасарруфи ниҳонии амволи ғайр, такроран, бо миқдори махсусан калонро пешбинӣ менамояд, содир кардааст. Ӯ дар маҷлиси судӣ ба ҷиноятҳои содиркардааш иқрор шуд. Гузашта аз ин, гуноҳи мавсуф бо маводи парвандаи ҷиноятӣ, аз қабили протоколҳо, азназаргузаронии ҷойи ҳодиса, далелҳои шайъӣ, расмҳо ва дигар далелҳои дар парвандаи ҷиноятӣ мавҷудбуда, исботи пурраи худро ёфт.
Дар асоси далелҳои овардашуда Суди ноҳияи Фирдавсии шаҳри Душанбе Фатҳулло Бозоровро гунаҳгор дониста, ба ӯ мувофиқи моддаи 244 қисми 4, банди «б» Кодекси ҷиноятии Ҷумҳурии Тоҷикистон, ҷазо дар намуди маҳрум сохтан аз озодӣ ба муҳлати 9 солу 6 моҳ бо адои ҷазо дар колонияҳои ислоҳии дорои низоми сахт таъин кард.
АБДУРАҲМОНЗОДА
Бахтиёр Саидумрон,
судяи Суди ноҳияи Фирдавсии шаҳри Душанбе


Баёни ақида (0)    Санаи нашр: 11.06.2014    №: 110    Мутолиа карданд: 671

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед