logo

маориф

ТАХТАИ МУЪҶИЗАКОР

Ба ҳама рӯшан аст, ки дар ҷаҳони муосир техникаю технология бо суръати баланд дар рушд аст ва тадриҷан тамоми соҳаҳо, аз ҷумла мактабу маорифро ҳам фаро мегирад. Имрӯз бо қаноатмандӣ метавон гуфт, ки дар натиҷаи фаъолияти босамари устодону кормандон Литсей – интернати президентӣ барои кӯдакони болаёқати ҷумҳурӣ ба яке аз марказҳои бунёдии таълиму тарбия табдил ёфтааст. Ин муассисаи таълимӣ тамоми имкониятҳоро дорад, ки аз навигариву дастовардҳои тозатарини илму техникаи ҷаҳони муосир сари вақт огоҳ гардад. Усулу равишҳои нав, воситаҳои техникии таълимии муосир ба литсей – интернати президентӣ низ ворид гардида, омӯзгоронро водор месозад, ки бештар фаъолият намуда, нозукиҳои онҳоро омӯзанд ва ҳамқадами ҳаёту замон бошанд.
Тобистони соли гузашта як ҳайати босалоҳияти ҳизби Коммунисти Чин таҳти роҳбарии Чжао Лэтези ба литсей ташриф оварданд. Бо мусоидати мутахассисони Хазинаи ташаккули умумиҷаҳонӣ ва амалисозии лоиҳаи намунавии Тоҷикистону Чин дар бахши таълими аудиовизуалӣ дар литсей – интернати президентӣ як ҳуҷраи бо таҷҳизоти муосир ҷиҳозонидашударо мавриди баҳрабардорӣ қарор доданд. Дар партави боздид 22 адад тахтаи рақамии ҳамакор дар синфхонаҳо насб гардид, ки яке аз муҳимтарин воситаи таълими техникаи муосир дар ҷаҳони имрӯза ба шумор меравад.
Тахтаи рақамии универсалӣ ин платформаи омӯзишӣ ва идоравӣ буда, монитори 55/56 – и ЛСД – ро доро мебошад.
Тахтаи рақамӣ имкон медиҳад, ки дар синфхонаҳои мултимедиявии на он қадар калон ва толорҳои конфронсӣ семинару дарсҳо бо истифода аз он баргузор шаванд. Ин асбоб аз монитор, тахтаи сенсорӣ, қисмҳои компютер ва маркази мусиқӣ иборат аст.
 Дар замони ҷаҳонишавӣ соҳаи маориф низ бояд ҳамқадами замони худ бошад. Бо гузашти солҳо таҷҳизоти таълимӣ низ ҷойи худро бо таҷҳизоти ҷадид иваз мекунанд. Яке аз ин ивазшавӣ тахтаҳои синфӣ ба ҳисоб меравад, ки бо як суръати баланд ҷойи худро бо тахтаҳои электронӣ ва тахтаҳои рақамии универсалӣ медиҳанд.
Тахтаи рақамӣ вазифаҳои зиёдеро иҷро менамояд ва омӯзгоронро аз хароҷоти зиёди молиявӣ озод мегардонад. Масалан, дар тахтаҳои муқаррарии пештара ба мо бӯру латта ва дар дарсҳои фаннӣ паргор, хаткашак ва ғайра лозим мешуд. Ин асбоб дар худ фарогири ҳамаи ин лавозимот мебошад. Ба ғайр аз ин доир ба фанҳои дақиқ: математика, физика, химия, биология, ҷуғрофия, санъати тасвирӣ ва технологияи информатсионӣ ҳамаи номгӯи асбобҳои аёнӣ маҳфуз аст, ки омӯзгорон дар раванди дарсҳо истифода мебаранд. Ҳангоми истифодабарии тахтаи рақамӣ шаклҳои он ба мисли интихоби қалам ва ранги он, кашидани фигураҳои геометрӣ, пок кардани навиштаҷот, танзим намудани он, ворид шудан ба тахтаи нави покиза, барои гузаштан ба компютери фардӣ ва таҳрири навиштаҷоти тахта истифода мешавад.
- Омӯзгорони Литсей – интернати президентӣ аз тахтаи электронӣ ва тахтаи рақамии универсалӣ самаранок истифода мебаранд. Афзалиятҳои онро дар таълими бештари фанҳо бараъло ҳис менамоем, - мегӯяд Раъно Шокирова, мудири кафедраи забон ва адабиёти тоҷики литсей. Масалан, яке аз усулҳои хуби дарсазхудкунии хонандагон ба воситаи технологияи имрӯза тайёр намудани дарс дар хона аст. Ман ба хонандагон супориш медиҳам, ки вобаста ба мавзӯъҳои гузашта ва оянда маълумот ҷамъ оварда оянд. Онҳо дар флешкаи худ маълумотро оварда, ҳангоми баёни мавзӯи нав баромад менамоянд. Ин усулро аз синфи 5 оғоз кардем. Моҳияташ он аст, ки хонанда на танҳо бо китоби дарсӣ дар атрофи мавзӯи додашуда кор мебарад, балки аз дигар мавод, аз ҷумла, аз шабакаи Интернет ва адабиёти илмӣ истифода мекунад. Ба ин восита дониши худро оид ба мавзӯи додашуда сайқал медиҳад. Ҳангоми гузаштани мавзӯи «Ҳиссачаҳо» ва достони «Ғалабаи Таня» – и Абулқосим Лоҳутӣ, дар синфи 7 хонандагон маводҳои ҷолиб омода кардаанд.
Яке аз бартариҳои тахтаи рақамии универсалӣ аз тахтаи электронӣ дар он аст, ки асбобҳои аёнии марбут ба забон ва адабиёти тоҷикро вобаста ба мавзӯъ васеъ нишон дода метавонад. Бартарии истифодаи технологияи нав дар он аст, ки тамоми воқеаҳои имрӯзаро, ки вобаста ба фарҳангу забони миллати мост, ба хонандагон метавон пешниҳод кард.
Бо иштироки роҳбарияти литсей ба мақсади баланд бардоштани шавқу ҳаваси хонандагон ба омӯзиши фанҳо дар назди литсей Академияи хурди илмҳо таъсис дода шудааст. Аз ҷумла, бахши таърих низ созмон ёфтааст, ки роҳбарии онро Моҳира Мухторова ба ӯҳда дорад. Хонандагони фаъоли синфҳои 8–9 ба ин бахш аъзо буда, ба омӯзиши илм ва омода кардани намоишномаю навиштани маърӯзаю рефератҳо машғул ҳастанд. Аъзоёни фаъоли бахши таърих хонандаи синфи 8 «А» Шоҳрухи Муҳаммадзоиршо, хонандагони синфи 9 «В» Дилшод Меликмуродов, Ашрафҷони Бегалӣ, Нурализода Зулфиқор дар таҳия намудани муаррифиномаҳо маҳорати хуб пайдо кардаанд. Онҳо дар мавзӯъҳои «Ҳуҷуми муғулҳо ба Осиёи Миёна», «Исмоили Сомонӣ – асосгузори давлати Сомониён», «Бинокорӣ дар асри XVI», «Адабиёт ва илм дар асри XVI», «Шӯриши Восеъ», «Тоҷикистон ва ҷаҳони имрӯза» муаррифномаҳои омода кардаи худро тавассути тахтаи рақамӣ манзури ҳамсинфони худ гардонданд.
Соли гузашта Президенти мамлакат Эмомалӣ Раҳмон ҳангоми ташрифашон ба Литсей – интернати президентӣ дар китоби меҳмонони фахрӣ ба омӯзгорон суханони зеринро сабт намуда буд:
«Шумоён омӯзгорони Литсей – интернати президентӣ машъалафрӯзони илму дониш буда, дар замири хонандагон меҳри хондану азбар намудан ва омӯхтани донишҳои гуногуни муосири ҷаҳониро меафрӯзед. Ба ибораи дигар шаҳсутунҳои низоми таълиму тарбия ва омӯзишу парвариш ҳастед. Бедории фикр, покизагии ахлоқ ва ташаккули ақлонии хонандагон маҳсули ранҷу машаққати шумост. Мутмаинам, ки рисолати худро содиқона ва сарбаландона баҷо оварда, донишу заковат, гармии дили худро бедареғ ба фарзандони халқ нисор менамоед».
Омӯзгорони литсей ин суханони ҳидоятгаронаро сармашқи фаъолияти хеш гардонда, баҳри содиқ мондан ба ин суханон пайваста ҷаҳду талош меварзанд.
Қурбон ҚУРБОНОВ,
 муовини директори Литсей – интернати президентӣ барои кӯдакони болаёқати ҷумҳурӣ, аълочии маориф ва матбуоти Ҷумҳурии Тоҷикистон
 


Баёни ақида (0)    Санаи нашр: 11.06.2014    №: 110    Мутолиа карданд: 1401
30.11.2020


ВАО: БАЙДЕН БОРИ НАХУСТ ДАР ТАЪРИХИ ИНТИХОБОТИ ИМА 80 МИЛЛИОН ОВОЗ ГИРИФТ

ҶАҲОН ДАР ЯК САТР

ТАҒЙИРОТ БА ҚОНУН. МУТАХАССИСОН БО НАЗАРДОШТИ ТАЛАБОТИ БОЗОРИ МЕҲНАТ ОМОДА МЕГАРДАНД

26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК


Дар сомонаҳои дигари Тоҷикистон хонед