logo

порлумон

ҚОНУНИ МУҚОВИМАТ БА САВДОИ ОДАМОН БА ТАСВИБ РАСИД

Дар ҷаласаи навбатии Маҷлиси намояндагон, ки таҳти раёсати Шукурҷон Зуҳуров, Раиси Маҷлиси намояндагони Маҷлиси Олӣ, баргузор шуд, ду лоиҳаи қонун ба тасвиб расид.

Абдуманнон Холиқов, муовини аввали вазири адлияи ҷумҳурӣ, зимни ташреҳи лоиҳаи Қонуни Ҷумҳурии Тоҷикистон «Дар бораи муқовимат ба савдои одамон ва расондани кумак ба қурбониёни савдои одамон» гуфт, ки он дар таҳрири нав таҳия ва пешниҳод мегардад. Раванди ҷаҳонишавӣ дар миқёси олам дар назди инсоният мушкилоти нав ба навро ба миён овардааст. Яке аз ин мушкилиҳо, ки ҳуқуқ ва озодиҳои инсонро поймол менамояд,  ба инсон ҳамчун ашёи хариду фурӯш муомила кардан мебошад. Мувофиқи маълумоти Вазорати корҳои дохилии ҷумҳурӣ дар соли 2010-ум 531, соли 2011-ум 512, соли 2012-ум 522 ва дар соли 2013-ум  680 ҷинояти марбут ба савдои одамон ба қайд гирифта шудааст.
Тавре аз ин ҳисобот бармеояд, доираи амалҳои афроди ҷинояткорони ба савдои одамон машғул рӯз то рӯз меафзояд. Тибқи маълумоти Созмони байналмилалии меҳнат, дар соли 2012 шумораи қурбониёни савдои одамон дар ҷаҳон ба 27 миллион нафар расидааст. Аз ин нишондод шумораи бештари қурбониёни савдои одамонро занону кӯдакон ташкил медиҳанд, ки дар натиҷаи меҳнати маҷбурӣ, одамрабоӣ фоҳишагӣ ва истисмор, қурбони савдои одамон гардидаанд. Лоиҳаи қонуни мазкур аз 9 боб ва 48 модда иборат аст.
Насрулло Маҳмудов, вакили порлумон, гуфт, ки 10 сол муқаддам, яъне 15 июни соли 2004 Қонуни Ҷумҳурии Тоҷикистон «Дар бораи мубориза ба хариду фурӯши одамон» қабул гардид. Дар ин даҳсола Ҷумҳурии Тоҷикистон ҳамчун субъекти комилҳуқуқи муносибатҳои байналмилалӣ доир ба ин масъала якчанд санади ҳуқуқии байналмилалӣ ба имзо расонд. Ҳамзамон қонунҳои моделии Ассамблеяи байнипорлумонии Иттиҳоди давлатҳои мустақил (ИДМ) «Дар бораи муқовимат ба савдои одамон» ва «Дар бораи расондани  кӯмак ба қурбониёни савдои одамон» ба имзо расидаанд. Мавсуф зикр кард, ки намуд ва доираи муносибатҳои ғайриқонунӣ ба одамон на танҳо дар шакли харидуфурӯш, балки дар дигар шаклҳо ба вуҷуд омада, муносибатҳои нави ҷамъиятӣ дар ин самт берун аз танзими қонуни амалкунанда мондаанд.
Бинобар ин, бо тартиби ҳуқуқи ташаббуси қонунгузорӣ аз тарафи Президенти Ҷумҳурии Тоҷикистон лоиҳаҳои қонунҳои Ҷумҳурии Тоҷикистон «Дар бораи муқовимат ба савдои одамон» ва «Дар бораи расондани кумак ба қурбониёни савдои одамон» ба баррасии Маҷлиси намояндагон пешниҳод гардид. Азбаски лоиҳаҳо бо ҳамдигар дар ҳамбастагии зич қарор дошта, муносибатҳои ҷамъиятиро дар самти муқовимат ба савдои одамон ва расондани ёрӣ ба қурбониёни савдои одамонро ба танзим медароранд, аз ин лиҳоз бо розигии намояндаи субъекти ҳуқуқи ташаббуси қонунгузорӣ ва пешниҳоди Кумитаи Маҷлиси намояндагон оид ба қонунгузорӣ ва ҳуқуқи инсон ва дигар кумитаҳо бо қарори Шӯрои Маҷлиси намояндагон ин лоиҳаҳо ба як қонун, яъне ба Қонуни Ҷумҳурии Тоҷикистон «Дар бораи муқовимат ба савдои одамон ва расонидани кумак ба қурбониёни савдои одамон» муттаҳид шуд.
Амирқул Азимов, раиси Кумитаи Маҷлиси намояндагон оид ба тартиботи ҳуқуқӣ, мудофиа ва амният, зимни ба тасвиб расидани лоиҳаи Қонуни Ҷумҳурии Тоҷикистон «Дар бораи ҳуҷҷатҳои тасдиқкунандаи шахсият гуфт, ки лоиҳаи мазкур бо назардошти меъёр ва принсипҳои қонунгузории байналмилалӣ таҳия гардидааст.
Мақсад аз лоиҳаи қонуни мазкур муқаррар намудани намудҳои ҳуҷҷатҳои тасдиқкунандаи шахсияти шаҳрвандони Тоҷикистон, хориҷӣ ва шахсони бешаҳрванд, инчунин асосҳои ба расмият даровардан, барқарор намудан, беэътибор донистан, супурдан, гирифтан ва нобуд кардани ин ҳуҷҷатҳо мебошад.
Лоиҳаи қонун аз 5 боб ва 36 модда иборат аст.
Дар интиҳои ҷаласа Муҳиддин Кабирӣ, роҳбари Ҳизби наҳзати исломии Тоҷикистон, дар робита ба ҳодисаи ҳамлаи рӯзи 10 июн ба ӯ ва ҳамроҳонаш, ки дар шаҳри Кӯлоб аз тарафи як гурӯҳ авбошон сурат гирифт, ба Маҷлиси намояндагон гузориш дод.
Шукурҷон Зуҳуров иброз дошт, ки Маҷлиси намояндагон бо таассуф ба ин ҳодиса менигарад ва онро пайгирӣ хоҳад кард. Мавсуф ба Муҳиддин Кабирӣ тавсия дод, ки ҳодисаро хаттӣ ба мақомоти ҳифзи ҳуқуқ пешниҳод намояд, то ба он ҳодиса баҳои воқеъбинона дода, авбошон ба ҷазо кашида шаванд.

Мунаввари САФАР,
«Ҷумҳурият» 


Баёни ақида (0)    Санаи нашр: 13.06.2014    №: 112    Мутолиа карданд: 855

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард


Дар сомонаҳои дигари Тоҷикистон хонед