logo

ҳуқуқ

МАҲВИ МУХАДДИРОТ - КАФОЛАТИ СОЛИМИИ ҶОМЕА

Соли 1987 Маҷмааи кулли Соз-мони Миллали Муттаҳид 26 июнро ҳамчун Рӯзи мубориза бар зидди суиистеъмоли маводи нашъаовар ва муомилоти ғайриқонунии он, чун ифодаи ҷасорат баҳри пурзӯр намудани фаъолият ва ҳамкорӣ бо мақсади созмон додани ҷомеаи байналмилалии озод аз маводи нашъаовар эълон намуд. Ин қарор дар асоси тавсияи Конфронси байналмилалии мубориза бар зидди суиистеъмоли маводи нашъаовар ва муомилоти ғайриқонунии он 7 декабри ҳамон сол қабул шуд.
Пешгирии нашъамандӣ яке аз самтҳои афзалиятноки фаъолияти Агентии назорати маводи нашъаовари назди Президенти Ҷумҳурии Тоҷикистон ба шумор меравад, аз ҳамин хотир дар ҳудуди ҷумҳурӣ пайваста чорабиниҳои оммавии зиддимухаддиротӣ гузаронда мешаванд.
Ҳамасола дар арафаи Рӯзи байналмилалии мубориза бар зидди маводи нашъаовар аз тарафи агентӣ маҷмӯи чорабиниҳои зиддимухаддиротӣ, бо ҷалб намудани ҳамаи табақаҳои ҷомеа ташкил мешаванд, чорабиниҳои мухталифи фарҳангӣ - оммавӣ ва варзишӣ, мизҳои гирд баргузор мегарданд, ки мақсади асосии онҳо – тарғибу ташвиқи васеи корҳои зиддимухаддиротӣ мебошад. Кормандони агентӣ нақша доранд, ки имсол низ дар ин рӯз дар ҷумҳурӣ чорабиниҳои бештари таъсирбахш баргузор намоянд.
Имсол то 26 июн дар вилоятҳо, шаҳру ноҳияҳо, маҳаллаҳои аҳоли-нишин, майдончаю варзишгоҳҳо, чорбоғҳо, клубҳо, муассисаҳои таълимӣ, лагерҳои тобистонаи кӯдакон ва наврасон чорабиниҳои фарҳангӣ-оммавӣ ва варзишӣ ва дар шаҳрҳои Душанбе, Хоруғ, Кӯлоб, Қӯрғонтеппа, инчунин ноҳияи Мурғоб дар мавзӯи “Пешгирии нашъамандӣ” бо иштироки кормандони Маркази вируси норасоии масунияти одам, марказҳои наркологӣ ва якчанд ташкилоти ғайридавлатӣ аз рӯи масъалаҳои нашъамандӣ ва вируси норасоии масунияти одам, мизҳои гирд гузаронда мешаванд.
Дар ноҳияҳои тобеи ҷумҳурӣ бахшида ба Рӯзи байналмилалии мубориза бар зидди маводи нашъаовар аз тарафи кормандони Агентии назорати маводи нашъаовар бо иштироки намояндагони дин, аҳли ҳунар ва мутахассисони соҳаи тандурустию маориф ва ҳамзамон озмунҳо барои муайян намудани беҳтарин шеърҳо, сурудҳо, расмҳои кӯдакон, намоишномаҳо дар мавзӯи зиддимухаддиротӣ баргузор мегарданд.
Дар се вилояти ҷумҳурӣ, ноҳияҳои тобеи ҷумҳурӣ ва дар пойтахт аз рӯи намудҳои зерини варзиш - таэквон-до, дзюдо, гӯштингирӣ, волейбол, футбол, тенниси рӯимизӣ ва шоҳмот мусобиқаҳо баргузор мегарданд, ки дар он хонандагони мактабҳои таҳсилоти  миёнаи умумӣ, донишҷӯёни мактабҳои олӣ, кормандони идораҳои давлатӣ, ташкилотҳои ҷамъиятӣ ва созмонҳои байналмилалӣ иштирок менамоянд. Ба ғайр аз ин гузарондани як силсила вохӯриҳо бо намояндагони маориф ба нақша гирифта шудааст, ки дар он масъалаҳои тарбияи кӯдакон дар муассисаҳои томактабӣ ва мактабҳои таҳсилоти ҳамагонӣ баррасӣ хоҳанд шуд.
Бо назардошти муҳим будани пешгирии нашъамандӣ дар Тоҷикистон бо Фармони Президенти Ҷумҳурии Тоҷикистон, аз 13 феврали соли 2013 “Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013 - 2020” тасдиқ шуд. Инчунин кишвари мо ба узвияти Комиссияи байналмилалии назорати маводи нашъаовар барои солҳои 2014 - 2017 интихоб гардид, ки ин худ аз арзёбии баланди кӯшишҳои Ҳукумати ҷумҳурӣ дар соҳаи мубориза бар зидди муомилоти ғайриқонунии маводи нашъаовар, пешгирии нашъамандӣ ва эътироф намудани натиҷаҳои амалии Ҷумҳурии Тоҷикистон дар ин соҳа дарак медиҳад.
Мақсади асосии чорабиниҳои пешгирикунанда, ки аз тарафи агентӣ ва вазорату мақомоти салоҳиятдор, созмонҳои ғайри-давлатӣ таҳия мегарданд - ин  баланд бардоштани сатҳи дониши аҳолӣ дар соҳаи паст намудани талабот ба маводи нашъаовар ва пешгирии паҳншавии бемории вируси норасоии масунияти одам, тарғиби тарзи ҳаёти солими аҳолӣ ва даст кашидан аз истеъмоли маводи нашъаовар мебошад.

Умеда ЮСУФОВА,
нозири калони шуъбаи равобит бо ҷомеаи
ситоди Агентии назорати маводи нашъаовари
назди Президенти Ҷумҳурии Тоҷикистон


Баёни ақида (0)    Санаи нашр: 19.06.2014    №: 116    Мутолиа карданд: 619

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд

Чин бори нахуст аз ҷиҳати миқдори сафорат дар хориҷа ИМА - ро пас гузошт

Сарвазири Украина ба мардуми кишвар тибби ройгонро ваъда дод

Ҷаҳон дар як сатр

ЧЕМПИОНАТИ CAFA – 2019. Бонувони тоҷик соҳиби медали биринҷӣ шуданд

28.11.2019


НОҲИЯИ АЙНӢ. Боз як маркази нав дар хизмати мардум

27.11.2019


Ҷаласаи Кумитаи тадорукот оид ба омодагӣ ва баргузории ду чорабинии сатҳи байналмилалӣ

Медали биринҷии Сомон аз Ҷопон

Бишкек. Дар ҳамоиши СААД 21 масъала баррасӣ мешавад


Дар сомонаҳои дигари Тоҷикистон хонед