logo

ҳуқуқ

ХАТЛОН. НАЗОРАТ ПУРЗӮРТАР МЕШАВАД

Прокуратураи вилояти Хатлон бо роҳи назорати умумӣ ҳолати иҷрои Қонуни Ҷумҳурии Тоҷикистон «Дар бораи ҳимояи ҳуқуқи истеъмолкунандагон»-ро дар вилоят мавриди санҷиш қарор дод. Дар натиҷа як қатор камбудиҳо, аз ҷумла ҳолатҳои бидуни риояи стандарти давлатӣ, меъёру қоидаҳои санитарӣ ба фурӯш баровардани маводи ғизоии муҳлати истеъмолаш гузашта ва бидуни сертификати мутобиқати сифат ошкор гардиданд.

Масалан, Сино Нуруллоев, сокини деҳаи Ҳ. Шерови Ҷамоати деҳоти Озодагони ноҳияи Панҷ, ба фаъолияти соҳибкорӣ машғул гардида, бар хилофи талаботи моддаҳои 2, 10, 11 ва 13-и Қонуни Ҷумҳурии Тоҷикистон «Дар бораи бехатарии маҳсулоти хӯрокворӣ» ва моддаҳои 1 ва 6-и Қонуни Ҷумҳурии Тоҷикистон «Дар бораи ҳимояи ҳуқуқи истеъмолкунандагон», нӯшокиҳои спиртии ба талабот ҷавобгӯ набударо фурӯхтааст. Ҳангоми санҷиш аз мағозаи ӯ, аз ҷумла 20 дона арақи “Чёрный принц”, 117 дона “Особая водка”, 18 дона “Симои Тоҷикистон”, 9 дона “Пшеничная”, 94 дона коняки “Форсиян”, 20 дона “Коняк”, ки дар зарфҳои пластмассӣ борпеч шудаанду вақти истеҳсол ва муҳлати истеъмолашон зикр нагаштааст, мусодира шуд.
Тибқи хулосаи мутахассисони озмоишгоҳи ташхиси хӯроквории маркази стандартизатсия, метрология, сертификатсия ва нозироти савдои вилояти Хатлон аз 14 феврали соли 2014, таҳти № 1256, 1257, 1258, 1259, 1260 ва 1261 ин маҳсулот ба талаботи стандарт ва шартҳои техникӣ мутобиқ намебошанд. Аз рӯи ин ҳолат 17 феврали соли 2014 аз тарафи прокуратураи ноҳияи Панҷ нисбат ба С. Нуруллоев парвандаи ҷиноятӣ оғоз шудааст. Ҳамзамон дар рафти санҷиш муайян гардид, ки Миралӣ Бекмирзоев, сокини ноҳияи Ёвон, Ҷамоати деҳоти «Ситораи Сурх», деҳаи Пахтакор дар мағозаи хӯроквории ба номи «Амиралӣ» маҳсулоти ғизоии навъи «Қаймоқ», «Рулет Бедрам », «Равғани Бахаран», «Суфле в шоколодной», «Мармалад» ва ғайраро хилофи қоидаҳои санитарӣ ва эпидемиологӣ ба фурӯш баровардааст.
Мувофиқи хулосаи Маркази назорати давлатии санитарию эпидемиологии вилояти Хатлон таҳти № 88, 89, 90, 91, 92, 93, 94 ва 95 аз 1 апрели соли 2014 истеъмоли хӯроквории номбурда ба саломатии инсон хавфнок ва зараровар мебошад. Оид ба ин ҳолат 2 апрели соли 2014 аз тарафи прокурори вилояти Хатлон, нисбат ба М. Бекмирзоев парвандаи ҷиноятӣ оғоз шудааст.
Мутобиқи талаботи моддаи 11 Қонуни Ҷумҳурии Тоҷикистон «Дар бораи бехатарии маҳсулоти хӯрокворӣ» маводи ғизоие, ки муҳлати истеҳсол ва санаи истеъмолашон нишон дода нашудааст, хатарнок ҳисобида шуда, фурӯши онҳо манъ аст. Аммо дар ҷараёни санҷиш маълум гашт, ки соҳибкор С. Бобоқулова, сокини деҳаи Ҷерқаъла, Ҷамоати деҳоти Зиракии шаҳри Кӯлоб дар нуқтаи савдои хусусиаш ба фурӯши хӯрокворӣ машғул шуда, маҳсулоти муҳлати истеъмолаш гузаштаро ба фурӯш баровардааст. Прокуратураи вилояти Хатлон дар минтақаи Кӯлоб бо моддаи 627-и Кодекси ҳуқуқвайронкунии маъмурии Ҷумҳурии Тоҷикистон нисбат ба ин соҳибкор парвандаи ҳуқуқвайронкунии маъмурӣ оғоз кардааст.
Ҳамчунин дар рафти санҷиш ҳолатҳои аз тарафи соҳибкорон начаспондани нархнома ба молҳои фурӯхташаванда ва пешниҳод накардани нархнома барои хизматрасонӣ ошкор шуд. Чунончи, шаҳрванд Абдусаломи Шомурод, сокини деҳаи Ҷерқаъла, Ҷамоати деҳоти Зиракиии шаҳри Кӯлоб дар нуқтаи савдои хусусиаш, бо вуҷуди ҷой доштани чунин камбудиҳо, ба фурӯши маҳсулоти ғизоӣ машғул шудааст. 26 феврали соли равон аз тарафи прокуратураи вилояти Хатлон дар минтақаи Кӯлоб нисбат ба номбурда бо моддаи 633, қисми 1-и Кодекси ҳуқуқвайронкунии маъмурии Ҷумҳурии Тоҷикистон парвандаи ҳуқуқвайронкунии маъмурӣ оғоз шуда, барои иҷро ба мақомоти стандартизатсия, метрология, сертификатсия ва нозироти савдои гурӯҳи шаҳру ноҳияҳои Кӯлоб ирсол гаштааст.
Аз беназоратию беаҳамиятии масъулони мақомоти дахлдор, бахусус Маркази стандартизатсия, метрология, сертификатсия ва нозироти савдо ва Маркази назорати давлатии санитарию эпидемиологии вилоят баъзе соҳибкорон истифода бурда, маҳсулоти муҳлати истифодаашон гузашта ё сертификати мутобиқати сифат надоштаро ба фурӯш баровардаанд.
Гузашта аз ин, дар рафти санҷиш ҳолатҳои аз тарафи соҳибкорон ба фурӯш баровардани мол бидуни мавҷудияти чек ва таъмин накардани чеки хазинадорӣ ошкор гардид. Чунончи, соҳибкор Ч. Мирзоев, сокини шаҳри Қӯрғонтеппа, кӯчаи Қизил Аскар, дар мағозаи хӯроквории “Азим” фаъолият намуда, хилофи талаботи моддаи 38-и Кодекси андози Ҷумҳурии Тоҷикистон истифодаи мошинаи назорати хазинавии дорои хотираи фиксалиро таъмин накардааст. Вобаста ба ҳолати мазкур нисбат ба ин соҳибкор бо моддаи 615 Кодекси ҳуқуқвайронкунии маъмурии Ҷумҳурии Тоҷикистон парвандаи ҳуқуқвайронкунии маъмурӣ оғоз шуда, тибқи талаботи моддаи 121 кодекси мазкур барои баррасӣ ба нозироти андоз ирсол гардид. Чунин қонуншиканиҳо дар шаҳру ноҳияҳои Данғара ва Ҷиликул низ ошкор гаштанд.
Дар рафти санҷиш ҳолатҳои мувофиқат накардани мол ба стандарт, шартҳои шартнома ё худ талаботи одии сифати мол ошкор шуданд. Мисол, шаҳрванд Дониёр Турсунов, сокини ноҳияи Бохтар, Ҷамоати деҳоти Навбаҳор, деҳаи Коммунизм дар канори роҳи мошингарди деҳаи мазкур ба фаъолияти соҳибкорӣ дар намуди фурӯши сӯзишвории навъи бензин машғул гардида, ҳангоми фурӯши 40 литр сӯзишворӣ ба харидор Қ. Набиев 1,450 литр кам бензин дода, охиронро ба маблағи 8,12 сомонӣ фиреб додааст. Вобаста ба ҳолати мазкур 13 январи соли 2014 аз тарафи прокуратураи ноҳияи Бохтар нисбат ба Д. Турсунов бо моддаи 294 қисми 1 Кодекси ҷиноятии Ҷумҳурии Тоҷикистон парвандаи ҷиноятӣ оғоз шуда, баъди итмоми пешбурди тафтишоти пешакӣ он бо тасдиқи фикри айбдорӣ барои моҳиятан баррасӣ намудан ба суд исрол гашт.
Дар рафти санҷишҳои прокурорӣ ба ҳамин монанд қонуншиканиҳои зиёде ошкор гардиданд, ки натиҷаи бемасъулиятии масъулони Маркази стандартизатсия, метрология, сертификатсия ва нозироти савдо ва Маркази назорати давлатии санитарию эпидемиологии вилоят мебошад.
Инчунин дар ҷараёни санҷиш ҳолатҳои аз тарафи соҳибкорон ва фурӯшандагон ғайриқонунӣ ва бе иҷозатномаи мақомоти назорати байторӣ ба фурӯши маҳсулотҳои гӯштӣ машғул будан ошкор шуд. Аз ҷумла шаҳрванд Ҳ. Раҷабов, сокини ноҳияи Бохтар, Ҷамоати шаҳраки Сомонӣ хилофи талаботи қонунгузории ҷорӣ амал намуда, бидуни хулосаи мақомоти дахлдор ба фурӯши маҳсулоти гӯштӣ машғул гардидааст. Вобаста ба ҳолати мазкур 30 январи соли 2014 аз тарафи прокуратураи ноҳияи Бохтар нисбат ба Ҳ. Раҷабов бо моддаи 112 Кодекси ҳуқуқвайронкунии маъмурии Ҷумҳурии Тоҷикистон парвандаи ҳуқуқвайронкунии маъмурӣ оғоз гардида, тибқи талаботи моддаи 95 кодекси мазкур парванда барои баррасӣ ба Маркази назорати давлатии санитарию эпидемиологии ноҳияи Бохтар ирсол шудааст. Айнан ба ҳамин монанд қонуншиканиҳо зимни гузарондани санҷиш дар шаҳру ноҳияҳои Вахш, Ҷиликул ва Восеъ ошкор гардиданд.
Ҳамин тавр, аз натиҷаи санҷишҳои прокурории дар ин самт гузаронда, ба номи роҳбарони корхонаву ташкилотҳои дахлдор 21 пешниҳод ва 3 амр оварда, 281 парвандаи ҳуқуқвайронкунии маъмурӣ, 19 этироз ва 64 парвандаи ҷиноятӣ оғоз шудааст. Ҳамзамон бо натиҷаи баррасии санадҳои прокурорӣ 18 шахси мансабдор ба ҷавобгарии интизомӣ кашида шуд.
Прокуратураи вилояти Хатлон тасмим гирифтааст, ки дар оянда назорати прокурориро дар ин самт боз ҳам пурзӯртар намуда, баҳри бартараф кардани қонуншиканиҳо чораҳои таъсиррасонии прокурорӣ меандешад.

А. АЗИЗУЛЛОЕВ,
сардори шуъбаи назорати умумии Прокуратураи
вилояти Хатлон,
мушовири адлияи дараҷаи 1


Баёни ақида (0)    Санаи нашр: 19.06.2014    №: 116    Мутолиа карданд: 623

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед