logo

иҷтимоиёт

«ОЗОДАГОН». СОДИҚОВ ВА МАНФИАТҲОИ МИЛЛӢ

Таассуфангез аст, вақте дар ҷомеаи мутамаддин миёни мафҳумоте чун «манфиатҳои миллӣ» ва «мушкилоти сиёсӣ, иқтисодӣ - иҷтимоӣ» фарқ гузошта наметавонанд. Ва агар чунин камбуде дар миёни пешқадамтарин қишри ҷомеа – аҳли қалам эҳсос гардад, пас вой бар ҳоли миллат. Албатта, сухан дар бораи тамоми қаламбадастон намеравад, вале ба андешаи банда, қарзи ҳар яки онҳо ислоҳи  иштибоҳи ҳамдигар аст. 
Ба навиштани ин сатрҳо хабари сомонаи «Озодагон» аз 25-уми июни соли ҷорӣ таҳти сарлавҳаи «4500 олим аз Ятимов раҳоии Содиқовро талаб доранд» водорам кард. Чаро? Зеро дар қазияи боздошти Александр Содиқов, сухан маҳз сари манфиатҳои миллӣ меравад. Сомонаи «Озодагон» ҳамарӯза даҳҳо хабару матлаб дар интиқоди Ҳукумати Тоҷикистон, масъалаҳои сиёсӣ ва мушкилоти иқтисодӣ-иҷтимоии кишвар нашр мекунад, ки бо аксари далелҳо розиам ва даъвое надорам. Лекин нашр намудани хабари болоӣ собит месозад, ки ҳайати корбарону дастандаркорони сомона тавре дар боло ишора шуд ё ба умқи масъала сарфаҳм нарафтаанд ё дониста манфиати бегонагонро дар баҳси зуҳуркарда ҳимоят доранд.
17-уми июн дар изҳороти Раёсати Кумитаи давлатии амнияти миллии Тоҷикистон дар ВМКБ дақиқ зикр шуда буд, ки Александр Содиқов дар пайи иҷрои супориши хадамоти махсуси (ҷосусии) яке аз давлатҳои хориҷӣ ба Хоруғ рафтааст. Ҳатмӣ нест, ки ин ҷо номи ҳамон кишвар зикр гардад ва далелҳои шайъӣ пешниҳод шаванд. Зеро шеваи муносибатҳои байналмилалии дипломатӣ ҳаминро тақозо мекунад. Вале барои аҳли фаҳм як ишора бас аст. Агар далелҳо мавҷуд намебуданд, куҷо як давлати хурде алайҳи абарқудрате садо баланд мекард?
Сарварону роҳандозони «Озодагон» ҳатто таваҷҷуҳро ба масъалаи манфиатҳои миллӣ ва таъмини онҳо аз лиҳози амниятӣ, лоиқ надонистаанд. Вагарна раиси КДАМ Саймумин Ятимов дар конфронси илмӣ - амалии ҷумҳуриявӣ таҳти унвони «Муқовимат ба таҳдидҳо ва хатарҳои муосир дар минтақаи Осиёи Марказӣ: дастовардҳо ва дурнамоҳои Тоҷикистон дар мубориза бо терроризм, экстремизм ва коррупсия» (шаҳри Душанбе, 19-уми июни соли 2014) ошкоро изҳор дошт, ки «баъзе аз хадамоти махсуси хориҷӣ бо гурӯҳҳои муташаккили ҷиноятӣ ҳамкорӣ мекунанд. Ба онҳо пул медиҳанд, то ин ки онҳо ба муқобили суботу амнияти кишвари мо ва дар умум, минтақа фаъолият бубаранд». Шоистаи таҳсин аст, ки аксарияти рӯзноманигорони ҳирфаии ҷумҳурӣ ба умқи маънии ин гуфтаҳо расиданд. Ҳушёрона пай бурданд, ки шахсияте дар ин пояи масъули давлатӣ, ҳаргиз дар ҷойи холӣ, бидуни факту далелҳои воқеӣ муносибатҳои хориҷии ҷумҳуриро зери суол намегузорад. Аз ин рӯ, мавқеи сарвари ниҳоди амниятии ҷумҳуриро дастгирӣ карданд.
Масъулони «Озодагон» хабарро дар бораи ҷамъоварии беш аз 4500 имзо ба тарафдории Александр Содиқов ва аз раиси Кумитаи давлатии амнияти миллӣ хостани раҳоии ҳар чӣ зудтари ӯ паҳн мекунанд, вале ин нукта водори андешиданашон накардааст, ки чаро ин қадар талош барои халосии «пажӯҳишгаре» сурат мегирад, ки тадқиқоти мушаххасе дар тӯли фаъолияташ анҷом надодааст!? Ҷамъоварии ҳамин имзоҳо бозгӯи он аст, ки корфармоёни А. Содиқов худро дар боздошти ӯ муҷрим медонанд, вагарна куҷо ин қадар олим дар бораи нафаре, ки собиқаи кори илмиаш ду-се соле беш нест ва ӯро боре надидаанд, садо баланд мекунанд? Пажӯҳишгаре, ки ҳама ҷо худро унвонҷӯи Донишгоҳи Торонтои Канада муаррифӣ мекунаду ҳамин, ки дастгир мешавад, ходими илмии Донишгоҳи Экситери Британияи Кабир эълон мегардад. Ҳамин ишора барои шубҳанокии кирдори «қаҳрамон»-и қазия басанда нест?
Аслан ба имзоҷамъкунии бародарони аврупоӣ ва талошҳои онҳо баҳри озодии А. Содиқов иддаое надорам. Баръакс таҳсинашон мехонам, ки баҳри пиёда намудани ҳадафҳои манфиати миллиашонро ҳифзкунанда, тамоми роҳҳоро меҷӯянд. Барои роҳёбӣ ва истифодаи вазъи Хоруғ аз тамоми василаҳо истифода бурданд, ҳатто аз шаҳрвандони мо. Аз он гурӯҳе, ки манфиати бегонаро аз худӣ болотар меҳисобад. 
Гунаҳгор будану набудани Александр Содиқовро мақомоти марбута муайян хоҳанд кард. Маро, тавре болотар гуфтам, бетафовутӣ ва муносибати муғризонаи бархе аз намояндагони қишри хомабадасти ҷомеа ба ҳифзи манфиатҳои миллӣ ором гузошта наметавонад. Чаро дигарон метавонанду мо не? Чаро ҳамроҳшавии Қрим ба Русия ҳарчанд мухолифи қавонини байналмилалӣ буд, тавонист тамоми ҷомеа, аҳли қаламу эҷоди ин кишварро дар атрофи ҳукумати он муттаҳид созад? Зеро онҳо ба арзишҳои волои ҳифзкунандаи манфиатҳои миллиашон содиқанд. Онҳо комилан дарк мекунанд, ҳамон кишваре пойдор мемонад, ки манфиатҳои худро ҳифз карда тавонад. Мо чӣ?
Тавре дар мисоли «Озодагон» дидем, ҳанӯз ба мафҳуми манфиатҳои миллӣ сарфаҳм нарафтаем. Зарба ба ин манфиатҳоро интиқоди ҳукумати амалкунанда мепиндорем. Аз ҷониби дигар, агар дидаю дониста ба чунин иқдоме даст мезанем, пас  ҳуқуқи маънавӣ надорем, ки худро шаҳрванди ин кишвару фарзанди ин миллат хонем. Онҳоеро, ки ба ин андеша розианд, барои муттаҳидшавӣ дар роҳи ҳифзи манфиатҳои миллӣ даъват мекунам. Биёед дар чунин лаҳзаҳо аз як гиребон сар барорем. Зеро дар шароити тағйирёбии босуръати ҷаҳони навин, он давлатҳое худро нигоҳ дошта метавонанд, ки иродаю қудрати ҳифз кардани манфиатҳои миллии худро дошта бошанд.
Соҳиб НАЗАРЗОДА,
 рӯзноманигор


Баёни ақида (0)    Санаи нашр: 3.07.2014    №: 126    Мутолиа карданд: 2145
01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД

ТОКИО. САНАИ БАРГУЗОРИИ БОЗИҲОИ ОЛИМПӢ МАЪЛУМ ШУД

ТАНТАНАҲОИ НАВРӮЗӢ ДАР ЛАХШ

ҲИФЗИ МУҲИТИ ЗИСТ. ИҶРОИ БАРНОМА МУҲОКИМА ГАРДИД

СУТ: 165 ҲАЗОР БЕМОРИ COVID-19 ШИФО ЁФТ

ЧИН БАРОИ ПЕШГИРӢ АЗ КОРОНАВИРУС БА ТОҶИКИСТОН АФЗОРИ ЗАРУРӢ ФИРИСТОД

ДАР УХАН БЕШ АЗ 60 БЕМОРХОНА БА НИЗОМИ МУҚАРРАРИИ ФАЪОЛИЯТ БАРГАШТ

ТАБИБОНИ ОЛМОНӢ 16 ҲАЗОР БЕМОРРО АЗ КОРОНАВИРУС НАҶОТ ДОДАНД

ПУТИН ВА ТРАМП НАРХИ КУНУНИИ НАФТРО БА МАНФИАТИ ДУ КИШВАР СОЗГОР НАМЕШУМОРАНД

ДАР ТУРКМАНИСТОН ИСТИФОДАИ КАЛИМАИ КОРОНАВИРУС МАНЪ ГАШТ

Ҷаҳон дар як сатр

31.03.2020


РОҒУН. ВАРЗИШ РӮ БА РУШД ДОРАД

КОРРУПСИЯ РОҲБАРИ АССОТСИАТСИЯРО БА КУРСИИ АЙБДОРӢ НИШОНД

ОДАМКУШӢ. ХУШУНАТИ ОИЛАВИЕ, КИ БО МАРГ АНҶОМ ШУД

ДУЗДӢ. ГУМОНБАР БОЗДОШТ ГАРДИД

Ҷаҳон дар як сатр

РОССИЯ РОҲИ ТАБОБАТИ КОРОНАВИРУСРО ПАЙДО КАРД

ДАР ҚИРҒИЗИСТОН НАХУСТИН БЕМОРОНИ ВИРУСИ НАВ ШИФО ЁФТАНД

ПУТИН ВА ТРАМП МАСОИЛИ COVID-19 ВА НАРХИ НАФТРО БАРРАСӢ НАМУДАНД

ИНДУСТРИЯИ МӮДИ ИТАЛИЯ РӮЗЕ 1,5 МИЛЛИОН НИҚОБИ ТИББӢ ХОҲАД БАРОВАРД

30.03.2020


"АЗ НАВРӮЗ ТО НАВРӮЗ"

БӮСТОН. АВЛАВИЯТ БА РУШДИ САНОАТ

ДАР ЧИН ДАВОИ КОРОНАВИРУСРО ДАРЁФТ НАМУДАНД

ДОНАЛД ТРАМП ВА СИ ҶИНПИН ЗИДДИ COVID - 19 ЯКҶОЯ МУБОРИЗА МЕБАРАНД

БУНДЕСТАГ ТАСМИМИ ИМА - РО ОИД БА НИГОҲ ДОШТАНИ ТАҲРИМОТ ДАР ДАВРАИ ПАНДЕМИЯ МАҲКУМ КАРД

СУКЕРБЕРГ ВА ГЕЙТС БАРОИ МУБОРИЗА БО ВИРУСИ НАВ $25 МИЛЛИОН МАБЛАҒ МЕДИҲАНД

САРВАТМАНДТАРИН ЧИНӢ БАРОИ ТАҲИЯИ ВАКСИНА АЗ COVID-19 $14,4 МИЛЛИОН ДОД

Ҷаҳон дар як сатр

19.03.2020


МАСТЧОҲ. НАМОИШИ ТЕХНИКАИ КИШОВАРЗӢ

18.03.2020


КОРШИНОСОН ГУРӮҲИ АЗ КОРОНАВИРУС ОСЕБПАЗИРИ ХУНРО МУАЙЯН НАМУДАНД

БА ӮЗБЕКИСТОН ТАБИБОНИ ЧИНӢ МЕОЯНД


Дар сомонаҳои дигари Тоҷикистон хонед