logo

порлумон

ҶАЛАСАИ ХОТИМАВӢ

Дар оғози ҷаласаи хотимавии иҷлосияи панҷуми Маҷлиси намояндагони Маҷлиси Олӣ Шукурҷон Зуҳуров, Раиси Маҷлиси намояндагон, иброз дошт, ки бо пешниҳоди Президенти мамлакат Эмомалӣ Раҳмон Маҳмадшариф Ҳақдодов дар Созмони ҳамкории Шанхай ба вазифаи муовини котиби генералӣ таъйин шуд.

Сипас лоиҳаҳои Қарори Маҷлиси намояндагони Маҷлиси Олии ҷумҳурӣ дар бораи пеш аз муҳлат қатъ гардидани ваколати вакил, аз вазифаи раиси Комиссияи экологии Маҷлиси намояндагон ва аз ҳайати Кумитаи Маҷлиси намояндагони Маҷлиси Олии Ҷумҳурии Тоҷикистон оид ба масъалаҳои аграрӣ, захираҳои об ва замин озод кардани Маҳмадшариф Ҳақдодов ба тасвиб расид.
Бо пешниҳоди Шукурҷон Зуҳуров  вакил Зайниддин Сафаров аз Ҳизби аграрии Тоҷикистон, раиси Комиссияи экологии Маҷлиси намояндагон ва ҳамзамон ба ҳайати Шӯрои Маҷлиси намояндагон пазируфта шуд.
Шукурҷон Зуҳуров, зимни гузориш перомуни фаъолияти иҷлосияи панҷуми Маҷлиси намояндагон даъвати чорум иброз дошт, ки дар ин муддат 39 ҷаласаи Шӯро баргузор гардида, 521 масъала мавриди баррасӣ қарор гирифт.
Дар 28 ҷаласаи иҷлосияи Маҷлиси намояндагон 181 қонун ва дигар санадҳои меъёрии ҳуқуқӣ қабул ва тасдиқ гардиданд. Аз ҷумла, 2 қонуни конститутсионӣ, 6 тағйиру илова ба қонунҳои конститутсионӣ, 13 қонуни мукаммал, 69 тағйиру илова ба қонунҳо, 15 тағйиру илова ба кодексҳо, 31 созишнома, 2 конвенсия, 35 қарор, 1 дурнамо, 3 шартнома, 2 протокол ва 1 барнома мавриди қабул ва тасдиқ қарор гирифтанд.
Дар ин муддат бо истифода аз ҳуқуқи ташаббуси қонунгузорӣ аз ҷониби Президенти Ҷумҳурии Тоҷикистон 50 лоиҳа, Ҳукумати Ҷумҳурии Тоҷикистон 73 лоиҳа, аъзои Маҷлиси миллӣ ва вакилони Маҷлиси намояндагон 26 лоиҳаи қонун пешниҳод ва қабул гардиданд.
Назар ба гуфтаи ӯ, тамоми қонунҳои дар ҷараёни иҷлосия қабулкарда ҷиҳати рушду нумӯи бахшҳои алоҳидаи кишвар нақши хос доранд. Вале дар ин миён чанде аз қонунҳо дар рушди саросарии мамлакат дорои аҳамияти вижа мебошанд.
Қонунҳои конститутсионии Ҷумҳурии Тоҷикистон «Дар бораи судҳои Ҷумҳурии Тоҷикистон» ва «Дар бораи Суди конститутсионии Ҷумҳурии Тоҷикистон» дар партави Паёми Президенти мамлакат ба Маҷлиси Олӣ ва ҷиҳати иҷрои «Барномаи ислоҳоти судӣ-ҳуқуқӣ дар Ҷумҳурии Тоҷикистон барои солҳои 2011-2013» таҳия ва қабул шудаанд.
Дар Қонуни конститутсионии Ҷумҳурии Тоҷикистон «Дар бораи судҳои Ҷумҳурии Тоҷикистон» принсипҳои асосии фаъолият, салоҳият, интихоб, таъин ва бозхонду озод намудани судяҳо, ҳавасмандгардонӣ ва ба ҷавобгарӣ кашидани онҳо, таъминоти моддию техникии судяҳо ва дигар фаъолияти онҳо, инчунин салоҳияти Шӯрои адлияи Ҷумҳурии Тоҷикистон пешбинӣ шудааст.
Мақсади асосии Қонуни Ҷумҳурии Тоҷикистон «Дар бораи ҳимоя ва дастгирии давлатии соҳибкорӣ» иборат аз мутобиқсозии меъёрҳои фаъолият дар соҳаи ҳимоя ва дастгирии давлатии соҳибкорӣ бо дигар қонунҳои амалкунанда ва шароити мусоид фароҳам овардан ба рушди соҳибкорӣ мебошад. Қонуни мазкур муносибатҳои муосири дастгирии соҳибкориро пешбинӣ намуда, ба беҳтар гардидани фазои соҳибкорӣ, таъмини бештари ҳимояи ҳуқуқу манфиатҳои қонунии онҳо аз тарафи давлат мусоидат мекунад.
Бояд тазаккур дод, ки қонуни мазкур пурра ба талаботи стандартҳои байналмилалӣ, аз ҷумла ба талаботи Созмони умумиҷаҳонии савдо, ки Тоҷикистон ба узвияти он қабул гардидааст, мутобиқ мебошад.
Дар Қонуни Конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни Конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» тағийру иловаҳое пешниҳод гардидаанд, ки вобаста ба тартиби ташкили қитъаҳои интихоботӣ дар хориҷи кишвар, зиёд намудани шумораи умумии номзадҳо, ки аз тарафи ҳизбҳои сиёсӣ пешниҳод мешаванд, кам кардани гарави интихоботӣ, тартиби санҷиши нодурустии имзоҳо, зиёд намудани вақти эфир барои баромади номзадҳо ва ҳизбҳо, тағйир додани шакли бюллетени овоздиҳӣ ва тартиби пур кардани он, маҳдудкунии иштироки кормандони мақомоти маҳаллии ҳокимияти давлатӣ дар вохӯриҳои номзадҳо бо интихобкунандагон ба демократисозии ҷараёни интихобот равона шудаанд.
Шукурҷон  Зуҳуров  гуфт, ки дар давоми фаъолияти иҷлосия 681 шаҳрванд қабул карда шуд ва дар ин муддат ба унвони Маҷлиси намояндагон 452 адад муроҷиати хаттӣ, дар маҷмӯъ 1133 муроҷиати шаҳрванд ворид гардид, ки аксари онҳо мавриди баррасӣ қарор гирифта, аз натиҷааш ба муроҷиаткунандагон хабар дода шудааст.
Баррасии арзу шикоятҳо нишон медиҳанд, ки муроҷиатҳои шифоҳӣ дар аксари маврид ба шаҳри Душанбе ва ноҳияҳои тобеи ҷумҳурӣ мансуб буда, муроҷиатҳои хаттӣ аз ҳамаи минтақаҳои ҷумҳурӣ ворид гардидаанд. Аз таҳлили хусусияти соҳавии муроҷиатҳо бармеояд, ки аризаҳо асосан оид ба таъмини нафақа, ҷудо намудани қитъаи замин барои сохтмони манзили истиқоматӣ, таъмин бо манзили зист, баҳси манзили истиқоматӣ, дастрас кардани техникаи тиббӣ, таъминот бо оби ошомиданӣ, ситондани андоз, расондани ёрии моддӣ, бозҳисобии ҳама гуна нафақаҳо, таъмин бо ҷойи кор, ёрии тиббию санитарӣ, дохилшавӣ ба мактабҳои олӣ ворид гардида, қисмати зиёдашон дар муҳлати муайяншуда мусбат ҳал гардидаанд.
Дар ин давра ба кумитаҳо ва комиссияҳо 383 ва ба шуъбаҳои Дастгоҳ 69 муроҷиат ворид гардид, ки мувофиқи мансубияташон барои баррасӣ ва чораандешӣ ба Ҳукумат, вазорату идораҳо, мақомоти иҷроияи ҳокимияти давлатии вилоятҳо ва шаҳру ноҳияҳо, Суди олӣ, Прокуратураи генералӣ фиристода шудаанд.
Раиси Маҷлиси намояндагон, ки аз  17 то 19 июни соли ҷорӣ бо даъвати Раиси Думаи давлатии Маҷлиси Федеролии Федератсияи Русия Сергей Наришкин дар шаҳри Маскав буд, иброз дошт:
- Зимни ин сафар мо бо Валентина Матвиенко, Раиси Шӯрои Федератсияи Маҷлиси Федеролии Федератсияи Русия, Сергей Наришкин, Раиси Думаи давлатӣ ва Константин Ромодановский, раиси Хадамоти Федеролии муҳоҷирати меҳнатии Федератсияи Русия ва донишҷӯёну  ҳайати шӯрои олимони Донишкадаи давлатии заминсозии шаҳри Маскав мулоқот намудем.
Онҳо пешниҳодҳои моро дар бобати ҳарчи зудтар ба тасвиб расондани ҳуҷҷатҳо оид ба ташкили қабули муҳоҷирон ба кор, касбомӯзии мақсадноки ҷавонони тоҷик дар омӯзишгоҳҳои касбию техникӣ ва литсейҳои Русия, бо назардошти талаботи бозори меҳнати он кишвар, барҳам додани квотаҳо барои қабули муҳоҷирон ба кор, ҳифзи иҷтимоӣ ва таъминоти нафақаи муҳоҷирони меҳнатӣ ва дигар масъалаҳои марбут ба ин мавзӯъ ҷонибдорӣ намуданд.
Раиси порлумон таъкид кард, ки дар марҳалаи кунунӣ нақши матбуот дар инъикоси воқеияти ҳоли рӯйдодҳои ҳар як кишвар, ҳар як ниҳоди давлативу ҷамъиятӣ хеле зиёд аст.
Мо ба ҳеҷ ваҷҳ садди роҳи фаъолияти шаффофи воситаҳои ахбори омма нахоҳем шуд ва ҳеҷ гуна мушкилот дар ин самт барои хабарнигорон эҷод нахоҳем кард.
Мунаввари САФАР,
“Ҷумҳурият”


Баёни ақида (0)    Санаи нашр: 3.07.2014    №: 126    Мутолиа карданд: 808

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед