logo

мулоқотҳо

Мулоқоти Эмомалӣ Раҳмон бо Чжан Син

18 феврал Президенти Ҷумҳурии Тоҷикистон Эмомалӣ Раҳмон раиси Шӯрои директорони ширкати ТВЕА-и Ҷумҳурии Мардумии Чин Чжан Синро ба ҳузур пазируфт.
Дар мулоқот масоили ҳамкории Тоҷикистон бо ин ширкат дар самти сохтмони иншооти энергетикӣ баррасӣ шуд.
Чжан Син ба Сардори давлат оид ба рафти сохтмони хатти 500 киловолтаи интиқоли нерӯи барқи «Ҷануб-Шимол» ва нақшаҳои бунёди Нерӯгоҳи барқи обии «Нуробод-1» ва як Маркази барқу гармидиҳӣ дар шаҳри Душанбе гузориш дод.
Ширкати ТВЕА бо супориши Президенти Ҷумҳурии Тоҷикистон Эмомалӣ Раҳмон ӯҳдадор шуд, ки сохтмони хатти 500 киловолтаи интиқоли нерӯи барқи «Ҷануб-Шимол»-ро то охири соли равон ба поён расонад.
Ба гуфти Чжан Син, бунёди Нерӯгоҳи барқи обии «Нуробод-1» дар дарёи Хингоб, ки иқтидори лоиҳавиаш 200 мегаватт аст, дар ҳоли омодасозии асоснокии техникию иқтисодӣ қарор дорад.
Маркази барқу гармидиҳӣ дар шаҳри Душанбе бошад, бояд бо иқтидори зиёда аз 200 мегаватт ва бо харҷи тақрибан 30 миллион доллари амрикоӣ дар давоми 18-20 моҳ  сохта шавад.
Дар мулоқот оид ба имконоти ҳамкорӣ дар татбиқи дигар тарҳу барномаҳо низ гуфтугӯ сурат гирифт.

Х Х Х

Раиси Шӯрои директорони Ширкати ТВЕА-и Ҷумҳурии Мардумии Чин Чжан Син пас аз дидору гуфтугӯ бо Эмомалӣ Раҳмон, Президенти Ҷумҳурии Тоҷикистон, назари худро дар брифинг ба хабарнигорон чунин иброз дошт:
 -Мо бо Ҷаноби Олӣ, мӯҳтарам Эмомалӣ Раҳмон, Сардори давлати Тоҷикистон, дар фазои дӯстона ва ҳусни тафоҳум дар бораи тавсеаи ҳамкориҳои мутақобилан судманд, ба вижа дар соҳаи гидроэнергетика табодули назар намудем.
Дар мулоқот натиҷаи фаъолияти ширкати мо дар мавриди пеш аз мӯҳлат ба истифода додани хатти баландшиддати интиқоли барқи 220 киловаттаи Лолазор-Хатлон мусбат арзёбӣ гардид.
Лоиҳаи дигаре, ки татбиқи саривақтӣ ва босифати он барои Тоҷикистон хеле муҳим аст, ин сохтмони хатти баландшиддати интиқоли барқи 500 киловаттаи Ҷануб-Шимол мебошад. Мувофиқи лоиҳа ширкати ТВЕА бунёди онро бояд дар соли 2010 анҷом медод. Вале Ҷаноби Олӣ, Президенти Ҷумҳурии Тоҷикистон, ба мо гуфтанд,  ки пружаи мазкурро то охири соли равон мавриди баҳрабардорӣ қарор диҳем.
Дар мулоқот бо Ҷаноби Олӣ мувофиқа ҳосил шуд, ки ТВЕА дар шаҳри Душанбе Маркази барқу гармидиҳӣ бо иқтидори лоиҳавии 200 мегаватт бунёд намояд. Мо ин иншоотро дар муддати 18-20 моҳ ба маблағи 30 миллион доллар сохта ба истифода медиҳем. Ҳамзамон тасмим гирифта шуд, ки дар дарёи Хингоб Нерӯгоҳи барқи обии «Нуробод-1» бо иқтидори 200 мегаватт сохта шавад. Айни замон лоиҳа дар ҳоли омодасозии асоснокии техникию иқтисодӣ қарор дорад.
Бо мақсади рушди минбаъди соҳаи гидроэнергетика дар Тоҷикистон ТВЕА таҷдиди Заводи трансформаторбарории шаҳри Қӯрғонтеппаро анҷом медиҳад. Бовар дорем, ки ҳамаи лоиҳаҳои пешниҳодшуда дар мӯҳлатҳои муқарраргардида татбиқ мешаванд.

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 684

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед