logo

ҳуқуқ

АГЕНТӢ ФОШ МЕСОЗАД!

СЕ ҲАЗОР ДОЛЛАР БАРОИ ҲУҶҶАТГУЗОРИИ ЗАМИН
Директори КДФ «Зарзамин» - и ноҳияи Қумсангир Маҳмудҷон Комилов бо ҷурми гирифтани пора дастгир шуд.
Ӯ аз шаҳрванд И. Маҳмадҷонов барои ҳуҷҷатгузории қитъаи замини наздиҳавлигиаш, ки 0,88 га-ро ташкил медиҳад, 3000 доллари амрикоӣ талаб намудааст. 24 апрели соли равон, зимни гузарондани чорабинии фаврӣ-тафтишотӣ мавсуф  баъди бо роҳи қаллобӣ аз И. Маҳмадҷонов гирифтани  3000 доллар дастгир шуд.
Худи ҳамон рӯз нисбат ба Маҳмудҷон Комилов бо моддаи 319 қисми 2 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардид. Баъди дар муҳлати муқарраршуда ба охир расидани тафтиши пешакӣ, парванда барои баррасӣ ба суд ирсол гашт.
 
УСТОДИ ДОНИШГОҲИ ҚӮРҒОНТЕППА ПОРА ГИРИФТ
Раҷабмурод Ҳусейнов, ки дар вазифаи омӯзгори факултаи физика ва математикаи Донишгоҳи давлатии Қӯрғонтеппа ба номи Носири Хусрав ифои вазифа дошт, бо истифода аз мақоми хизматӣ даст ба ҷиноят зад.
Номбурда моҳи августи соли гузашта бо мақсади тасарруфи амволи ғайр, бо роҳи фиреб ба бовари шаҳрванд А. Сайдалиев даромада, ваъда дод, ки  М. Қурбонов  ва  С. Астанақуловро ба донишгоҳи мазкур дохил мекунад. Вай бо ин мақсад аз А. Сайдалиев  8000 сомонӣ ва 700 доллар гирифта бошад ҳам, ба қавлаш вафо накард. Бо ин амал ва 16 ҳолати дигар, ӯ тибқи муқаррароти моддаи 247 қисми 4 банди “б” Кодекси ҷиноятии Ҷумҳурии Тоҷикистон муҷрим дониста  шуда, парвандаи ҷиноятӣ нисбаташ баъди  анҷоми тафтиш ба суд фиристода шуд.
 
МАБЛАҒИ ЗАРАР -БЕШ АЗ ЯК МИЛЛИОН СОМОНӢ
Соҳибкори инфиродӣ Иброҳим Саидов дар нозироти андози ноҳияи Вахш сабти ном шуда, аз моҳи майи соли 2012 то сентябри соли 2013 дар 43 ҳолат аз хориҷи кишвар ба маблағи 3 040 927 сомонӣ молу маҳсулоти ниёзи мардум ворид намудааст.
Ин соҳибкор бо мақсади ба даст овардани маблағи калон ба нозироти андози ноҳия эъломия пешниҳод накарда,  1 045 440 сомониро, ки бояд ҳамчун андоз ба буҷет пардохт мешуд, пинҳон намудааст. Вай бо ин роҳ бо фоизу ҷаримаҳояш ба давлат ба маблағи 1 миллиону 300 ҳазору 589 сомонӣ зарар расондааст.
Нисбат ба И. Саидов мувофиқи моддаи 293 қисми 2 бандҳои “б” Кодекси ҷиноятӣ парванда оғоз шуда, тафтиши пешакӣ идома дорад.

БО ДАҲ ҲАЗОР ДОЛЛАР БА ДАСТ АФТОД
Мирзоалӣ Мирзохӯҷаев, собиқ мутахассиси КФД “Пайванд”- и ноҳияи Абдураҳмони Ҷомӣ дар давоми моҳҳои март - апрели соли 2013 аз шаҳрванд Раҷабалӣ Насимов, сокини ҳамин ноҳия, барои ба номи домодаш Қ. Абдуллоев аз ҳисоби заминҳои ҳудуди Ҷамоати деҳоти “Якатут” ҷудо карда додани 0,12 га қитъаи замини наздиҳавлӣ 10 ҳазор доллари амрикоӣ талаб карда гирифтааст.
Тафтиш муайян намуд, ки вай ин маблағро дар се  марҳала ситонда, ғайр аз ин, барои ба танзим даровардан ва тайёр карда додани сертификати ҳуқуқи истифодаи замин аз ӯ 300 доллари дигар талаб намудааст.
Дар ҷараёни гузарондани чораҳои фаврӣ-тафтишотӣ  11 январи соли 2014,  баъди бо роҳи қаллобӣ гирифтани 300 доллар аз Р. Насимов, номбурда дар кӯчаи ба номи Садриддин Айнии ноҳия дастгир ва маблағи мазкур аз ӯ ҳамчун далели шайъӣ ёфта гирифта шуд.
 Мирзоалӣ Мирзохӯҷаев  бо ин кирдораш тибқи моддаи 247, қисми 4, банди “б” Кодекси ҷиноятӣ гунаҳгор дониста  шуда, парвандаи ӯ ба суд ирсол гардидааст.

БАЛҶУВОН: МАБЛАҒҲОИ БУҶЕТИРО АЗХУД НАМУДАНД
Сармуҳандиси КФ «Сохтмони асосӣ ва таъмирӣ”-и КВД ХМК Ҷумҳурии Тоҷикистон Хайрулло Қурбонов бо директори ҶДММ «Фарзона”-и  ноҳияи Фархор И. Умбаров забон як карда, нақшаи азхуд намудани маблағҳои буҷетиро кашиданд.
Онҳо бо роҳи тартиб додани санадҳои иҷрои  корҳои сохтмонии қалбакӣ, аз ҳисоби маблағҳои буҷетӣ, ки барои кашидани хатти оби нӯшиданӣ дар маркази ноҳияи Балҷувон ҷудо шуда буд, 163025 сомониро азхуд кардаанд.
Тафтиши қазия ба итмом расида, парванда дар баррасии мақомоти судӣ қарор дорад.
 
Дар ин бора ба «Ҷумҳурият» аз Маркази матбуоти Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар доданд.


Баёни ақида (0)    Санаи нашр: 12.07.2014    №: 133    Мутолиа карданд: 544

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид


Дар сомонаҳои дигари Тоҷикистон хонед