logo

маориф

ҶИРГАТОЛ: ХОНАНДА БИСЁР, МАКТАБ КАМ

Дар  ноҳияи Ҷиргатол солиёни охир сохтмону таъмири аксар макотиби таҳсилоти умумӣ тариқи ҳашар сурат мегирад. Дар ин амали хайру савоб ҳатто имомони масҷидҳо низ  муваззаф шудаанд.  Масалан,  баҳори соли ҷорӣ барои бунёди мактаб ва синфхонаҳои иловагии чанд мактаби ноҳия   ҳар масҷиди ҷамоавӣ 500 сомонӣ супурдааст. Пирмуҳаммад Абдусатторов, мудири шуъбаи маориф ва илми ноҳия,  гуфт, ки  дар давоми чанд соли охир аксари мактабҳо ва синфхонаҳои бунёдгардида ба тариқи ҳашар ва аз ҳисоби маблағҳои гирдовардаи Ассотсиатсияи падару модарони ноҳия сохта шудаанд. Имсол бо ёрии дастаҷамъонаи падару модарон  як  мактаби нав ва дар  10 мактаби дигар синфхонаҳои иловагӣ   бунёд гардиданд. Алҳол дар деҳаҳои Сарғуй,  Озодагон ва маркази Ҷамоати деҳоти Сурхоб сохтмони биноҳои нави мактаби ибтидоию  таҳсилоти умумӣ идома дорад. Дар Қаракенҷа, Калтаблоқ ва дигар рустоҳои дур бунёди синфхонаҳои иловагӣ дар ҳоли анҷом аст ва дар арафаи соли нави хониш мавриди истифода қарор хоҳанд гирифт.
Чунин ҳол саволе ба миён меорад, ки оё ба тариқи ҳашар ва ҷамъоварии маблағ аз мардум метавон маорифро дар сатҳи зарурӣ нигоҳ дошт? Яъне бо андак пули мардум идораи маорифи ноҳия то кадом сатҳ метавонад навоқису мушкилоти соҳаро бартараф намояд?
Сокини ноҳия Муҳаммадиёри Суннатулло дар ин хусус изҳор намуд, ки аксари чунин пулғундориҳо ва ташкили ҳашарҳо иҷборӣ сурат мегиранду қисми бештари мардум аз ин кори масъулон чандон ризо нестанд. 
Масъулони  мақомоти ноҳия бар онанд, ки  маблағгузории нокифоя дар ин самт онҳоро  водор менамояд, ки барои таъмиру сохтмони макотиб  ҳашарҳо  ташкил  намуда, аз падарону модарон ёрии пулӣ пурсанд.
- Баъзе мактабҳои деҳот аз макони зисти хонандагон хеле дуранд. Дар фасли зимистон ба дабистон рафтан барояшон ниҳоят мушкил аст. Махсусан, ба хонандагони синфҳои  ибтидоӣ.  Аз ин рӯ, барои ҳалли масъала бо дастгирии падару модарон сохтмони баъзе мактабҳои ибтидоӣ ва синфхонаҳои иловагӣ  роҳандозӣ шудаанд.
Имрӯз системаи дарсгузарӣ ва таҳсил барои хонандагон шароити муосири мактабдориро тақозо мекунад. Барои ба чунин сатҳи таҳсилот  расидан бояд мактабҳое  бунёд гарданд, ки ба талабот ҷавобгӯ бошанд. Ҳоло ноҳияи Ҷиргатол ба мактабҳои нави муосир  ниёз дорад. Аммо барои бунёди як мактаби замонавии бо васоити техникӣ муҷаҳҳаз миллионҳо сомонӣ маблағ лозим аст, ки тавоноии маблағи онро буҷети маҳаллӣ надорад. Маблағҳои калонро танҳо мақомоти болоӣ метавонанд барои маорифи ноҳия ҷудо намоянд. Бо пули ночизи падару модарон ва ташкили ҳашарҳо бунёди мактабҳои муосир амри маҳол аст,  - гуфт дар хотимаи суҳбат Пирмуҳаммад Абдусатторов.
Ёдовар мешавем, ки маблағҳои нокифояи ҳар сол ҷудо мешуда ба ҳалли масъалаҳои мубрами мавҷуда дар соҳаи маорифи ноҳия мусоидат нахоҳанд кард. Зеро тармиму таъмири ҷузъӣ дер ё зуд хароб шуда, боиси харҷи дубора мегардад. Ба замми ин дар макотиби куҳнаи таъмирталаб имрӯз теъдоди аз меъёр зиёди хонандагон таҳсил мекунанд. Мутобиқи тарҳ ин мактабҳо барои 300 – 400 хонанда сохта шудаанд, вале аз ночорӣ алҳол дар онҳо бештар аз 500 – 600 нафар хонанда таҳсил мекунанд.  Агар чунин вазъ дар мактабҳои ноҳия минбаъд  идома ёбад, пас стандарти таҳсилоти Вазорати маориф ва илми кишвар  аҳамияти хешро ҳифз мекарда бошад?

Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 18.07.2014    №: 137    Мутолиа карданд: 651

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед