logo

ҳуқуқ

СУДЯИ СУДИ ОЛИИ ИҚТИСОДӢ ДАСТ БА ҶИНОЯТ ЗАД

Дар пешбурди Раёсати тафтишотии Агентии назорати давлатии молиявӣ ва мубориза бо коррупсияи Ҷумҳурии Тоҷикистон парвандаи ҷиноятии №63441 нисбат ба Ҷалол Исроилов бо моддаи 319, қисми 3-и Кодекси ҷиноятӣ, ки 17 июни соли ҷорӣ аз ҷониби Прокурори генералӣ оғоз шудааст, мавриди тафтиши пешакӣ қарор дорад.

Зимни тафтиши парвандаи мазкур муқаррар карда шуд, ки Ҷалол Исроилов дар вазифаи судяи Суди Олии иқтисодии Ҷумҳурии Тоҷикистон фаъолият намуда, ҳамчун шахси мансабдор  бо истифода аз мақоми хизматӣ даст ба ҷиноят задааст. Мавсуф дар марҳалаи кассатсионии Суди Олии иқтисодӣ дар ҳайати коллегия ба сифати маърӯзачӣ шикояти кассатсионии роҳбари хоҷагии деҳқониро аз ноҳияи Кӯҳистони Мастчоҳ дар бораи беэътибор донистани ҳалномаи Суди иқтисодии вилояти Суғд, аз 7 сентябри соли 2012, мавриди баррасӣ қарор додааст.  Зимнан, дар раванди баррасии шикояти кассатсионӣ ӯ  барои дар доираи ваколатҳои мансабии худ ба манфиати хоҷагии деҳқонӣ ҳал намудани шикояти кассатсионӣ, аз роҳбари хоҷагӣ дар ду ҳолат ришва ситонд.
Номбурда аз ӯ 22 ноябри соли 2012 дар назди бинои Суди Олии иқтисодӣ  7400 доллар ва тахминан 2-3 декабри ҳамон сол дар дафтари кори худ 600 доллари дигар, ба сифати пора, талаб карда гирифтааст. Дар натиҷа, бо қарори суди марҳалаи кассатсионии Суди Олии иқтисодӣ, аз 28 ноябри соли 2012, шикояти кассатсионӣ қонеъ гардида, ҳалномаи Суди иқтисодии вилояти Суғд, аз 7 сентябри соли 2012, қисман бекор ва  парванда барои аз нав баррасӣ намудан ба ҳамон суд, дар дигар ҳайати судӣ, ирсол шудааст.
Айбдории Ҷалол Исроилов дар содир намудани ҷинояти гирифтани ришва бо далелҳои холисона ва раднашавандаи аз ҷониби мақомоти таъқиби ҷиноятии Агентии назорати давлатии молиявӣ ва мубориза бо коррупсияи Ҷумҳурии Тоҷикистон ҷамъоварда тасдиқи пурраи худро ёфт. Аз ҷумла, зимни даъват ва мавриди пурсиш қарор додани гумонбаршуда ба ӯ далелҳои аз ҷониби тафтишот ҷамъоварда пешниҳод шуданд.  Ҷалол Исроилов барои содир намудани ҷинояти гирифтани пора худро айбдор ҳисобида, 23 июни соли ҷорӣ ба номи директори агентӣ бо аризаи худиқрорӣ муроҷиат намуд.
Дар асоси талаботи моддаи 9-и Қонуни конститутсионии Ҷумҳурии Тоҷикистон «Дар бораи судҳои Ҷумҳурии Тоҷикистон» таҳти №30, аз 6 августи  соли 2001, ба ҷавобгарии ҷиноятӣ кашидан ва ба ҳабс гирифтани судяи Суди Олии иқтисодӣ бе ризоияти Маҷлиси миллии Маҷлиси Олии Ҷумҳурии Тоҷикистон мумкин нест.
Аз ин лиҳоз, аз ҷониби Прокурори генералӣ ба Маҷлиси миллии Маҷлиси Олӣ пешниҳод дар бораи гирифтани иҷозат барои ба ҷавобгарии ҷиноятӣ кашидан ва ба ҳабс гирифтани Ҷалол Исроилов ирсол  шуд. 17 июл ин пешниҳод дар Маҷлиси миллии Маҷлиси Олӣ моҳиятан мавриди баррасӣ қарор гирифт ва аъзои Маҷлиси миллии Маҷлиси Олӣ барои ба ҷавобгарии ҷиноятӣ кашидан ва ба ҳабс гирифтани Ҷалол Исроилов розигӣ доданд. Тафтиши пешакии парвандаи ҷиноятӣ идома дорад.

Дар ин бора аз Маркази матбуоти Агентии назорати давлатии молиявӣ ва мубориза бо коррупсияи Ҷумҳурии Тоҷикистон ба «Ҷумҳурият» хабар доданд.


Баёни ақида (0)    Санаи нашр: 22.07.2014    №: 139    Мутолиа карданд: 568

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ


Дар сомонаҳои дигари Тоҷикистон хонед