logo

ҳуқуқ

ВАНҶ: ПЕШИ РОҲИ ҚОНУНШИКАНИҲОРО МЕГИРАНД

Дар ноҳияи Ванҷ чун дар дигар шаҳру навоҳии мамлакат баҳри риояи талаботи қонунҳои Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд» корҳои назаррас анҷом дода шудаанд. Бо вуҷуди ин, ҳанӯз ҳам дар ин самт камбудию норасоиҳо ба назар мерасанд.
Муртазо Раҳмонзода, прокурори ноҳияи Ванҷ, раиси Шӯрои ҳамоҳангсозии мақомоти ҳифзи ҳуқуқи ноҳия, мушовири адлияи дараҷаи 3, дар ин маврид бо хабарнигори мо ҳамсуҳбат гардид:

- Баъди ба тасвиб расидани Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» сатҳи зиндагии сокинони мамлакат хеле баланд шуд. Ба андешаи банда, аз ин, пеш аз ҳама, оилаҳои серфарзанд, камбизоат ва ниёзманд бурд карданд. Акнун онҳо ҷашну маросимҳояшонро хоксорона гузаронда, маблағҳои сарфашударо мақсаднок харҷ менамоянд. Бисёр ба мушоҳида расидааст, ки ин оилаҳо аз ҳамин ҳисоб манзили истиқоматӣ месозанд, барои фарзандони мактабхонашон компютер мехаранд, чорводорӣ, парандапарварӣ ва занбӯриасалпарвариро ривоҷ медиҳанд. Ба рушди боғдорӣ, ки дар ин минтақа соҳаи асосист, машғул шуда, даромади калон ба даст меоранд. Писаронашон ҳам камтар ба муҳоҷирати корӣ рафта, баҳри ободӣ ва шукуфоии ноҳия заҳмат мекашанд. Имрӯзҳо симои ин диёр, ки онро Ҳаким Носири Хусрави Қубодиёнӣ Ванҷи пурганҷ гуфтааст, нисбат ба даврони шӯравӣ ободу зеботар гардидааст. Боиси хушҳолист, ки мардум чӣ дар маркази ноҳия ва чӣ дар Водхуду водиҳои Ванҷи Боло ва Язгулом зиндагии орому осуда доранду оилаҳои камбизоат ва шахсони бекор нестанд.
Дар урфият мегӯянд, ки гул бе хор намешавад. Аз ин рӯ, дар риояи қонуни мазкур низ дар баъзе ҳолатҳо қонуншиканиҳо ба назар мерасанд.
Мувофиқи нақшаи кории Шӯрои ҳамоҳангсозии мақомоти ҳифзи ҳуқуқи ноҳия ҳолати иҷрои Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» таҳти назорати доимӣ қарор гирифтааст. Санҷишҳои прокурорӣ муайян намуданд, ки баъзе комиссияҳои ҷамъиятӣ дар ин самт фаъолияти суст нишон дода, баъзан мавқеи бетарафиро ишғол мекунанд. Маҳз ҳамин бетаваҷҷуҳию бетарафӣ омили асосии содиршавии қонуншиканиҳост.
Риоя нагардидани талаботи қонуни мазкурро кормандони прокуратура дар Маркази саломатии ноҳия ошкор карданд. Назорати прокурорӣ маълум намуд, ки ҳамшираи шафқати ин муассиса Даврон Миҳрубонова дар маъракаи фотиҳаи фарзандаш ба қонуншиканӣ роҳ додааст. Номбурда аз ҷониби суди ноҳия барои риоя накардани муқаррароти қонун муҷозот шуд. Мутаассифона, раиси комиссияи доимии назди Ҷамоати деҳоти ба номи Маҳмадулло Абдуллоев, мутахассиси он оид ба корҳои дин, танзими анъана ва ҷашну маросимҳои миллӣ чунин вонамуд карданд, ки гӯё воқеае рух надодааст. Ҳамчунин сокини деҳаи Убари Даргов Зоҳиршо Тутишоев маъракаи тӯйи арӯсии духтарашро бар хилофи талаботи қонун дар рӯзи корӣ гузаронд ва ӯ низ бо қарори суди ноҳия ба андозаи 50 нишондиҳанда барои ҳисобҳо ҷарима баста шуд.
Аз ин камбудиҳо роҳбарони идора ва ташкилотҳои дахлдори ноҳия хулосаи даркорӣ бароварда, фаъолияти худро дар ин самт беҳтар намуданд. Ҳамзамон, аз ҷониби мақомоти иҷроияи маҳаллии ҳокимияти давлатии ноҳияи Ванҷ, бахши оид ба корҳои дин, танзими анъана ва ҷашну маросимҳои миллӣ, мутахассисони ҷамоатҳои деҳот, мақомоти ҳифзи ҳуқуқ дар асоси талаботи Конститутсияи (Сарқонуни) Ҷумҳурии Тоҷикистон ва қонуни номбурда миёни аҳолии деҳот корҳои зиёди таблиғотию фаҳмондадиҳӣ гузаронда мешаванд, ки натиҷаи дилхоҳ дода истодаанд.
Риояи талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» низ таҳти назорати доимӣ қарор дорад. Бо ин мақсад мунтазам назорати прокурорӣ мегузаронем. Хушбахтона, то имрӯз ҳодисаҳои аз мактаб берун мондани талабагон, махсусан духтарон, ҷанҷолу хархашаи байни хонандагони муассисаҳои таълимӣ дида намешавад. Робитаи волидайн бо мактабҳо хуб ба роҳ монда шудааст. Сифати таълиму тарбия торафт беҳтар мегардад.
Бо вуҷуди ин, дар баъзе мактабҳои ноҳия камбудиҳо ба назар мерасанд. Масалан, назорати прокурорӣ муайян кард, ки дар мактабҳои таҳсилоти миёнаи умумии рақами 21, деҳаи Мотравни Ҷамоати деҳоти Язгулом ва 15-и рустои Ҷовидони Ҷамоати деҳоти Ҷовидон чанде аз хонандагони синфи 11 бо телефонҳои мобилӣ ба синф ворид мегарданд, ки хилофи талаботи қонун мебошад. Аз рӯи ин ҳодисаҳо волидайни ин талабагон ба ҷазои маъмурӣ кашида шуда, тибқи қарори суди ноҳия аз онҳо ҷарима ситонда шуд. Ҳамчунин санҷишҳо ошкор сохтанд, ки хонандагони мактаби таҳсилоти миёнаи умумии рақами 14 бо асбобҳои хониш пурра таъмин нестанд. Онҳо одитарин талабот - пӯшидани либосҳои расмии мактабиро риоя намекунанд.
Кормандони прокуратура ва дигар мақомоти ҳифзи ҳуқуқи ноҳияи Ванҷ фаъолияташонро дар ин самт пурзӯр намуда, баҳри пешгирии ҳар гуна қонуншиканӣ тадбирҳои муассир меандешанд.

Сироншоҳи ДИЛОВАР,
«Ҷумҳурият»


Баёни ақида (0)    Санаи нашр: 30.07.2014    №: 144    Мутолиа карданд: 592

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед