logo

энергетика

САБАБҲОИ АФЗОИШИ НАРХИ БАРҚ

Яке аз ҳадафҳои стратегии давлатҳои рӯ ба тараққӣ ба даст овардани истиқлолияти энергетикӣ мебошад. Тоҷикистон низ дорои захираҳои бузурги барқароршавандаи гидроэнергетикӣ ва оби тозаест, ки истифодаи оқилонаи онҳо ба нафъи ҳамаи кишварҳои минтақаи Осиёи Марказист. Айни замон сарфи назар аз қаламрави начандон бузург, тақрибан 5 фоизи иқтидори энергетикию обии умумиҷаҳонӣ аз они мост. Вале сабаб чист, ки қимати барқ боло меравад?
Чун ШСХК  «Барқи тоҷик» ба номгӯи (реестри) субъектҳои монополияи табиӣ шомил буда, танзими фаъолияти ширкат дар масъалаи нархгузории барқ ва гармӣ ба мувофиқати Хадамоти зиддиинҳисории назди Ҳукумати ҷумҳурӣ вогузор шудааст, сабаби болоравии арзиши неруи барқро аз кормандони ин соҳа пурсон шудем.  Саидалӣ Зарифов, сардори Раёсати танзими монополияи табиии хадамоти мазкур мегӯяд, ки аз 1 июли соли ҷорӣ ҳар киловатт. соат неруи барқ ба ҷойи 11 дирами пешина 12,6 дирам муқаррар шудааст. Истеъмолгарони саноатӣ ва ғайрисаноатӣ ба ҷойи 26,6 – 30,6 дирам, соҳаи буҷетӣ, бахши комуналӣ ва маҷмааҳои варзишӣ ба ҳар кВт. соат неруи барқ ба ҷойи 10,6 - 12,2 дирам пардохт мекунанд. Танҳо Корхонаи алюминии Тоҷик ҳар киловатт. соатро аз 1 май то 30 сентябр ба 7,2 дирам ва дар давраи зимистон аз 1 октябр то 30 апрел 11,8 дирам харид мекунад.
- Дар аввали соли ҷорӣ бевосита аз ҷониби мақомотҳои дахлдор гурӯҳи корӣ ташкил шуда, ин гурӯҳ дар натиҷаи таҳлил ва омӯзиши хароҷоти ширкати «Барқи Тоҷик» ба хулосае омад, ки нархи қувваи барқ 15 фоиз баланд бардошта шавад, - афзуд Зарифов.  - Мақсад аз болоравии арзиши неруи барқ беҳбуди вазъи молиявии ШСХК «Барқи тоҷик» мебошад.  Мутахассисон ҳамчунин бар онанд, ки дар ду соли охир нархи тамоми маҳсулоти саноатӣ ва воридотӣ бамаротиб боло рафтааст, вале нархи барқ бетағйир монд. Бо он нархномае, ки чанд сол боз мавриди амал қарор дошт, системаи энергетикии кишвар дигар наметавонад талаботи таъминот бо барқро ҳатто  дар сатҳи имрӯза иҷро намояд. Паст будани тарифҳо ва напардохтани маблағи истифодашудаи неруи барқ аз ҷониби муштариён имкон намедиҳад, ки ширкат қарзи худро дар назди  НБО-и «Сангтӯда-1» (то 1 май) 417,6  миллион сомонӣ, «Сангтуда – 2» - 133 миллион сомонӣ (нишондоди соли 2013) ва Бонки ҷаҳонӣ пурра пардохт намояд.
Воқеан, имрӯз вазъи молиявии ширкати мазкур беҳбуд мехоҳад ва  фаъолияти соҳа ба ислоҳоти фаврӣ ниёз дорад. Тадбирҳои андешида  дар ин самт аллакай ба ҳалли мушкилиҳо мусоидат карда истодаанд.  Бо вуҷуди ин, ҳанӯз талафи беҳудаи қувваи барқу барқдуздӣ, қарздории аҳолӣ ва корхонаҳои калони саноатӣ ва вобаста ба ин афзоиши маблағҳои қарзӣ ба чашм мерасанд. Аз рӯйи ҳисобот дар бист соли истиқлолият дар ҷумҳурӣ беш аз 200 неругоҳи хурди барқ сохта ба истифода дода шудаанд, ки солона зиёда аз 100 миллион кВт. соат барқ истеҳсол мекунанд. Зарфияти истеҳсолии онҳоро метавон то ба 600 миллион кВт. соат афзоиш дод. Аммо  дар истифодаи барқ тақаллубкориҳои зиёдеро метавон дид. Беҳуда нест ки Сарвари давлат дар суханрониаш дар маҷлиси васеи ҳайати Прокуратураи генералии ҷумҳурӣ натанҳо кормандони мақомотҳои ҳифзи ҳуқуқ, балки  дигар ташкилоту муассисаҳои давлативу ғайридавлатиро  ба таъмини адолати иҷтимоӣ ва пешгирии ҳамагуна ҳуқуқвайронкуниҳо  даъват намуд.
Ҷиҳати таъмини минбаъдаи кишвар бо қувваи барқу гармӣ тавассути барқарор намудани неругоҳҳои мавҷуда ва ба кор андохтани иқтидорҳои нав, аз ҷумла бунёди хатҳои интиқоли барқ, истифодаи сарфакоронаи неруи барқ, паст кардани талафоти он, истифодаи технологияи каммасрафи барқӣ ва аз ҷониби дигар, ба идораи оқилонаи захираҳои обӣ дар минтақа бештар таваҷҷуҳ зоҳир намуда, бо дарки баланди масъулият дар рушди иқтисодиёти кишвар, бахусус соҳаи энергетика саҳмгузор бошем.  Зеро пешрафти ояндаи Тоҷикистон аз рушди гидроэнергетика вобастагии мустақим дорад.

Оҳистамоҳи ВАФОБЕК,
 «Ҷумҳурият»


Баёни ақида (0)    Санаи нашр: 30.07.2014    №: 144    Мутолиа карданд: 11437
12.04.2021


КИТОБИ «ТОҶИКОН» ДАСТРАСИ СОКИНОНИ НОҲИЯИ САНГВОР ГАРДИД

НУРОБОД ДАР СӢ СОЛИ ИСТИҚЛОЛИЯТ

СУҒД. ФЕСТИВАЛИ ВИЛОЯТИИ «ҲУНАР БЕҲТАР АЗ ЗАР БУВАД» БАРГУЗОР МЕГАРДАД

СУҒД. 420 000 СОМОНӢ ГРАНТ БАРОИ ЗАНОНИ ҲУНАРМАНДУ ЭҶОДКОР

МЕРОСИ ТАЪРИХИЮ ФАРҲАНГӢ. ҲАМОИШИ МУҲИМИ КОРШИНОСОН

«КАДБОНУИ БЕҲТАРИН» МУАРРИФИИ ҒОЛИБОНИ ОЗМУН

ЛИГАИ ОЛӢ

09.04.2021


ТОҶИКИСТОН ВА АМА. ГУСТАРИШУ ТАҲКИМИ ҲАМКОРИҲО ТАЪКИД ШУД

ОЛМОН БО РОССИЯ ОИД БА ДАРЁФТИ «СПУТНИК V» МУЗОКИРОТ МЕГУЗАРОНАД

ҶАҲОН ДАР ЯК САТР

08.04.2021


ТОҶИКИСТОН – МАҶОРИСТОН. САҲИФАИ НАВИ ҲАМКОРӢ БОЗ ШУД

САРВАРИ ВКХ ПОКИСТОН РОССИЯРО ОМИЛИ УСТУВОРӢ ДАР МИНТАҚА ВА ҶАҲОН НОМИД

ҶАҲОН ДАР ЯК САТР

ТАСВИРИ ОБ ДАР АСАРҲОИ РАССОМОНИ ТОҶИКИСТОНӢ

«ХУҶАСТА БОД ИСТИҚЛОЛ!»

Мулоқоти Сироҷиддин Муҳриддин бо Армида Салсия Алишаҳбана

МАГНОЛИЯ. НИҲОЛИ НОДИР ДАР ХУҶАНДИ БОСТОН

07.04.2021


МИСГАРӢ — БОЗГӮИ РАМЗҲО ВА АНЪАНАҲОИ МАРДУМӢ

«ТЕРРОРИЗМ РЕЛИГИОЗНЫХ ЭКСТРЕМИСТОВ...»

Лавров: «СММ низоъҳоро дар дунё муваффақона ба низом меоварад»

ҶАҲОН ДАР ЯК САТР

ФУТБОЛ

06.04.2021


ВМКБ. НАҚШАИ ДАЪВАТ ДАР ЯК РӮЗ ИҶРО ШУД

ИШКОШИМ. ҒОЛИБОН БА НОҲИЯ БАРГАШТАНД

Лавров барқарорсозии кори «формати Москва»-ро зарур шумурд

ҶАҲОН ДАР ЯК САТР

ЛИГАИ ОЛӢ

ТАШКИЛИ ЯРМАРКА - ФУРӮШИ МАҲСУЛОТИ КИШОВАРЗӢ ДАР ХУҶАНД

МИНТАҚАИ РАШТ. ИҶРОИ НАҚШАИ ДАЪВАТ ДАР ЯК РӮЗ

УНВОНУ ДАРАҶАҲОИ ИЛМИИ РОССИЯВУ ТОҶИКИСТОН БАРОБАРАРЗИШ МЕШАВАНД

02.04.2021


ХИЗМАТИ ҲАРБӢ. ВМКБ ВА 5 НОҲИЯИ ХАТЛОН НАҚШАРО ИҶРО КАРДАНД

МУЛОҚОТИ РУСТАМИ ЭМОМАЛӢ БО ПАК БЁН СОК

ҶОНИБДОРИИ ВАНХЁРК АЗ МУКОЛАМАИ ВАШИНГТОН БО МОСКВА

ҶАҲОН ДАР ЯК САТР

01.04.2021


ЛИГАИ ОЛӢ. Бори аввал легионерҳои нидерландӣ ва ҷопонӣ ҳунарнамоӣ мекунанд


Дар сомонаҳои дигари Тоҷикистон хонед