logo

мулоқотҳо

Мулоқоти Эмомалӣ Раҳмон бо Макота Оҷиро

20 феврал Президенти Ҷумҳурии Тоҷикистон Эмомалӣ Раҳмон намояндаи доимии Бонки рушди Осиё дар Тоҷикистон Макота Оҷироро бо хоҳиши ӯ ба ҳузур пазируфт.
Дар мулоқот масоили ҷорӣ ва дурнамои ҳамкориҳои Тоҷикистону Бонки рушди Осиё дар чаҳорчӯби Стратегияи нав барои солҳои 2009-2012 ва Стратегияи дарозмуддат барои то соли 2020 баррасӣ шуданд.
Ҳар ду ҷониб аз сатҳ ва мазмуни ҳамкориҳо изҳори қаноатмандӣ кард.
Макота Оҷиро изҳор дошт, ки Бонки рушди Осиё ба Тоҷикистон дар солҳои 2009-2010 барои коҳиш додани таъсири манфии бӯҳрони ҷаҳонии молиявӣ 102 миллион доллари амрикоӣ грант ё худ кӯмаки бебозгашт пешниҳод менамояд, ки аз он 64 миллионаш барои соли равон ҷудо мешавад. Таъкид гардид, ки ин маблағҳо асосан ба дастгирии буҷети давлатӣ, афзоиши коркарди пахта дар дохили кишвар ва рушди иқтисоди бозорӣ равона мегарданд.
Макота Оҷиро ҳамчунин таъкид дошт, ки ғайр аз ин Бонки рушди Осиё  омодааст барои татбиқи амалии чораҳои зидди бӯҳрони ҷаҳонии молиявӣ, ки Ҳукумати Ҷумҳурии Тоҷикистон айни ҳол таҳия мекунад, кӯмакҳои иловагӣ расонад.
Хотиррасон гардид, ки алҳол дар Тоҷикистон бо сармоягузории Бонки рушди Осиё 13 лоиҳаи инвеститсионӣ амалӣ мегардад, ки маблағи умумии онҳо 380 миллион доллари ИМА-ро ташкил медиҳад.
Ҳамчунин таъкид карда шуд, ки аз соли 2008 инҷониб, яъне баъди даҳсолаи аввали ҳамкориҳои пурсамар Бонки рушди Осиё ба Тоҷикистон танҳо ба таври грант ё худ кӯмакҳои бебозгашт маблағ ҷудо мекунад.
Зимни сӯҳбат ҷонибҳо ба густариши ҳамкориҳои минбаъда изҳори ҳавасмандӣ карда, таъкид бар он доштанд, ки аксари лоиҳаҳои инвеститсионии Тоҷикистон, пеш аз ҳама лоиҳаҳои дар соҳаҳои нақлиёту коммуникатсия ва энергетика амалишаванда, ба манфиати тамоми кишварҳои минтақа равона гаштаанд.
www.president.tj
Макота Оҷиро, намояндаи доимии Бонки рушди Осиё дар Тоҷикистон, пас аз мулоқот бо Эмомалӣ Раҳмон, Президенти Ҷумҳурии Тоҷикистон, ба хабарнигорон гуфт, ки мо бо Ҷаноби Олӣ асосан се масъала- фаъолияти БРО дар давоми се- чор соли наздик, маҷмӯи қарзҳои  (портфели ҷории) БРО барои Тоҷикистон, таъсири бӯҳрони молиявии ҷаҳонӣ ба ҷумҳурӣ ва татбиқи амалии чораҳои зиддибӯҳронии Ҳукумати ҷумҳуриро мавриди муҳокима қарор додем.
Тоҷикистон аз соли 1998 узви Бонки рушди Осиё мебошад. Дар ин муддат мо соҳаҳои гуногуни хоҷагии халқро дастгирӣ кардем. Ҳамкориҳои самарабахш ва мутақобилан судманд, моро водор сохтанд, ки ҷиҳати тавсеаи робитаҳо чораҳои муассир андешем. Аз ин лиҳоз ман ба Ҷаноби Олӣ мӯҳтарам Эмомалӣ Раҳмон дар бораи Стратегияи дарозмуддати таҳиянамудаи коршиносони БРО барои то соли 2020 маълумот додам. Он асосан 5 самти асосӣ- инфрасохтор, муҳити зист, ҳамкории минтақавӣ, рушди соҳаи молия ва маорифро дар бар мегирад.
Стратегияи дигаре, ки таҳияи пурраи он то охири моҳи июни соли равон дар назар аст, фарогирандаи солҳои 2009-2012 мебошад.
Макота Оҷиро иброз дошт, ки тайи солҳои 2009-2010 БОР барои татбиқи се лоиҳа- дастгирии буҷети давлатӣ ҷиҳати коҳиш додани таъсири манфии бӯҳрони молиявӣ, рушди соҳаи кишоварзӣ, ба вижа пахтакорӣ ва бунёди роҳҳо 102 миллион доллар ба таври грант ҷудо мекунад. Айни замон дар Тоҷикистон 13 лоиҳаи инвеститсионии БОР ба маблағи 380 миллион доллар амалӣ мегардад.

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 1134
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед