logo

сафарҳо

ОҒОЗИ БОЗДИДИ ЭМОМАЛӢ РАҲМОН АЗ ВИЛОЯТИ СУҒД

20 август  Президенти кишвар Эмомалӣ Раҳмон барои шиносоии бевосита бо вазъи зиндагии мардум ва бо рафти корҳои созандагию бунёдкорӣ ба вилояти Суғд сафар кард.

Тайи ин боздид Сарвари давлат як зумра корхонаҳои нави истеҳсолӣ, аз ҷумла коргоҳи истеҳсоли нах ва ришта аз сангҳои базалтӣ, корхонаи тавлиди сангу шағал ва асфалт, корхонаи масолеҳи сохтмонии оҳану бетонӣ, як меҳмонхонаву мактаби нав, чанд иншооти варзишӣ ва биною муассисоти дигарро мавриди баҳрабардорӣ қарор дода, дар чорабиниҳои бахшида ба арафаи солгарди навбатии Истиқлолияти давлатии Тоҷикистон дар вилояти Суғд иштирок хоҳад намуд.

Ифтитоҳи меҳмонхонаи муосири «Сипеҳр» дар шаҳри Чкалов
20 август сафари навбатии кории Сарвари давлат Эмомалӣ Раҳмон ба вилояти Суғд аз шаҳри Чкалов оғоз ёфт.
Дар кӯчаи ба номи Бобоҷон Ғафурови шаҳри Чкалов бо иштироки Президенти кишвар Эмомалӣ Раҳмон меҳмонхонаи муосири «Сипеҳр» мавриди баҳрабардорӣ қарор гирифт, ки аз ҷониби соҳибкори маҳаллӣ Фазлиддин Ҳасанов бунёд гардидааст.
Тавре зикр гардид, меҳмонхонаи «Сипеҳр» дар масоҳати умумии 0,56 га ҷойгир шуда, иборат аз 3 ошёна мебошад. Дар ошёнаи якум утоқҳои корӣ, фурӯшгоҳи чиптаҳои ҳавопаймоӣ, тарабхона, толорҳои маркази таълимию хизматрасонӣ, дар ошёнаи дуюм ҳуҷраҳои истиқоматӣ ва дар табақаи сеюм толорҳои варзишӣ ва маҷлисӣ ҷойгир шудаанд. Меҳмонхона дорои 46 ҷойи хоб буда, 30 ҳуҷра барои қабули мизоҷон омода аст. Дар ин меҳмонхона 55 нафар бо кори доимӣ ва маоши миёнаи моҳонаи 1500 сомонӣ таъмин мегардад.
Дар маҷмааи мазкур маркази таълимӣ барои омӯзондан ва тайёр намудани 500 нафар мутахассисон дар як сол ба нақша гирифта шуда, дар он мутахассисони соҳаи ҳавопаймоӣ аз ҷумла, авиохазинадорҳо, авиобро-нировшикҳо ва пешхизматҳо тайёр карда мешаванд. Барои омода намудани мутахассисони мазкур аз Федератсияи Русия ва дигар давлатҳо омӯзгорон ҷалб гардидаанд.
Сарвари давлат иқдоми соҳибкор Фазлиддин Ҳасановро хуб пазируфта, таъкид дошт, ки дар шароити афзоиши таваҷҷуҳи сайёҳону сармоягузорони хориҷӣ ба Тоҷикистон бунёди зербинои сайёҳӣ, аз ҷумла сохтмони меҳмонхонаҳои хурду миёна ва бузург хеле муҳим аст.

Шурӯи фаъолияти коргоҳи нави ҶДММ «Элегант»
20 август дар шаҳри Чкалов, ки яке аз марказҳои бузурги саноатии вилояти Суғд ва кулли ҷумҳурӣ ба шумор меравад, бо иштироки Президенти кишвар Эмомалӣ Раҳмон нахуст корхонаи нави ҶДММ «Элегант» доир ба истеҳсоли нах ва ришта аз сангҳои вулқонӣ ба кор дароварда шуд.
Тавре зикр гардид, ҶДММ «Элегант» соли 2000 аз ҷониби соҳибкори ватанӣ Абдулаҳад Мӯъминов таъсис дода шуда, аз соли 2009 ба ин сӯй бо коркарди сангҳои зебои вулқонӣ ва тавлиди масолеҳи ороишии сохтмон машғул аст. Сангҳои вулқонӣ  аз минтақаи Долонаи ноҳияи Ашт дарёфт шуда дар коргоҳи мазкур бо истифода аз таҷҳизоти муосири сохти Русия  коркард мешаванд.
Иқтидори коргоҳ ба истеҳсоли зиёда аз 60000 метри мураббаъ маҳсулот аз сангҳои ороишӣ дар як сол баробар аст. Дар коргоҳ ҳоло  150 нафар, ки қисми зиёдашон занону духтарони маҳаллӣ мебошанд, бо кор таъминанд. Бо фаъол гардидани коргоҳи истеҳсоли нахи санг боз 50 каси дигар ба кор ҷалб шуда, шумораи коргарон ба 200 нафар мерасад.
Музди моҳонаи коргарон  аз 700 то 1500 сомониро ташкил медиҳад.
Дар коргоҳ таҷҳизоти ширкати «Бой До Си Технолоҷиз»-и Ҷумҳурии Мардумии Чин ворид карда шуда, аз тарафи мутахассисони ширкати «Рос-Базалт»-и шаҳри Барнаули кишвари Олтойи Федератсияи Русия ва мутахассисони маҳаллӣ ба кор омода шудааст.
Нахи базалт минбаъд барои бетағйир нигоҳ доштани гармӣ ва ё сардӣ дар хонаю иморатҳо ва ё интиқоли моеъ истифода шуда, боиси сарфаи сӯзишворӣ барои ин ҳадафҳо мегардад.
Инчунин, роҳбарият ва мутахассисони ширкат дар асоси супориши Сарвари давлат бо як лоиҳаи нави инноватсионӣ аз нахи аз санг тавлидшуда истеҳсоли ришта, матоъ, арматура, лӯла ва дигар масолеҳи сохтмониро ба роҳ монданианд.
Чунонки иттилоъ доданд, роҳандозии марҳилаи нави истеҳсоли масолеҳи сохтмонӣ аз нахи санг маблағи зиёд ва дастгирии давлатиро талаб мекунад. Соҳибкорони тоҷику рус, ки ба ин кор машғуланд, бовар доранд, ки ба ин ҳадаф ноил мегарданд, зеро захираи сангҳои ороишӣ дар Тоҷикистони кӯҳистон хеле фаровон ва истифодаи босамари он дар истеҳсолот метавонад яке аз манбаъҳои асосии рушди ояндаи иқтисоди миллии кишвар гардад.
Сарвари давлат иқдоми онҳоро маъқул дониста, ба масъулон дастур дод, ки барои роҳандозии дастгирии давлатии ин корхона санадҳои зарурӣ таҳия ва ба Ҳукумати Ҷумҳурии Тоҷикистон пешниҳод гардад.

Боз гардидани корхонаи «Таҷ-роуд»
20 август дар мавзеи «Рухак»-и Ҷамоати деҳоти Ғозиёни ноҳияи Бобоҷон Ғафуров бо иштироки Президенти кишвар Эмомалӣ Раҳмон ҶДММ «Таҷ-роуд» ба кор дароварда шуд.
Тавре аён гардид, ин корхона, ки ба истеҳсоли сангу шағал ва асфалт машғул мешавад, аз ҷониби бародарони соҳибкор Қурбонмурод ва Баҳриддин Неъматовҳо дар заминаи ҶДММ «Сомонроҳ» бунёд шудааст.
Ҳарду коргоҳи ин корхона бо харҷи 10 миллион доллари амрикоӣ бунёд ёфтааст. Коргоҳи асфалт бо технологияи истеҳсоли Кореяи Ҷанубӣ ва коргоҳи коркарди регу шағал бо технологияи Ҷумҳурии Федералии Олмон муҷаҳҳаз гардидааст.
Иқтидори лоиҳавии коргоҳи асфалт ба  340 тонна дар як соат ва  коркарди регу шағал 180 метри мукааб ё 324 тонна дар як соат баробар аст.
Барои истихроҷи регу шағал ба ин корхона 9,7 га замин ҷудо гардидааст.
Дар ин коргоҳҳо дар 2 баст то 500 нафар шаҳрвандони Тоҷикистон бо кори доимӣ ва маоши то 1000 сомонӣ таъмин мегарданд.
 Ба иттилои бародарони соҳибкор пас аз фаъол гардидани корхонаи мазкур нархи фурӯши асфалт то ба 25-30% арзон мегардад, ки барои ободонии роҳу кӯчаҳои шаҳру ноҳияҳои вилояти Суғд таъсири мусбӣ хоҳад расонд.
Соҳибкорони номбурда дар паҳлуи корхонаи нав ҳамчунин 50 га замин ҷиҳати бунёди боғ гирифтаанд ва 100 ҷойи дигари корӣ дар он муҳайё хоҳанд намуд.

 


Баёни ақида (0)    Санаи нашр: 21.08.2014    №: 165    Мутолиа карданд: 930

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед