logo

туризм

ТОҶИКИСТОН – ДУЮМИН КИШВАРИ ТУРИСТӢ

«Globe Spots» Тоҷикистонро дуюмин кишвари беҳтарини туристӣ рӯнамоӣ кард

Ҳафтаи гузашта сомонаи машҳури  «Globe Spots» феҳристи «10 кишвари беҳтарини туристии олам» - ро дар соли 2014 ба табъ расонда, мавқеи  Тоҷикистонро дар миёни онҳо дуюм муайян кард. Сомона ландшафт - манзараҳои гуногуни тасхиркунандаи Тоҷикистонро тавсиф намудааст. Аҳтам Абдуллозода, раиси Кумитаи ҷавонон, варзиш ва сайёҳии назди Ҳукумати ҷумҳурӣ, чунин мавқеъгузорӣ кардани сомонаи «Globe Spots» - ро арзанда шуморида, иброз намуд:

- Мо барои татбиқи Барномаи давлатии рушди сайёҳӣ барои солҳои 2010-2014 ва ҷалби ҳарчи бештари сайёҳон тадбирҳои судмандро роҳандозӣ кардаем. Имрӯз дар кишварамон сайёҳии кӯҳӣ ва экологӣ, рафтинг (шиноварии кӯҳӣ), сайёҳии шикорӣ, сайёҳии фарҳангию таърихӣ ва археологӣ инкишоф ёфтаанд. Ҳамасола барои намояндагони дипломатии Тоҷикистон дар давлатҳои хориҷа то 10 ҳазор нусха буклет бо забонҳои хориҷӣ паҳн карда мешавад. Дар кишварҳое, ки намояндагии консулии Тоҷикистон кушода нашудааст, сайёҳон метавонанд раводидро аз худи фурудгоҳи байналмилалии Душанбе дастрас намоянд.
- Хориҷиҳо бештар дар водиҳои Зарафшон, Помир, Балҷувон, Ромит ва Варзоб саёҳат карданро дӯст медоранд, - гуфт муовини  раиси Кумитаи ҷавонон, варзиш ва сайёҳӣ Руслан Шодиков. – Мо мехоҳем дар минтақаҳои мазкур  таҷрибаи «ҳом стей» (home stay)-ро ҷорӣ намоем. Таҷрибаи мазкурро дар минтақаҳое, ки меҳмонхонаҳои камшумор доранд, истифода кардан манфиатбахш аст. Яъне, соҳибмулкон дар манзили худ барои сайёҳон меҳмонхонаҳо кушода, ба соҳибкории хурд машғул мешаванд. Чунин меҳмонхонаҳо, ки шумори онҳо дар Вилояти Мухтори Кӯҳистони Бадахшон имрӯз ба 53 адад расидааст, барои сайёҳон арзонию сабукиҳо меоваранд. Ҳамчунин, барои дар деҳот сайёҳии экологиро рушд бахшидан имкониятҳо фаровонанд.
Бояд зикр кард, ки бақайдгирии шаҳрвандони хориҷӣ дар давоми се рӯз аз ҷониби Вазорати корҳои хориҷӣ ё шуъбаи раводид ва  бақайдгирӣ (ОВИР) сода карда шудааст.
Собиқ раиси Ассосиатисияи сайёҳии фарҳангию экологии Помир (ПЭКТА) Қирғизбек Қонунов андешаҳояшро дар бораи рушди сайёҳӣ чунин баён кард:
- Тоҷикистон имконияти хеле хуби ба сайёҳон пешниҳод кардани арзишҳои нодир, аз ҷумла, мамнуъгоҳҳо, кӯли Сарез ва муқаддасоти исломро дорад. Мардум аз туризми якрангаи меъёрӣ хаста шудааст. Сокинони баъзе деҳаҳо метавонанд ба сайёҳон хизмат расонида, даромади хуб гиранд. Яке аз мушкилоте, ки пеши рушди туризмро гирифтааст, ин қимат будани чиптаҳои ҳавопаймоӣ дар хатсайрҳои Тоҷикистон буда, омадани сайёҳонро ба мамлакат душвор месозад.
Андешаи Қ. Қонуновро вакили Маҷ-лиси намояндагон Исмоил Талбаков ба таври зайл тақвият дод:
- Рушди туризм бо истифода аз мероси маънавии ислом мувофиқи мақсад аст. Ҳар сол зиёда аз 6 ҳазор зоирони тоҷик ба ҳаҷ мераванд. Онҳоро вазифадор кардан лозим аст, ки буклетҳоро дар бораи муқаддасоти ислом байни мусулмонони дигар кишварҳо паҳн намоянд.
Тибқи иттилои Кумитаи ҷавонон, варзиш ва сайёҳии назди Ҳукумати ҷумҳурӣ, сафи сайёҳони хориҷие, ки майли дидани Тоҷикистонро доранд, сол то сол меафзояд. Соли 2011 аз минтақаҳои сайёҳии кишварамон 183 ҳазор нафар, соли 2012  245 ҳазор нафар, соли 2013  208 ҳазор нафар шаҳрвандони хориҷӣ дидан карданд. Дар нимсолаи аввали соли  2014 ба Тоҷикистон 74 ҳазор нафар сайёҳ ташриф овард.
Э. НАЗАРОВ,
«Ҷумҳурият»


Баёни ақида (0)    Санаи нашр: 22.08.2014    №: 166    Мутолиа карданд: 8524
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед