logo

туризм

ТУРИЗМИ ТОҶИКИСТОН РУШДЁБАНДА АСТ

Ҷиҳати иҷрои Барномаи давлатии рушди туризм дар Ҷумҳурии Тоҷикистон барои солҳои 2010-2014 аз ҷониби мутасаддиён як қатор чораву тадбирҳои муҳим андешида шуд. Дар хусуси дастовард, мушкилот ва дурнамои соҳа хабарнигори мо  бо Руслан Шодиков, муовини раиси Кумитаи ҷавонон, варзиш ва сайёҳии назди Ҳукумати ҷумҳурӣ суҳбат намуд, ки фишурдаи онро пешкаши хонандагон мегардонем.

Тӯли солҳои охир Ҳукумати Ҷумҳурии Тоҷикистон ба инкишофи соҳаи туризм таваҷҷуҳи махсус зоҳир менамояд. Қабули  Қонуни Ҷумҳурии Тоҷикистон «Дар бораи туризм», таҳияи Консепсияи миллии рушди туризм барои солҳои 2009 - 2019 ва Барномаи давлатии рушди туризм барои солҳои 2010 - 2014 ва дигар барномаҳои муҳими давлатӣ аз сиёсати пешгирифтаи Ҳукумати Ҷумҳурии Тоҷикистон ҷиҳати пешрафти туризм шаҳодат медиҳад. Бо қарори Ҳукумати ҷумҳурӣ ноҳияҳои Варзоб, Балҷувон ва дараи Ромит минтақаи сайёҳии байналмилалӣ эълон гардиданд. Имрӯз шумораи зиёди сайёҳони дохилӣ ва хориҷӣ барои истироҳат маҳз ба минтақаи сайёҳии Варзоб ташриф меоранд. Дараи хушманзараи Ромит, воқеъ дар болооби рӯди Кофарниҳон, яке аз мавзеъҳои нотакрори сайёҳист. Дар дараи Ромит  чашмаҳои шифобахш зиёд аст.  Яке аз чашмаҳо Покрӯд мебошад, ки оби сарди он барои беморони диабети қанд давост. Оби гарми чашмаи Зайронро барои табобати бемории буғумдарду тарбод истифода мебаранд.  Fайр аз ин, ҷалби маблағҳои ғайрибуҷетӣ дар роҳандозии инфрасохтори сайёҳӣ, омода намудани мутахассисони баландихтисоси соҳаи гардишгарӣ, сохтмони меҳмонхонаву осоишгоҳҳои ҷавобгӯ ба талаботи замони муосир барои инкишофи туризми истироҳативу табобатӣ заминаи мусоид фароҳам овард.
Айни ҳол дар ҷумҳурӣ 92 ширкати туристӣ фаъолият дошта, 50-тои он ба туризми содиротӣ, боқимонда ба туризми воридотӣ тавассути беш аз 50 хатсайр пайваста фаъолият доранд.
Боиси хушҳолист, ки соли ҷорӣ баъзе мушкилоти соҳа сода ва бартараф гардиданд. Чунончи, сайёҳони беш аз 81 кишвар метавонанд имрӯз озодона дар Фурудгоҳи байналмилалии Душанбе раводиди Тоҷикистонро гиранд. Нархи раводиди аз консулгариҳо дастрасшаванда 25 доллар  ва  воридшавӣ ба Боғи миллӣ ва мамнуъгоҳҳо 10 сомонӣ муқаррар шуд. Масъалаи маблағи баромад ба қуллаҳои баланд низ тавсеа ёфт. Чанде пеш мавриди  истифода қарор гирифтани Терминали байналмилалии шаҳри Душанбе аксари камбудиҳоро дар фурудгоҳ аз байн бурд. Мутахассисони терминал бо донистани забонҳои хориҷӣ имрӯз ба сайёҳони хориҷӣ хизмат мерасонанд.
Дар ин давра беш аз 65 дарсади иншооти табобатӣ таҷдиду барқарор ва  35 мавзеи туристӣ - истироҳатӣ сохта, мавриди истифода қарор гирифтанд. Алҳол гурӯҳи кории кумита иборат аз мутахассисону коршиносон дар қаламрави кишвар самтҳои афзалиятноки рушди соҳаро таҳия  намуда, баҳри ба талаботи муосир мутобиқ намудани  мавзеъҳои сайёҳӣ талош доранд. Ба мавзеи туристӣ табдил додани ҷойҳои таърихиву фарҳангӣ ва дороиҳои табиии Тоҷикистон барои ҷалби бештари ҷаҳонгардон, таъсиси ҷойҳои нави корӣ, ғанӣ гардондани буҷети мамлакат заминаи мусоид фароҳам меорад.
Кӯшишҳои мо ҳамчунин дар самти омодасозии мутахассисони дорои тахассуси баланд, таъмини мутахассисон бо маводи таълимӣ, ба чоп расондани маводи иттилоотӣ, муаррифии имкониятҳои туристии кишвар тавассути руққа, харита ва маълумотномаҳои махсус, пахши видеороликҳо аз ҷойҳои таърихиву фарҳангӣ дар дохил ва хориҷи кишвар равона шудаанд.
Дар асоси баррасии рафти иҷрои Барномаи давлатии рушди туризм барои солҳои 2010 - 2014 дар қисмати маблағгузорӣ вобаста ба пешниҳодҳои вакилони Маҷлиси намояндагон “Барномаи давлатии рушди туризм дар Тоҷикистон барои солҳои 2015 - 2017” таҳия гардида, ҷиҳати баррасӣ ва тасдиқ ба Маҷлиси намояндагони Маҷлиси Олӣ пешниҳод шудааст. Дар он тартиби рушди соҳаи туризм дар Тоҷикистон, сарчашмаҳои маблағгузорӣ, воситаҳои назорати фаъолияти туристӣ аз ҷониби Ҳукумат таҳия гаштааст. Бо қабул гардидани барномаи нав имкон пайдо мекунем, ки дар намоишгоҳҳои байналмилалии сатҳи баланд ширкат варзида, захираҳои ғании табиӣ, фарҳангӣ ва меросии кишварамонро ба ҷомеаи ҷаҳонӣ муаррифӣ созем. Конфронсҳои байналмилалии рушди туризм баргузор намоем. Бо ин роҳ бори дигар намояндагони созмону ширкатҳои гуногуни ҷаҳонӣ ба кишвари зебову муъҷизаосои мо ташриф оварда, имкониятҳои туристии Тоҷикистонро баҳогузорӣ хоҳанд кард. Дар ин замина ёддоштҳои тафоҳум ба имзо расида, шартномаҳои тарафайн ҷиҳати густариши ҳамкорӣ бо ширкатҳои сайёҳӣ баста мешаванд.
Бо вуҷуди пешрафту навовариҳо дар ин самт ҳанӯз камбудиву мушкилиҳо ҷой доранд. Тарбияи кадрҳои баландихтисосу забондони соҳа, таъсиси хатсайрҳои нави ҳавопаймоӣ, роҳандозии инфрасохтори сайёҳии ҷавобгӯ ба талаботи сайёҳии муосир аз омилҳоеанд, ки садди роҳи инкишофи гардишгарӣ дар мамлакати  мо гаштаанд. Кумита ҳамчун пешбарандаи соҳаи мазкур дар ҳамкорӣ бо сохторҳои дахлдори давлатӣ ва ширкатҳои марбут ҷиҳати рафъи норасоиҳо ва муваффақ шудан дар ин самт пайваста талош меварзад.
Тоҷикистон, ки кишвари офтобӣ  ва дорои табиати зебову нотакрор, қуллаҳои баланду сарбафалаккашида ва ёдгориҳои таърихию бостонист, қалби садҳо нафар сайёҳони хориҷиро тасхир намудааст. Ин аст, ки ҳамасола боздиди сайёҳони хориҷӣ аз Тоҷикистон беш аз пеш афзоиш меёбад. Мутмаинем, ки минбаъд  ташрифи сайёҳон зиёд гашта, таъсиси ҷойҳои нави корӣ, инкишофи соҳибкории хурду миёна ва  рушди иқтисодиёти миллӣ таъмин мегардад.

Шаҳнози ҚУРБОН,“Ҷумҳурият”


Баёни ақида (0)    Санаи нашр: 16.10.2014    №: 201    Мутолиа карданд: 9714

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед