logo

туризм

ТУРИЗМ: ТАРҲИ НАВИ ҲАМКОРӢ ЗАРУР АСТ

Дар меҳмонхонаи «Serena Hotel»-и шаҳри Душанбе Конфронси миллии туристӣ таҳти унвони «Тоҷикистони меҳмоннавоз – кишвари туризм» доир шуд. Конфронси мазкур бо ташаббуси Кумитаи ҷавонон, варзиш ва сайёҳии назди Ҳукумати ҷумҳурӣ, ассосиатсияҳои ташкилотҳои сайёҳӣ,  Барномаи Иттиҳоди Аврупо, АСTED, Фонди Оғохон доир гардида, дар он намояндагони бахшҳои гуногуни ҷомеа, ташкилотҳои сайёҳӣ, сафоратҳои давлатҳои хориҷӣ дар Тоҷикистон, инчунин коршиносони соҳаи туризм ширкат варзиданд. Дар конфронс масъалаҳои рушд, имконот ва мушкилоти соҳаи мазкур мавриди баррасӣ қарор гирифт.

Аҳтам Абдуллозода, раиси Кумитаи ҷавонон, варзиш ва сайёҳии назди Ҳукумати ҷумҳурӣ ва Истван Нитрай, намояндаи Иттиҳоди Аврупо, зикр карданд, ки туризм яке аз соҳаҳои бонуфуз ва сердаромади замони муосир ба ҳисоб рафта, дар ташаккули маҷмӯи маҳсулоти дохилӣ, фаъолнокии тавозуни савдои беруна, таъмини шуғли аҳолӣ ва таъсиси ҷойҳои нави корӣ нақши арзанда мебозад. Агар дар соли 1950 шумораи умумии сайёҳон дар ҷаҳон 25 миллион нафар ва даромад аз ҳисоби соҳа 2,1 миллиард доллари амрикоиро ташкил медод, дар соли 2013 ин нишондод ба 1 миллиарду 87 миллион нафар расидааст. Дар иқтисодиёти ҷаҳон ба ҳиссаи соҳаи туризм 6 фоизи маҷмӯи маҳсулоти дохилӣ, 7 фоизи сармоягузории ҷаҳонӣ ва 11 фоизи хароҷоти истеъмолии ҷаҳон рост меояд.  Ба қавли Аҳтам Абдуллозода, Тоҷикистон дорои мероси бойи таърихию фарҳангӣ ва захираҳои табиӣ буда, барои ҷалби теъдоди зиёди сайёҳони хориҷӣ иқтидори воқеӣ дорад. Омилҳои зикршударо ба инобат гирифта, Ҳукумати ҷумҳурӣ соҳаи туризмро самти афзалиятноки сиёсати иқтисодии кишвар эълон кард. Аз ин рӯ, солҳои охир соҳаи туризм вусъат меёбад. Айни ҳол “Барномаи давлатии рушди туризм дар Ҷумҳурии Тоҷикистон барои солҳои 2015 – 2017” таҳия шуда, барои баррасӣ ба Ҳукумати ҷумҳурӣ пешниҳод гардидааст.
Вай ҳамчунин ба масъалаи додани раводиди туристӣ дахл намуда, гуфт, ки субъектҳои хоҷагидори соҳаи сайёҳӣ минбаъд ҳуқуқ пайдо намуданд ба намояндагиҳои дипломатии кишвар дар хориҷа мактуб – даъватнома фиристанд, ки он асос барои додани раводиди туристӣ ба шаҳрванди хориҷӣ мегардад. Шаҳрвандони хориҷие, ки раводиди туристиро дастрас менамоянд, давоми 30 рӯз аз сабти ҳатмӣ дар мақомоти корҳои дохилӣ озоданд. Тадбири мазкур сайёҳони хориҷиро аз интизорӣ дар навбатгоҳҳои хадамоти шиносномадиҳию пардохти иловагии маблағ барои бақайдгирӣ озод мекунад.  Сайёҳони хориҷӣ ҳангоми будубош дар қаламрави Тоҷикистон худро осуда ва беташвиш эҳсос хоҳанд кард.
Маблағи хироҷ барои раводидҳои мухталиф, аз он ҷумла ҷаҳонгардӣ то 150 доллари амрикоиро ташкил медод ва ин ҳолат дар баробари дигар омилҳо ба тасмими туристон ҷиҳати сафар ба Тоҷикистон таъсири манфӣ мегузошт. Пардохти боҷи ягонаи туристӣ дар ҳаҷми 25 доллари амрикоӣ ба сӯи сода кардани мушкили сайёҳон боз як қадам гузошт, ки ба рақобатпазирии бозори сайёҳии кишвар таъсири мусбат мерасонад. Аҳтам Абдуллозода, намудҳои гуногуни ҷаҳонгардӣ, аз ҷумла туризми табобатию истироҳатӣ, кӯҳнавардӣ, варзишию экологӣ, таърихию омӯзишӣ ва этнографӣ, лижабозии кӯҳӣ, шикорӣ ва ғайраро, ки хоси кишварамон мебошанд, муфассал шарҳ дода, аз таваҷҷуҳи бештари сайёҳон ба туризми экологӣ изҳори қаноатмандӣ намуд.
- Айни ҳол барои таъмини хидматрасонии босифат 90 ширкати сайёҳие, ки дар қаламрави ҷумҳурӣ фаъоланд, давра ба давра таҷрибаашонро дар сатҳи сифатан нав мукаммал сохта  истодаанд, - гуфт ӯ.  - Аз ин, 50 адад ширкатҳо ба фаъолияти содиротӣ ва боқимонда ба ҷалби сайёҳони хориҷӣ ба кишварамон машғуланд. Шумораи меҳмонхонаҳо низ ба 165 адад расида, зиёда аз 100 хонаи қабули меҳмонон, яъне «Home Stay» фаъоланд, ки ба сайёҳон имкони таъмини шароити мусоид ва шиносоӣ бо мардуми маҳалро медиҳанд.                                                                                                              
Муло Шагарф, роҳбари Ассосиатсияи туризм дар ҷомеаи асосёфтаи Тоҷикистон дар мавзӯи “Нақши ассосиатсия дар рушди туризми ҷомеасоз тавассути дастгирии соҳибкории хурду миёна” суханронӣ  кард.
-Туризми дар ҷомеа асосёфта яке аз намудҳои туризми экологӣ ба шумор меравад, ки дар он хоҷагиҳои маҳаллӣ нафақат ба ҷараёни рушди сайёҳӣ ҷалб шудаанд, балки тамоми рафти онро идора менамоянд ва бештари даромад аз ин намуди туризм дар худи хоҷагӣ мемонад, - афзуд Муло Шагарф.                                    
–Огоҳонидани аҳолӣ, маҳз ҷавонону наврасон аз имкониятҳои мавҷудаи ҷаҳонгардӣ ва дарҷи ахбори фишурда доир ба аҳамияти туризми кӯҳнавардӣ дар дастурҳои таълимии толибилмони муассисаҳои таълимӣ ва ташкили курсҳои махсуси кӯҳнавардиву дигар бахшҳо яке аз тавсияҳоеанд, ки дар рушди соҳаи туризм мусоидат мекунанд. Баргузории семинарҳои омӯзишӣ барои рӯзноманигорон, ки дар ташвиқу тарғиби имкониятҳои сайёҳӣ саҳм мегузоранд, аз манфиат холӣ нест. Тасмим гирифтем мактаби махсуси омода кардани кӯҳнавардонро таъсис ва рушди туризми кӯҳиро равнақ диҳем, - гуфт Кишвар Абдулалишоев, менеҷери Барномаи ҷонибдории инкишофи манотиқи кӯҳистони ҷумҳурӣ.
Мутахассисони соҳа дар конфронс ба хулоса омаданд, ки таъсиси шабакаи ягонаи иттилоотӣ дар Тоҷикистон доир ба туризм, омода кардани тарҳи шиносоии толибилмони мактабҳои таҳсилоти миёнаи умумӣ аз имкониятҳои сайёҳӣ, таҳияи тарҳи нави ҳамкории мақомоти давлатӣ бо бахшҳои хусусӣ ва тайёрии ниҳодҳои дахлдор ба намоишгоҳи байналмилалии «IТВ Берлин - 2015» ба рушди соҳа мусоидат хоҳад кард. Баъди анҷоми кори конфронс дар саҳни меҳмонхонаи «Serena hotel» намоиши ҳунарҳои мардумӣ баргузор гардид.

Оҳистамоҳи ВАФОБЕК,
“Ҷумҳурият”


Баёни ақида (0)    Санаи нашр: 21.10.2014    №: 204    Мутолиа карданд: 9892

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон


Дар сомонаҳои дигари Тоҷикистон хонед