logo

ҳуқуқ

НАҚШИ КОНСТИТУТСИЯ ДАР ТАҲКИМИ ДАВЛАТУ ДАВЛАТДОРӢ

Муртазо РАҲМОНЗОДА,
прокурори ноҳияи Ванҷ,
мушовири адлияи дараҷаи 3

Дар таърихи давлатдории навини миллати тоҷик бори нахуст 6 ноябри соли 1994 Конститутсияи (Сарқонуни) давлати соҳибистиқлоли Тоҷикистон бо ташаббуси Сарвари давлат Эмомалӣ Раҳмон, бо роҳи раъйпурсии умумихалқӣ, бевосита аз ҷониби халқ қабул шуда, азму ирода ва мақсаду мароми сокинони кишварро таҷассум намуд.

Тибқи Конститутсия халқ баёнгари соҳибихтиёрӣ ва сарчашмаи ягонаи ҳокимияти давлатӣ эълон шуда, раъйпурсии умумихалқӣ ва интихобот ҳамчун ифодаи олии бевоситаи ҳокимияти халқ эътироф гардиданд.
Конститутсия ба сифати санади олии ҳуқуқӣ заминаҳои қонунии пешрафти ҷомеаро муайян намуда, барои қабули қонунҳои нав ва ба танзим даровардани муносибатҳои ҷамъиятӣ асосҳои ҳуқуқӣ фароҳам овард. Ифода гардидани халқ ҳамчун сарчашмаи ҳокимияти давлатӣ аз демократӣ будани Конститутсияи (Сарқонуни) Ҷумҳурии Тоҷикистон шаҳодат медиҳад. Бояд гуфт, ки Сарқонуни кишвар Тоҷикистонро ба ҷомеаи ҷаҳонӣ ҳамчун давлати мустақили дорои низоми мукаммали сиёсиву ҳуқуқӣ муаррифӣ намуд, ки дар он инсон ва ҳуқуқу озодиҳои ӯ ҳамчун арзиши олӣ эътироф гардида, барои шароити зиндагии арзанда ба ҳар шахс заминаҳои устувори иҷтимоиву иқтисодӣ гузошта шудаанд.
Эмомалӣ Раҳмон, Президенти Ҷумҳурии Тоҷикистон, дар сухан-рониҳои худ пайваста кормандони мақомоти ҳифзи ҳуқуқро муваззаф месозанд, ки дар ҷараёни тафтишу баамалбарории адолати судӣ ҳуқуқу озодиҳои инсонро ба таври қатъӣ риоя намоянд. Сарвари давлат зимни суханронӣ дар маҷлиси васеи ҳайати мушовараи Прокуратураи генералӣ (10 июли соли 2014) дар иртибот ба ин мавзӯъ иброз доштанд, ки: «Тоҷикистон оид ба таъмини волоияти Конститутсияву қонунҳо, кафолати амалишавии ҳуқуқу озодиҳои ҳар шахс ва дар асоси мустақилияту баробарӣ таъмин намудани принсипи таҷзияи ҳокимият ҳамаи тадбирҳои заруриро тибқи меъёрҳои муосир амалӣ мегардонад». Ба таъкиди Президенти мамлакат, ҳамаи сохтору мақомоти давлатӣ ва шахсони мансабдори онҳо вазифадоранд, ки риоя ва ҳифзи ҳуқуқу озодиҳои инсонро, ки арзиши олии ҷомеаи мо эътироф шудаанд, самти афзалиятноки фаъолияти худ ҳисобида, қабули шаҳрвандон ва баррасии холисонаву ҳаматарафаи муроҷиатҳои онҳоро боз ҳам тақвият бахшанд.
Кормандони прокуратураи ноҳияи Ванҷ ҷиҳати иҷрои дастуру ҳидоятҳои Сарвари давлат нақшаи вижаи чорабиниҳо тартиб дода, назорати риояи дақиқ ва иҷрои якхелаи қонунҳоро тақвият бахшиданд. Дар ҷамоатҳои деҳот, корхонаву муассисаҳо, бахусус муассисаҳои таълимӣ бо иштироки намояндагони мақомоти ҳифзи ҳуқуқу тартибот, кормандони масъули соҳаи маориф, имомхатибон ва дигар қишрҳои ҷомеа баргузор намудани суҳбату вохӯриҳои судманд оид ба риояи муқаррароти санадҳои меъёрии ҳуқуқии амалкунанда, аз ҷумла қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросимҳо дар Ҷумҳурии Тоҷикистон» ба ҳукми анъана даромадааст. Мо минбаъд низ барои таъмини волоияти қонун ва иҷрои бечунучарои он аз ҷониби ҳамаи шахсони ҳуқуқӣ ва ҳар як шаҳрванд тамоми чораҳои пешбининамудаи қонунро бо масъулияти баланд ва дасту дили пок амалӣ менамоем.
Имрӯз ҷомеаи башарӣ дар ҳолати таҳаввулоти куллӣ қарор дорад ва ин дигаргуниҳо ба пешрафти соҳаҳои гуногуни ҳаёти сиёсӣ, иқтисодӣ ва маънавии ҷомеа таъсири амиқ мегузоранд. Дар шароити шиддат гирифтани раванди ҷаҳонишавӣ ва мураккаб гардидани вазъи сиёсии ҷаҳони имрӯза он кишварҳое бештар худро аз таҳдиду хатарҳои эҳтимолӣ эмин нигоҳ дошта метавонанд, ки дорои низоми ҳуқуқии пешрафта ва санадҳои меъёрии ҳуқуқи комил бошанд. Хушбахтона, мо низоми пешрафтаи ҳуқуқӣ дорем ва Конститутсияи Ҷумҳурии Тоҷикистон дар асоси меъёрҳои умумибашарӣ таҳия ва қабул гардида, аз ҷониби коршиносони як қатор давлатҳои пешрафтаву мутамаддини ҷаҳон ва созмонҳои бонуфузи байналмилалӣ, аз қабили Созмони Милали Муттаҳид, Созмони Амният ва Ҳамкорӣ дар Аврупо баҳои баланд гирифтааст.
Бояд гуфт, ки Конститутсияи (Сарқонуни) Ҷумҳурии Тоҷикистон ҳамчун ҳуҷҷати сарнавиштсоз дар таҳкими давлату давлатдорӣ, пойдории сулҳу субот ва ваҳдати миллӣ нақши калидӣ бозид. Маҳз бо риояи қатъии меъёрҳои конститутсионӣ мо барои расидан ба ҳадафҳои пешгирифтаи ҷомеаи кишварамон дар самти бунёди давлати демократӣ, ҳуқуқбунёд ва дунявӣ қадамҳои устувор мегузорем.
 


Баёни ақида (0)    Санаи нашр: 23.10.2014    №: 206    Мутолиа карданд: 635

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед