logo

маориф

ХУДИДОРАКУНИИ ШОГИРДОН АЗ ДИДГОҲИ УСТОД

Ҳамасола дар арафаи Рӯзи омӯзгорон дар бархе аз муассисаҳои таҳсилоти миёнаи умумии ҷумҳурӣ машғулиятҳо ва дарсҳо дар мавзӯи худидоракунии хонандагон гузаронда мешавад.
Барои огоҳӣ пайдо намудан аз ин иқдом ва раванди таълиму тарбия суҳбате доштем бо муовини директор оид ба корҳои тарбиявии муассисаи таҳсилоти миёнаи умумии рақами 62 - и шаҳри Душанбе Муқаддам Шамсиева, ки мухтасари онро пешкаши хонандагон менамоем.

- Худидоракунии хонандагон чӣ маъно дорад?
- Ҳар сол бахшида ба Иди муаллимон масъулини баъзе аз мактабҳои таҳсилоти миёна тасмим мегиранд, ки дар ин рӯз аз ҳисоби талабаҳои фаъолу донишманд ва қобилиятноки синфҳои болоӣ дарсҳо ташкил намоянд. Яъне, нахуст ҷамъи омӯзгорон ба ҳам омада, машварат доир менамоянд, то ки донанд кадом хонанда ба кадом фан шавқу рағбати зиёд дорад, сипас шӯрои омӯзгорон ба хулоса меояд, ки барои санҷиши дониши онҳо дар амалия ҳамчун омӯзгор ба талабаҳои синфҳои поёнӣ дарсу машғулиятҳо баргузор намоянд. Ин дарсҳо аз ҷониби омӯзгорони тахассусӣ назорат ва баҳо дода мешаванд.

- Мақсад аз баргузории худидоракунии хонандагон чист ва оё ин иқдом барои рушди шахсияти эшон мусоидат менамояд?
- Албатта, аз баргузории ин раванд аён мегардад, ки хонандагон то куҷо нозукиҳои фанҳои азхуднамудаашонро медонанд ва чи тавр метавонанд, ки мустақилона бо ҷомеа, доираи васеи одамон робита дошта бошанд. Ҳамчунин, аз ин маълум мегардад, ки қобилияту истеъдоди кадом хонанда барои дар оянда омӯзгор гардидани ӯ мусоидат мекунад. Инчунин, дар дарсҳо сабуриву тоқатпазирии хонандагон мавриди санҷиш қарор мегирад.
Пас аз анҷоми ин рӯз ҳамаи он талабаҳое, ки як рӯз дар нақши омӯзгор буданд ва омӯзгорони онҳо ҷаласа баргузор менамоянд. Хонандагон фикрҳои худро дар мавриди чи қадар заҳматталаб будани касби омӯзгорӣ иброз медоранд ва худ дарк менамоянд, ки барои омӯзгор будан чи гуна рафтору гуфтор мувофиқ аст.
Дар охир аз ҷониби роҳбарияти муассисаи таълимӣ ба он хонандагоне, ки аз худ маҳорату қобилияти баланди эҷодӣ нишон додаанд, раҳматномаву сипосномаҳо супурда мешаванд. Омӯзгорони соҳибтаҷриба ба онҳо маслиҳат медиҳанд, ки дар оянда кадом касбро интихоб намоянд, дар зиндагӣ ва иртибот бо аҳли ҷомеа ва ҳамкорон кадом хислатҳоро доро бошанд.

- Ба андешаи Шумо, то куҷо хонандагон аз уҳдаи иҷрои ин касб мебароянд?
- Аввалан, мо ба хонандагон-омӯзгорон маслиҳат медиҳем, ки худро озод ҳис кунанд ва чи хеле ки мехоҳанд, ҳамон тавр дарс гузаранд. Ҳастанд хонандагоне, ки мехоҳанд дарсҳо ба таври нав гузаронда шаванд. Ғояҳои хуб ва тарзу усули замонавиро дар раванди дарсҳо ба кор мебаранд. Дар натиҷа онҳо ситоиш гашта, амалашон барои омӯзгорони ҷавону навтаҷриба талқин ва пешниҳод карда мешавад. Дар навбати худ мо, омӯзгорон, низ аз хонандагони донишманд баъзе чизҳои нав меомӯзем ва гоҳо камбудиҳои худро ислоҳ мекунем. Яъне, худидоракунҳо дӯстони мо ва «Дӯстон оинаи якдигаранд!».

- Таълиму тарбия дар муассисаи таҳсилоти миёнаи умумии рақами 62 чи гуна ба роҳ монда шудааст?
- Мактаби мо навбунёд буда, имсол ба ифтихори таҷлили 23-юмин солгарди Истиқлолияти давлатӣ ва оғози соли нави хониши 2014-2015 ҳамчун тӯҳфаи арзанда пешкаш гардидааст.
Мактаб аз 30 синфхонаи муҷаҳҳаз бо технологияҳои муосир барои гузарондани машғулиятҳои фаннӣ, маҷлисгоҳ, толори китобхонӣ ва ошхонаи барҳаво иборат буда, инчунин дорои синфхонаҳои алоҳида барои тарбияву ташаккули малакаи зебоипарастии наврасон мебошад ва дар ду баст 1280 нафар хонандаро ба таҳсил фаро мегирад.
Сарвари давлат муҳтарам Эмомалӣ Раҳмон зимни ифтитоҳи ин муассисаи таълимӣ иброз намуда буд, ки «Аз шумо, фарзандони азиз, тақозо мегардад, ки дар фазои орому осудаи Ватани азизамон аз имкониятҳои фароҳамсохтаи давлату Ҳукумат ҳарчи пурраву самаранок истифода намуда, масъулият ва қарзи фарзандии худро адо кунед, яъне барои амиқан азбар намудани илму дониши муосир ҳаматарафа азму талош варзед, касбу ҳунар омӯзед ва ба хотири ободии фардои Ватан аз имрӯз омода гардед».
Роҳбарият ва толибилмони муассисаи таҳсилоти миёнаи умумии рақами 62 ин гуфтаҳои Президенти мамлакатро сармашқи кори худ намуда, аз бунёди мактаби наву замонавӣ, ки дар ҷумҳурӣ назир надорад, шод буда, пайваста мекӯшанд, ки дар озмунҳову олимпиадаҳои мухталиф ширкат варзида, номбардори давлату миллати хеш бошанд.

Наврӯз ҶОБИРОВ,
рӯзноманигор


Баёни ақида (0)    Санаи нашр: 24.10.2014    №: 207    Мутолиа карданд: 832

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед