logo

ҳуқуқ

РИОЯИ МЕЪЁРҲОИ САРҚОНУН ҲАТМИСТ

Сайфиддин КАМОЛЗОДА,
раиси суди ноҳияи Файзобод

Бист сол барои таърих тӯлонӣ  набошад ҳам, дар ин муддат  Сарқонуни кишвар  аз имтиҳони  ҷиддии ҳаёт гузашт. Дар ҳамаи соҳаҳои  хоҷагии халқи мамлакат тағйироти  ҷиддӣ ба амал омаданд. На танҳо марказҳои маъмурии  шаҳру ноҳияҳо, балки дурдасттарин шаҳраку деҳоти ҷумҳурӣ низ симояшонро ба куллӣ дигар карданд.
Ин санади тақдирсоз имкон фароҳам овард, ки дар  ҷомеа ягонагии сиёсӣ пойдор гардида,  вазифаҳои давлат баҳри ҳифзи ҳуқуқу озодиҳои инсон ва шаҳрванд муайян карда шаванд. Конститутсия ба сифати  санади олии ҳуқуқӣ ба шаҳрвандон кафолат додааст, ки ҳуқуқу озодиҳои қонунии худро шиносанд ва аз онҳо бурхӯрдор бошанд. Гузашта аз ин, тавре  кору зиндагӣ кунанд, ки  манфиатҳои қонунии дигаронро халалдор насозанд.
Конститутсия  давлати Тоҷикистонро ҳамчун давлати иҷтимоӣ эълон намуд,  ки дар он барои ҳар як инсон шароити зиндагии арзанда таъмин карда мешавад. Дар Сарқонун инсон, ҳуқуқ  ва озодиҳои ӯ арзиши олӣ эътироф гардида, ба ҳар кас кафолати ҳифзи  судӣ дода шудааст. Ҳар шахс ҳуқуқ дорад талаб намояд, ки парвандаи ӯро суди босалоҳият, мустақил ва беғараз баррасӣ намояд. Дар навбати худ мо, кормандони соҳа, вазифадор ҳастем, ки бо ҳисси баланди масъулиятшиносӣ ҳифзи ҳуқуқу озодиҳои инсонро дар меҳвари фаъолиятамон қарор дода, тавассути қабули санадҳои одилонаву қонунӣ, татбиқи дурусти меъёрҳои Конститутсия ва қонунҳо адолати судиро таъмин намоем.
Пас аз қабули Конститутсия дар сохтори давлати Тоҷикистон дигаргуниҳои куллӣ ба амал омаданд, ки яке аз онҳо ислоҳоти ҳокимияти судӣ мебошад.  Давра ба давра татбиқ шудани  ислоҳоти судӣ - ҳуқуқӣ ва дар доираи он таҳкиму такмил бахшидан ба сохтор ва фаъолияти мақомоти судӣ, мустаҳкам намудани асосҳои моддиву техникии онҳо ва беҳтар кардани вазъи ҳуқуқиву иҷтимоии судяҳо аз ҷумлаи ин тадбирҳо ба шумор мераванд. Дар иртибот ба ин, Конститутсияи (Сарқонуни) Ҷумҳурии Тоҷикистон ҳокимияти судиро ҳамчун шохаи мустақили ҳокимият эътироф намудааст, ки он бояд баҳри таҳкими қонуният ва таъмини адолати судӣ, бунёди ҷомеаи демократию ҳуқуқбунёд нақши сазовор дошта бошад.
Мувофиқи моддаи 84 -и Конститусия ҳокимияти судӣ мустақил буда, аз номи давлат ва аз тарафи судяҳо амалӣ мегардад. Ҳокимияти судӣ ҳуқуқу озодиҳои инсон ва шаҳрванд, манфиати давлат, ташкилоту муассисаҳо, қонунияту адолатро ҳифз менамояд. Бо қабули Конститутсия  ба таъсиси мақоми нави махсуси  назорати  конститутсионӣ - Суди  конститутсионии Ҷумҳурии Тоҷикистон, ҳамчунин судҳои иқтисодӣ ва ҳарбӣ  заминаи ҳуқуқӣ гузошта шуд.
Шашуми ноябр ба қабули Конститутсияи (Сарқонуни) Ҷумҳурии Тоҷикистон бист сол пур мешавад ва ин санаи муҳими таърихӣ ҳамчун ҷашни шаклгирии давлатдории демократӣ ва таҳкими амнияту суботи сиёсиву иҷтимоии Тоҷикистон дар тамоми қаламрави кишвари маҳбубамон бо шукӯҳу шаҳомати хоса таҷлил хоҳад шуд. Бо ифтихор метавон гуфт, ки Конститутсияи имрӯза самараи соҳибистиқлолии кишвари азизамон мебошад. Маҳз дар заминаи Истиқлолияти давлатӣ барои муайян намудани асосҳои сохтори конститутсионӣ, таҳкими ҳокимияти давлатӣ, самтҳои инкишофи ҷомеа, бунёди давлатдории навини тоҷикон заминаи воқеӣ гузошта шуд. Дар ин росто рушди бемайлони давлат, вазъи муътадили сиёсӣ ва амнияти ҷомеа, ҳифзи манфиатҳои миллӣ, таҳкими қонунияту тартиботи ҳуқуқӣ таъмин гардид.
Шукрона мекунем, ки имрӯз Ватани маҳбубамон - Тоҷикистон ба шарофати соҳибистиқлолӣ ва риояи меъёрҳои Конститутсия рӯз ба рӯз зебову шукуфо мегардад ва мардум дар фазои сулҳу субот кору зиндагӣ доранд. Набояд фаромӯш сохт, ки яке аз талаботи муҳими Конститутсия эҳтиром, риоя ва иҷрои ҳатмии меъёрҳои он ва қонунҳои амалкунанда мебошад. Барои ноил гардидан ба ин ҳадаф ҳар фарди ҷомеа бояд саъю талош намояд, бо рафтору гуфтору пиндори некаш намунаи ибрати дигарон бошад. Маҳз дар ҳамин сурат мо метавонем ба ҳадафҳои олии худ - эъмори давлати демократӣ, ҳуқуқбунёд, дунявӣ ва ягона муваффақ шавем.


 


Баёни ақида (0)    Санаи нашр: 1.11.2014    №: 213    Мутолиа карданд: 552

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед