logo

маориф

ҶИРГАТОЛ. ТАЪЛИМУ ТАРБИЯ ХУБ АСТ

Дар ноҳия 57 мактаби таҳсилоти умумӣ, аз ҷумла 37 мактаби таҳсилоти миёнаи умумӣ, 6 мактаби таҳсилоти асосӣ, 14 мактаби таҳсилоти ибтидоӣ, 5 муассисаи томактабӣ, 1 мактаб - интернати назди мактабӣ, Муассисаи таълимии давлатии литсей барои хонандагони болаёқат, Маркази технологияи иттилоотӣ ва Муассисаи таҳсилоти иловагӣ фоъолият карда истодааст.
Ин муассисаҳои таълимӣ 13184 нафар хонандаро дар бар мегиранд, ки 6409 нафари онҳо духтарон мебошанд. Ба хонандагон 969 нафар омӯзгорон - 480 нафарашон бо маълумоти олӣ, 23 нафар бо маълумоти олии нопурра, 413 нафар бо маълумоти миёнаи махсус ва 53 нафарашон бо маълумоти миёнаи умумӣ дарс мегӯянд. Аз ҷумлаи ин омӯзгорон 326 нафарашро занон ташкил медиҳанд ва онҳо дар кори таълиму тарбияи насли наврас саҳмгузоранд. Дар таълимгоҳҳои ноҳия 7642 нафар хонанда бо забони қирғизӣ таҳсил менамоянд, ки бо китобҳои дарсӣ пурра таъмин нестанд. Барои боз ҳам хубтар ба роҳ мондани таълиму тарбия корҳои зиёде ба анҷом расонида мешаванд. Аз ҷумла, дар моҳҳои феврал -  июни соли ҷорӣ 32 нафар омӯзгорони синфҳои ибтидоӣ, 21 нафар муовинони директорҳо оид ба таълим, 42 нафар омӯзгори фаннӣ ва 2 нафар мудири кӯдакистонҳо аз курси такмили ихтисос гузаштанд. Бо мақсади бо кадрҳои дорои таҳсилоти олӣ таъмин намудани мактабҳои ноҳия 1047 донишҷӯ дар мактабҳои олии кишвару берун аз он машғули таҳсил мебошанд. Аз инҳо зиёда аз 500 нафарашон таҳсилотро дар соҳаи омӯзгорӣ давом дода истодаанд. Имсол 48 омӯзгори таҳсилоти миёнаи махсус дошта, бо ташаббуси шуъбаи маорифи ноҳия ба Донишкадаи омӯзгории ноҳияи Рашт, шуъбаҳои ғоибона дохил шуданд.
Аз соли 2009 то имрӯз ба бисёре аз мутахассисони ҷавон қарзҳои дарозмуддати имтиёзнок ва қитъаи замин дода шудааст.
Алҳол муассисаҳои таълимии ноҳия бо 435 адад компютер, 80 адад принтер ва 11 адад муҳаррикҳои барқдиҳанда таъмин мебошанд. Барои омӯзиши фанни технологияи иттилоотӣ 44 омӯзгор, ки 34 нафари онҳо дорои маълумоти олӣ ва боқимонда соҳиби маълумоти миёнаи махсус мебошанд, машғуланд.
Дар 5 мактаб кабинети физика, дар 3 мактаб кабинети химия, дар 6 мактаби дигар кабинетҳои математикаву биология ва дар 8 мактабу литсейи ноҳия кабинети технологияи иттилоотӣ ташкил карда шудааст. Тартиб ва ба истифода додани ин кабинетҳо барои боз ҳам мукаммалтар намудани дониши хонандагон ёрӣ мерасонад.
Дар мактабҳои ноҳия ба омодагии дифои ҳарбӣ ва тарбияи ҷисмонӣ диққати ҷиддӣ дода мешавад. Ба таълими тарбияи ҷисмонӣ 36 нафар омӯзгорон машғуланд, ки 22 нафари онҳо дорои маълумоти олӣ мебошанд. Барои омодагии дифои ҳарбӣ 32 нафар таълим медиҳанд. Аз ин таълимдиҳандагон 12 нафарашон афсарон мебошанд. Барои рушди ин соҳа дар се мактаб толор ва дар 25 мактаб майдончаҳои варзишӣ мавриди истифода қарор доранд. Дар мактаби рақами 50-и деҳаи Қарчин бо иқдоми ҷавонони ноҳия ва мардуми ин деҳа ба маблағи зиёда аз 70 ҳазор сомонӣ толори варзишӣ сохта шудааст.
Дар ноҳия тарбияи томактабиро низ  хуб ба роҳ мондаанд. Дар давоми ду соли охир 4 муассисаи томактабӣ ба фаъолият шурӯъ кард. Дар назди мактабҳои рақамҳои 2,5,6 ва 9 маркази инкишофи кӯдакон ташкил ёфт. Ин бошад кори омӯзгорони синфҳои ибтидоиро хеле осон мегардонад.
Шуъбаи маорифи ноҳия бо дастгирии мақомоти иҷроияи маҳаллии ҳокимияти давлатии ноҳия ва Вазорати маорифу илм дар таъмиру навсозии мактабҳо корҳои зиёдеро ба сомон расонид. Аз ҷумла, фақат дар соли таҳсили 2013-2014 дар назди 9 мактаби ноҳия синфхонаҳои иловагӣ сохта ба истифода дода шуд.
Гуфтан ба маврид аст, ки дар ноҳияи Ҷиргатол таълиму тарбия хуб ба роҳ монда шудааст. Падару модарон ба таҳсилу рафтор ва ҳаматарафа аз худ намудани дарсҳо, ҳатто ба синфхонаҳову ҷойи нишасти  фарзандонашон диққати ҷиддӣ медиҳанд. Тобистони соли ҷорӣ бо кӯшиши шуъбаи маориф ва маблағгузории мақомоти  иҷроияи маҳаллии ҳокимияти давлатӣ дар 4 мактаби ноҳия лагер - истироҳатгоҳҳо ташкил шуд, ки 160 нафар хонандагон ба истироҳати тобистона фаро гирифтанд. Аксари онҳо хонандагони ятиму бепарастор ва кӯдакон аз оилаҳои камбизоат буданд. Инчунин, 11 нафар ба лагери тобистонаи “Чайка”-и ноҳияи Варзоб ва 2 нафар ба Ҷумҳурии Мардумии Чин барои истироҳат фиристода шуданд.
Дар се соли охир хонандагони муассисаҳои таълимии ноҳия дар олимпиадаҳои фаннии ҷумҳурӣ ширкат варзида, 1 медали тилло, 2 медали нуқра ва 1 медали биринҷӣ ба даст оварданд. Дар олимпиадаи минтақавӣ бошад, хонандагони синфҳои 9-10 16 ҷойро ишғол намуданд, ки аз ин 8 нафари онҳо соҳиби ҷойҳои якум ва 8 нафари боқимонда соҳиби ҷойҳои дуюму сеюм гардиданд.                                                                                     
 Ҳалимҷон ҲУСЕЙНОВ,
  «Ҷумҳурият»


Баёни ақида (0)    Санаи нашр: 5.11.2014    №: 215    Мутолиа карданд: 1024

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед