logo

ҳуқуқ

МАҲБУСОН БА ОЗОДӢ БАРОМАДАНД

Ба идораи рӯзнома хабар доданд, ки рӯзи 3-юми ноябр озод намудани маҳкумшудагон аз муассисаи ислоҳии занонаи шаҳри Норак оғоз мегардад. Ҳанӯз субҳ надамида, ба назди бинои Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон ҳозир шудем. Аллакай автобусу мошинҳо омодаи сафар буданд.

Ба тирагии ҳаво ва борони шадид нигоҳ накарда, ҳама рӯҳбаланд ва шоду масрур ба назар мерасиданд.
Воқеан, ба тасвиб расидани Қонуни Ҷумҳурии Тоҷикистон «Дар бораи авф» воқеаи хеле фараҳбахш аст. Бахшидани гуноҳ, инсондӯстӣ ва раҳму шафқат аз бузургтарин хислатҳои инсонист.
Дар назди муассисаи ислоҳии шаҳри Норак волидону хешу ақрабои маҳкумшудагон ҷамъ омада буданд. Борон ҳам истоду хониши рӯҳнавози паррандагон ба гӯш расид. Гӯиё онҳо низ ба шодиву хурсандии ҷамъомадагон шарик буданд. Ҳақиқатан манзараҳои атрофи муассиса хеле зебову дилписанданд. Чанде нагузашта Иззатулло Шарифов, сардори Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон, генерал-лейтенант, ҳозир шуд. Ӯ ҳозиронро ба муносибати фарорасии 20 - солагии Сарқонун ва бо ташаббуси Президенти мамлакат ба имзо расидани Қонуни авфро табрик гуфта, иброз дошт, ки ҳоло 170 нафар фарзанду хешу ақрабои шумо ба озодӣ мебароянд. Садоҳои ташаккуру арзи сипос ба Сарвари давлат дар байни ҳозирон баланд шуд. Волидон Моҳшариф Зарифова аз ноҳияи Панҷ, Ҳусейн Шерматов аз шаҳри Ваҳдат, Дӯстмурод Валиев аз ноҳияи Фархор ва дигарон ба Президенти мамлакат самимона аҳсану ташаккур мегуфтанд. Чун вориди маҳбас шудем, Иззатулло Шарифов маҳбусонро ба муносибати озод шуданашон муборакбод гуфта, бо насиҳати падарона ва бародарона онҳоро ба зиндагии бошарафона, ба пиндору гуфтор ва кирдори нек, тарбияи хуби фарзандон, садоқат ба Ватан ва саҳм гузоштан ба рушду шукуфоии Тоҷикистони азизамон ҳидоят кард.
Зимни суҳбат ҷавонзане худро Сурайё Сафарова муаррифӣ карда, иброз  дошт, ки бо моддаи 200-и Кодекси ҷиноятии Ҷумҳурии Тоҷикистон бо ҳукми суди ноҳияи Шоҳмансур 12 сол аз озодӣ маҳрум шудааст.
-Шабу рӯз фикр мекардам, ки наход 12 соли ҳаётамро дар паси панҷара гузаронам. Худойро шукр мекунам, ки бо ташаббусу дилсӯзии Президенти мамлакат, муҳтарам Эмомалӣ Раҳмон имрӯз озодӣ насиби мо, занону модарон гардид.
Мо ин рӯзи саидро дер боз интизор будем ва ба дидори волидайну фарзандонамон мерасем ва аз самими қалб ба Сарвари давлат миннатдории худро баён мекунем. Мо шаҳрвандон мефахрем, ки чунин роҳбари бузург ва ғамхору дилсӯз дорем. Ман ду соли ҳаётамро дар паси панҷара гузарондам ва 10 солашро бахшиданд, - гуфт ӯ.
Иззатулло Шарифов ба чор ҷавонзане, ки дар бағал кӯдакони дустрӯй ва дар даст хати озодӣ доштанд, ишора карда гуфт, ки барои модарону кӯдакон дар ин ҷо шароити хеле хуб вуҷуд дорад. Ростӣ, рангу рӯи кӯдакону модарон, ки тандурусту шукуфо ба назар мерасиданд, гувоҳи гуфтаҳои генерал буд ва худи занон инро тасдиқ карданд.
-Ман ин рӯзро дер боз интизор будам. Ба Президенти Тоҷикистон, муҳтарам Эмомалӣ Раҳмон ташаккур мегӯям, - бо ҳаяҷон кӯдакашро ба синааш ҷафс карда, гуфт Штрейфер Валерия, бо лаҳни хуши тоҷикӣ. Назар ба гуфтаи мавсуф, бо ҳукми суд 5 сол аз озодӣ маҳрум гардида, мувофиқи қонун  3 солу ду моҳаш авф шудааст.
Духтаре рӯяшро бо варақаи озодӣ ва шиносномааш пӯшонда, нахост  номашро гӯяд. Ӯ ба пурсишҳои Иззатулло Шарифов ва мо - хабарнигорон ҷавоб дод, ки бо ҳукми суд 13 сол маҳрум  аз озодӣ шуда, ба муҳлати 11,5 сол аз идомаи иҷрои ҷазо озод гаштааст.
Чун дарвозаро кушоданд, озодшудагонро волидону ақрабояшон ба оғӯш кашида, аз хурсандӣ гиря мекарданду ашки шодӣ мерехтанд. Хандаҳои гиряолуд, изҳори шукру сипос ва шодиву ғиреви онҳо ба ҳар бинанда таассуроти амиқ мегузошт. Ҳамаи онҳо ба автобусҳо савор шуданд. Мо бо Илҳом Маҳмудов, муовини сардори сарраёсат ва Азимзода Толибхон, прокурори назорати иҷрои қонунҳо дар муассисаҳои ислоҳии шаҳри Душанбе ва шаҳру ноҳияҳои тобеи ҷумҳурӣ, ба муассисаи ислоҳии сукунати 3/10 шаҳри Ваҳдат омадем. Дар он ҷо 440 нафар озодшудагон саф кашида буданд.
Иззатулло Шарифов онҳоро низ табрик гуфта, таъкид кард, ки дигар ба ин ҷо барнагарданд.
Нурулло Баротов, маҳбус, зимни суҳбат гуфт, ки бо ташаббуси одилонаи Сарвари давлат, муҳтарам Эмомалӣ Раҳмон бахшида ба 20- солагии Сарқонун Қонуни авф ба тасвиб расид, ки мо ин рӯзро дер боз интизор будем. Ман ба муҳлати 8 солу 6 моҳ аз озодӣ маҳрум шуда будам ва 4 солу 2 моҳашро авф карданд. Мо ба қадри авфи эълонкардаи Президенти мамлакат мерасем ва минбаъд ба рушду нумӯи Ватани азизамон саҳми арзандаи худро мегузорем. Дар муассисаи тарбиявии ноболиғон 58 нафар саф кашида, ҳар яке дар даст дастовез - туҳфа дошт. Сардори сарраёсат ба онҳо насиҳати падарона дода, таъкид кард, ки илму дониш омӯзанду мутахассисони варзида шаванд, ба халқу давлат ва кишвари хеш хизмати сазовор намоянд.
Яке аз онҳо бо номи Баракатулло Аъзамов иброз дошт, ки «бо моддаи 200 қисми 3 Кодекси ҷиноятии Ҷумҳурии Тоҷикистон ба муҳлати 5 сол, аз 26 декабри соли 2013, дар муассисаи тарбиявӣ адои ҷазо менамоям. Имрӯз  бо ғамхории Сарвари давлат, муҳтарам Эмомалӣ Раҳмон, ки Қонуни авфро имзо кард, ба озодӣ мебароям. Ман хато кардам, аз оғуши волидон дур афтодам ва сидқан пушаймонам. Ваъда медиҳам, ки дигар ба хатоӣ роҳ намедиҳам. Ба гуфтаҳои падару модар ва Президенти мамлакат содиқ мемонам ва ба Ватани худ хидмати сазовор мекунам.
Сипас, ба муассисаи ислоҳии рақами 1, шаҳри Душанбе омада, шоҳиди ба озодӣ баромадани 100 нафар маҳбусон ва мулоқоти онҳо бо волидону зану фарзанд ва наздиконашон гардидем.
Аксарияти онҳо зимни вохӯрӣ, ки моҳҳову солҳо аз ҳам ҷудо буданд, ашки шодӣ мерехтанд.

Мунаввари САФАР,
Душанб - Норак - Душанбе


Баёни ақида (0)    Санаи нашр: 5.11.2014    №: 215    Мутолиа карданд: 739

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед