logo

ҳуқуқ

БАХТНОМАИ МИЛЛАТ

Федератсияи иттифоқҳои касабаи мустақили Тоҷикистон фаъолияти худро дар асоси талаботи Конститутсияи (Сарқонуни) Ҷумҳурии Тоҷикистон, Қонуни Ҷумҳурии Тоҷикистон «Дар бораи иттифоқҳои касаба», Кодекси меҳнати Ҷумҳурии Тоҷикистон ва дигар санадҳои меъёрии ҳуқуқӣ ба роҳ монда, ҳуқуқҳои меҳнатии аъзои худро ҳимоя ва дар таҳияи барномаҳои давлатӣ оид ба масъалаҳои ҳифзи меҳнат, ҳифзи ҳуқуқҳои иҷтимоию иқтисодии шаҳрвандон, бастани созишномаю шартномаҳои меҳнатӣ фаъолона ширкат меварзад.

Дар ҳоли ҳозир федератсия дар ҳайати худ 20 кумитаи ҷумҳуриявии иттифоқҳои касабаи соҳавӣ, 3 шӯрои вилоятӣ, 14 ҳазор ташкилоти ибтидоиро бо теъдоди 1,5 миллион узв фаро мегирад. То қабули Конститутсияи (Сарқонуни) Ҷумҳурии Тоҷикистон мақомоти ҷумҳуриявии иттифоқҳои касаба тибқи моддаи 104-и Қонуни асосии пештараи Ҷумҳурии Тоҷикистон ташаббуси қонунгузорӣ дошта, дар таҳияи санадҳои меъёрии ҳуқуқӣ оид ба меҳнат, масъалаҳои иҷтимоию иқтисодӣ фаъолона иштирок менамуданд. Вале ин маънои онро надорад, ки федератсия ва кумитаҳои он ҳоло дар таҳияи санадҳои меъёрии ҳуқуқӣ нақш намебозанд. Тайи солҳои охир порлумони кишвар бо иштироки бевоситаи Федератсияи иттифоқҳои касабаи мустақили Тоҷикистон, кумитаҳои иттифоқҳои касабаи ҷумҳуриявии соҳавӣ ва Шӯрои иттифоқҳои касабаи вилоятӣ, якчанд санад, аз ҷумла қонунҳои Ҷумҳурии Тоҷикистон «Дар бораи иттифоқҳои касаба», «Дар бораи суғуртаи давлатии иҷтимоӣ», «Дар бораи шарикии иҷтимоӣ, созишномаҳо ва шартномаҳои коллективӣ», «Дар бораи ҳифзи меҳнат дар Ҷумҳурии Тоҷикистон»-ро қабул кард. Инчунин, ба кодексҳои меҳнат, манзил ва дигар санадҳои амалкунанда тағйиру иловаҳо ворид гардиданд.
Федератсия, кумитаҳои ҷумҳуриявии иттифоқҳои касабаи соҳавӣ, шӯроҳои иттифоқҳои касабаи вилоятӣ тибқи талаботи Конститутсия ва дигар қонунҳо якҷо бо ташкилотҳои ҳифзи ҳуқуқ, корфармоён масъалаи сари вақт пардохт намудани қарзи музди меҳнат ва аз байн бурдани онро зери назорат қарор доданд. Дар анҷуману раёсатҳои федератсия ва иттифоқҳои касабаи соҳа, маҷлисҳои ташкилотҳои ибтидоии иттифоқҳои касабаи корхонаю муассисаҳо масъалаи дар муҳлати муайяншуда пардохт намудани музди меҳнат ва қарзҳои музди меҳнат мавриди баррасӣ қарор гирифта, корфармоён вазифадор шуданд, ки ба ин масъалаи муҳими сиёсию иҷтимоӣ таваҷҷуҳи хос зоҳир намоянд. Танҳо дар ду соли охир, бо дахолати нозирони ҳуқуқи меҳнат ва дигар мутахассисони иттифоқҳои касаба якҷо бо мақомоти ҳифзи ҳуқуқ наздик ба 7 миллион сомонӣ қарзи музди меҳнат баргардонда шудааст.
Бо вуҷуди тадбирҳои андешидашуда, ин масъалаи муҳим ҳанӯз ҳалли пурраи худро наёфтааст. Қарздории музди меҳнат дар соҳаҳои барқ, кишоварзӣ, сохтмон ва дигар соҳаҳои хоҷагии халқ ҳоло ҳам ҷой доранд. Ба андешаи мо, барои бартараф намудани қарздорӣ аз музди меҳнат бояд бо иштироки Прокуратураи генералӣ, Вазорати меҳнат, муҳоҷират ва шуғли аҳолӣ, дигар ниҳодҳои дахлдор ва Федератсияи иттифоқҳои касабаи мустақили Тоҷикистон комиссияи босалоҳият ташкил намуда, тадбирҳои муассир андешида шаванд.
Фаъолияти бахши ҳифзи иҷтимоии мардум барои амалӣ гардондани санадҳои меъёрии ҳуқуқӣ нигаронда шудааст. Ҳар сол бо роҳхатҳои иттифоқҳои касабаи ҷумҳурӣ ҳазорҳо маъюб, иштирокчии Ҷанги Бузурги Ватанӣ ва кормандони корхонаю муассисаҳо дар санатория ва осоишгоҳҳои ҷумҳурӣ истироҳат намуда, саломатиашонро барқарор менамоянд. Бо вуҷуди ин, талаботи мардум бо сабаби нарасидани маблағ пурра қонеъ гардонда намешавад. Мутобиқи қарорҳои Ҳукумати Ҷумҳурии Тоҷикистон ташкили истироҳати тобистонаи кӯдакону наврасон ба зиммаи федератсия вогузор шудааст. Танҳо дар ду соли охир қариб 700 ҳазор нафар фарзандони аҳли меҳнат ба истироҳату солимгардонӣ фаро гирифта шудаанд. Дар мавсими тобистонаи соли 2014 дар ҷумҳурӣ 4116 адад лагеру мавзеъҳои истироҳатии мактаббачагон фаъолият намуданд.
Кормандони иттифоқҳои касабаи ҷумҳурӣ ба масъалаи муроҷиати шаҳрвандон таваҷҷуҳи хос зоҳир менамоянд. Дар ду соли охир кормандони дастгоҳи федератсия зиёда аз 5 ҳазор шаҳрвандро қабул намуда, 400 аризаи хаттиро баррасӣ ва ба онҳо ҷавобҳои ҳуқуқӣ гардонданд. Тасмим гирифтаем, ки бо тарҳрезии барномаҳои мушаххас ҷашни миллӣ-20-солагии Конститутсияи (Сарқонуни) Ҷумҳурии Тоҷикистонро сазовор пешвоз гирем.

Муродалӣ СОЛЕҲ,
раиси Федератсияи иттифоқҳои касабаи мустақили Тоҷикистон


Баёни ақида (0)    Санаи нашр: 6.11.2014    №: 216 - 217    Мутолиа карданд: 785

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон

04.01.2019


Парвози чартерӣ дар масири Душанбе - Шарм-уш-шайх

ҶАҲОН ДАР ЯК САТР

Ҳалокати зани тоҷик ва се фарзандаш дар Магнитогорск

Ваколати нави намояндаи Тоҷикистон дар СҲШ

Аз Сурия баромадани артиши амрикоӣ оғоз ёфт

Зонди чинии "Чанъэ-4" дар Моҳ


Дар сомонаҳои дигари Тоҷикистон хонед