logo

ҳуқуқ

ХУДШИНОСУ ХУДОГОҲ БОШЕМ

Дар давоми бист соли амали Сарқонун ҳар як сокини мамлакат аҳамияти сиёсиву ҳуқуқии ин санади таърихиро беш аз ҳарвақта дарк намуд. Мо - тоҷику тоҷикистониҳо бо чашми сар дидем, ки дар заминаи ин ҳуҷҷати муқаддас барои ташаккули озодонаи ҳар фард шароити мусоид фароҳам оварда шуд, кишвари соҳибистиқлоламон дар самти эъмори давлати демокративу ҳуқуқбунёд ва ташаккули ҷомеаи адолатпарвар ба дастовардҳои назаррас ноил гашт.

Кормандони Коллеҷи тиббии шаҳри Ваҳдат аз ёд набурдаанд, ки Конститутсияи давлати соҳибистиқлоли Тоҷикистон дар вазъияти ниҳоят мураккабу ноороми кишвар ва фишору зӯроварии гурӯҳҳои манфиатҷӯ таҳия ва қабул гардида буд. Ин нукта дар суханронии Президенти Ҷумҳурии Тоҷикистон, муҳтарам Эмомалӣ Раҳмон дар маҷлиси тантанавӣ бахшида ба 20-умин солгарди Конститутсияи (Сарқонуни) Ҷумҳурии Тоҷикистон бори дигар таъкид шуд. Сарвари давлат иброз доштанд, ки вазъияти ниҳоят ҳассосу печида ва зудтағйирёбандаи онвақтаи арсаи олам низ дар баробари вазъияти ноорому таҳдидангези сиёсиву иҷтимоӣ ва иқтисодии дохили кишвар ба мазмуну мундариҷаи таҳаввулоти ҳаёти иҷтимоиву сиёсии мардуми мо ва умуман ҳастии давлати навини тоҷикон таъсири амиқ ва торафт афзоянда дошт ва дар назди давлату ҷомеа вазифаи басо муҳим ва ҳамзамон бо ин, масъулияти ниҳоят ҷиддиро гузошта буд. «Бинобар ин, бе қабули Конститутсияи нав ва дар асоси он муайян намудани сиёсати ҳуқуқии кишвар ва барқарор намудани сохторҳои фалаҷшудаи ҳокимияти давлатӣ пешравии ҷомеаро таъмин кардан, муайян намудани сиёсати мутавозини дохиливу хориҷӣ ва ҳимояи манфиатҳои сиёсиву иқтисодии кишвар ғайриимкон буда, давлат ва ҷомеаи мо дар ҳар қадам ба душвориҳои сиёсиву иқтисодӣ ва иҷтимоиву маънавӣ рӯ ба рӯ мегардид».  Ин воқеият аст. Аз ин рӯ, ҳар як сокини кишвар бояд ба қадри Сарқонун, ки онро Сарвари давлат зимни суханронӣ дастоварди бузурги миллӣ маънидод карданд, бирасад ва ба он арҷ гузорад.
Мо, омӯзгорону табибони Коллеҷи тиббии шаҳри Ваҳдат, суханронии Президенти муҳтарами кишвар Эмомалӣ Раҳмонро, ки тавассути ҳамаи шабакаҳои Телевизиони Тоҷи-кистон намоиш дода шуд, бодиққат гӯш кардем. Сарвари давлат ба таърихи қабули ин санади олии ҳуқуқӣ назар андохта, зикр сохтанд: «Ёдовар шудан аз дастовардҳо ба мардуми кишвар ва хусусан ҷавонон имконият медиҳад, ки аҳамияти таърихӣ ва сиёсиву ҳуқуқии Конститутсияро амиқан дарк намоянд». Ин таъкиди Президент  ҳар як фарди бонангу номус ва ватандӯсту меҳанпарасти кишварро муваззаф месозад, ки ба қадру қимати сулҳу суботи комил ҳамчун арзишҳои муқаддастарин бирасанд ва нагузоранд, ки андешаву ғояҳои ифротиву бегона вориди мафкураи ҷомеаи мо гашта, ваҳдати миллиамонро халалдор созанд. Омӯзгорону табибони коллеҷи тиббӣ дар ин самт корҳои муайянро анҷом додаанд.  Мо пайваста кӯшиш менамоем, то ҷавонон  ба доми фиреби бадхоҳони миллат, ки дастовардҳои дар як муддати кӯтоҳи таърихӣ бадастомада, нақши Конститутсия дар таъмини суботи сиёсиву иҷтимоии мамлакат ва фаъолияти созандаю бунёдкоронаи давлату миллатро нодида мегиранд, наафтанд. 
Ба гуфтаи Президенти мамлакат, мо бояд ҳаргиз фаромӯш накунем ва ба ҷавонони имрӯза низ талқин намоем, ки аз оғози солҳои 90-ум халқи Тоҷикистон бо сабаби  поймол гардидани меъёрҳои ҳуқуқӣ, хусусан меъёрҳои конститутсионӣ оқибатҳои даҳшатноку фоҷиабори мухолифати мусаллаҳона ва ҷанги таҳмилии шаҳрвандиро бо чашми худ дид ва ин моҷаро давлати моро қариб ба вартаи нобудшавӣ оварда расонд. Бинобар ин, мо вазифадорем, ки наврасону ҷавононро дар рӯҳияи худшиносиву худогоҳӣ, ватандӯстиву меҳанпарастӣ, эҳтироми муқаддасоти миллӣ, риояи меъёрҳои Конститутсия ва дигар санадҳои меъёрии ҳуқуқӣ тарбия намоем.
 
Маҳмад МУРОДОВ,
 директори Коллеҷи тиббии шаҳри Ваҳдат


Баёни ақида (0)    Санаи нашр: 8.11.2014    №: 218    Мутолиа карданд: 643

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед