logo

ҳуқуқ

ЧУ МЕБИНӢ, КИ НОБИНОВУ ЧОҲ АСТ…

Асрор Дадаҷонов, сардори шуъбаи дуюми Вазорати корҳои дохилӣ дар ноҳияи Синои шаҳри Душанбе, иброз дошт, ки ҳудуди минтақа аз ҷиҳати шумора ва зичии аҳолӣ баъди ноҳияи Шоҳмансур дар  шаҳр ҷои дуюмро мегирад.

Фақат теъдоди биноҳои баландошёна ба 685 мерасад. Дар ҳудуди ноҳия 23 мактаби таҳсилоти миёнаи умумӣ фаъолият мекунад. Ҳар мактаб дар зери назорати кормандони Хадамоти бақайдгирии ҳуқуқвайронкунӣ ва ҷинояткорӣ байни ноболиғон ва наврасон аст. Ҳудуди ноҳия барои таъмини бехатарӣ, суботу осудагии сокинон ва пешгирии ҷинояткорӣ ба чор минтақаи хидматрасонии маъмурӣ тақсим шудааст. Ҳамчунин як шуъбачаи шаҳрии милитсия дар маҳаллаи Ободкорон (собиқ Авул) фаъолият дорад. Бинои он дар арафаи ҷашни Наврӯз бо иштироки Раҳимзода Рамазон Ҳамроҳ, вазири корҳои дохилии ҷумҳурӣ, Зафар Сафаров, раиси ноҳияи Сино ва дигар намояндагони мақомоти иҷроияи маҳаллии ҳокимияти давлатии шаҳри Душанбе ва ноҳия ифтитоҳ ёфт.
Асрор Дадаҷонов зикр кард, ки ин рӯйдоди муҳим аз Фармони Президенти Ҷумҳурии Тоҷикистон таҳти рақами 1291, аз 30 июни соли 2012, «Дар бораи баланд бардоштани нақши нозирони минтақа дар таъмини тартиботи ҷамъиятӣ ва тавсеаи ҳамкории онҳо бо аҳолӣ» бармеояд. Бо фармони вазири корҳои дохилӣ ба ҳар як минтақа сардор таъйин гардида, зинаи вазифавии онҳо баланд бардошта шудааст. Ин барои ҳавасмандӣ ва пешрафти кор таъсири мусбат мерасонад.
Ба гуфтаи Асрор Дадаҷонов, дар нуҳ моҳи соли ҷорӣ дар ноҳия 431 ҷиноят содир шуда, аз он 394 адад ба суд ирсол гардид. Ифшои ҷиноятҳо ба 94,5 дарсад мерасад, ки назар ба соли гузашта 1,5 дарсад баланд аст.
Аз аввали сол то имрӯз дар ноҳия 150 ҷинояти вазнин рух дода, 144 ададаш кушода шудааст. Моҳи июни соли равон аз тарафи модар ба тарзи ваҳшиёна ба қатл расондани духтарчаи шашсола тамоми кормандон ва ҷомеаро мутаассир кард. Он ба таври фаврӣ кушода шуд, ки дар ин бора дар тамоми сомона ва рӯзномаҳо навишта буданд.
Дар ин муддат аз тарафи кормандони шуъба 3 гурӯҳи муташаккили ҷиноӣ ошкор гардид, ки аз тарафи онҳо 11 ҷинояти гуногун, аз қабили дуздӣ, ғоратгарӣ, фурӯши маводи мухаддир содир шудааст.
Бояд зикр кард, ки ҳанӯз 30 майи соли равон қабл аз занги охирин дар ҳудуди ноҳия задухӯрди гурӯҳии мактаббачаҳо рух дод. Дар натиҷа хонандаи синфи 11-и мактаби рақами 66 Бурҳониддин аз зарби корд ба ҳалокат расид.  Баҳси байни онҳо дар сомонаи «Одноклассники» пайдо шуда, ба задухӯрд дар байни биноҳои паси муҷассамаи Абуалӣ ибни Сино оварда расонд.
Мавсуф бо таассуф иброз дошт, ки аксари шаҳрвандон ба чунин воқеаҳо бетарафӣ ва бетафовутӣ зоҳир мекунанд. Дар ҷойҳои ҷамъиятӣ,  нақлиётӣ, ҳатто дар мактаб наврасону ҷавонон ҳамдигарро дашном медиҳанд ва суханҳои қабеҳ ва бешармона мегӯянд. Дар чунин мавридҳо аксари калонсолон хомӯшанд ва худро бетараф мегиранд. Онҳоро насиҳат намекунанд. Бояд тамоми ҷомеа ба чунин гуфтору рафтори беодобонаи фарзандон бетараф набошад. Шоир бамаврид гуфтааст:
Чу мебинӣ, ки нобинову чоҳ аст,
Агар хомӯш биншинӣ гуноҳ аст.

Ҳоло замона тақозо менамояд, ки ҳар як аъзои ҷомеа босаводу бофарҳанг, ватандӯст, худшиносу нексиришт ба камол расад. Дар ин масъала нақши падару модар ва омӯзгор асосӣ ва ҳалкунанда аст. Аз ин ҷост, ки қабули Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», дорои аҳамияти муҳим мебошад.
Сарвари давлат ҳанӯз моҳи майи соли 2011 дар вохӯрӣ бахшида ба муҳокимаи лоиҳаи қонуни мазкур гуфта буданд, ки Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ба наслҳои имрӯзу ояндаи кишвар нигаронда шудааст. Зеро масъулият барои сарнавишти Ватан ва ояндаи миллат дар навбати аввал маҳз ба уҳдаи насли ҷавон хоҳад гузашт. Биноан вазифаи муқаддаси мо ба камол расондани насли ҳаматарафа солим, соҳибмаълумот, неруманд ва миллатдӯсту меҳанпараст мебошад,- иброз дошт Асрор Дадаҷонов.

Мунаввари САФАР,
«Ҷумҳурият»


Баёни ақида (0)    Санаи нашр: 11.11.2014    №: 219    Мутолиа карданд: 745

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед