logo

ҳуқуқ

КОНСТИТУТСИЯ - ШИНОСНОМАИ МИЛЛАТ

Аз Қабули Конститутсияи (Сарқонуни) Ҷумҳурии Тоҷикистон бист сол гузашт. Дар ин муддат ин санади олии ҳуқуқӣ дар бунёди давлатдории навини тоҷикон, пайвастани он бо ҷомеаи ҷаҳонӣ, ҳифзи манфиатҳои милливу давлатӣ, таъмини сулҳу субот, ваҳдати миллӣ ва ҳимояи ҳуқуқу озодиҳои инсон ва шаҳрванд нақши муассир бозид. 
Сарқонуни кишвар инсон, ҳуқуқ ва озодиҳои онро арзиши олӣ эътироф намуд. Акнун касе, мақомоте ва ё санади меъёрии ҳуқуқие ба хотири ягон манфиат наметавонад ҳуқуқу озодиҳои инсонро маҳдуд ё поймол намояд, зеро Қонуни асосии кишвар инсонро дар маркази арзишҳо қарор додааст. Мутаассифона, баъзе  ҳамватанони мо, бинобар паст будани сатҳи маърифати ҳуқуқиашон, ин меъёри Конститутсияро  дарк накарда ва ё дарк кардан нахоста,  ба амалҳои номатлуб даст мезананд, ҳаёти худу атрофиёнро зери хатар мегузоранд, ба гурӯҳу ҳаракатҳои ғайриқонунии тундгаро мепайванданд. Мо имрӯз шоҳиди ҳол ҳастем, ки дар баъзе кишварҳои ҷаҳон бо сабаби  сарфи назар шудани меъёрҳои Қонуни асосӣ давлату ҷомеа ба хатарҳои вазнин ва мушкилоти сангин рӯ ба рӯ гашта, гирифтори ихтилофҳои мафкуравию мазҳабӣ ва бархӯрди манфиатҳои сиёсиву иқтисодӣ гардида, ҳатто хатари парокандагӣ ва тақсимшавии давлатҳоро ба миён овардааст. Чунин вазъият дар солҳои аввали соҳибистиқлолии кишвари мо низ ҷой дошт. Шукрона мекунем, ки таҳти роҳбарии хирадмандонаи Сарвари давлат, муҳтарам Эмомалӣ Раҳмон тоҷикон ба ҳам омаданд, дар кишвар сулҳу салоҳ пойдор гашт, ҷомеаи ҷаҳонӣ кишвари моро ҳамчун давлати демократӣ, ҳуқуқбунёд, дунявӣ ва ягона эътироф кард. 
Президенти мамлакат зимни суханронӣ дар маҷлиси тантанавӣ бахшида ба таҷлили 20 - умин солгарди Конститутсияи (Сарқонуни) Ҷумҳурии Тоҷикистон ба ин нукта ишора намуда, гуфтанд: «Мо бояд ҳаргиз фаромӯш накунем ва ба ҷавонони имрӯза низ талқин намоем, ки аз оғози солҳои 90 - ум халқи Тоҷикистон бо сабаби поймол гардидани меъёрҳои ҳуқуқӣ, хусусан меъёрҳои конститутсионӣ оқибатҳои даҳшатноку фоҷиабори мухолифати мусаллаҳона ва ҷанги таҳмилии шаҳрвандиро бо чашми худ дид ва ин моҷаро давлати моро қариб ба вартаи нобудшавӣ оварда расонд». Ин суханони сарвари дурандеш ва сулҳофарамон ҳар як фарди солимфикру ватандӯстро водор месозанд, ки танҳо дар чорчӯбаи Конститутсия  ва қонун зиндагӣ карда, барои амалишавии ҳадафҳои стратегии давлат пайваста талош ва наврасону ҷавононро дар рӯҳияи худшиносиву худогоҳӣ, эҳтирому риояи қонун тарбия намояд. 
Бояд гуфт, ки эҳтиром, риояи меъёрҳои Конститутсия, қонунҳо ва дигар санадҳои меъёрии ҳуқуқӣ ҳам аз шахсони мансабдор ва ҳам аз шаҳрвандон дониши баланди касбӣ ва маърифати ҳуқуқиро талаб мекунад. Бо ин мақсад ҳанӯз соли 1997 Фармони Президенти Ҷумҳурии Тоҷикистон  Эмомалӣ Раҳмон, сипас Барномаи давлатӣ дар бораи тарбияи ҳуқуқии шаҳрвандон ба тасвиб расида буданд. Соли 2009 бошад, ҷиҳати такмили низоми таълиму тарбияи ҳуқуқӣ барномаи нави Ҳукумат қабул гардид, ки он дар баланд бардоштани маърифати ҳуқуқии шаҳрвандон мусоидат намуд. 
Дар ин самт ниҳодҳои дахлдор бояд барномаи вижаи амал дошта бошанд ва мо бо заҳмати содиқонаву софдилона ояндаи дурахшони Ватани азизамон - Тоҷикистонро таъмин созем. Гузашта аз ин, ба арзишу меъёрҳои Конститутсия, ки Тоҷикистонро ба ҷомеаи мутамаддини ҷаҳонӣ пайвастанд, арҷ гузошта, дар асоси ин шиносномаи миллат дар роҳи расидан ба ҳадафҳои созандаамон саъю талош намоем.
 
Замира БЕРДИҚОЛОВА,
 ассистенти кафедраи фалсафа 
ва сиёсатшиносии Донишгоҳи аграрии Тоҷикистон ба номи 
Шириншо Шоҳтемур


Баёни ақида (0)    Санаи нашр: 21.11.2014    №: 227    Мутолиа карданд: 702

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ


Дар сомонаҳои дигари Тоҷикистон хонед