logo

энергетика

ИНТИХОБИ ОҚИЛОНАИ САРЧАШМАҲОИ ЭНЕРГЕТИКӢ

Дар Маҷмааи «Кохи Борбад» баргузории як намоиш тайи 2 рӯз соҳибкорон ва ташкилотҳои қарзиро баҳри мусоидат намудан дар сарфаи қувваи барқ, ҳифзи муҳити зист ва паст намудани сатҳи камбизоатии аҳолии мамлакат ба ҳам овард. Созмонҳои қарзии «Имонинтернешнл», «Арванд», «Оксус» ва ҶСШК «Системавтоматика», ҶСШК «ТАЛКО», ширкатҳои саҳомии «Энергоремонт», «Помир Энерҷӣ», ҷамъияти масъулияташ маҳдуди «Инфраэкопроект», аз иштирокдорони фаъоли намоишгоҳ буданд.
Меҳринамоҳ Ҷонмамадова, муовини вазири молияи кишвар, дар ҳусни ифтитоҳи он зикр намуд, ки ин чорабинӣ бо дастгирии Бонки осиёии рушд ва Фонди ҷопонӣ оид ба паст намудани сатҳи камбизоатӣ дар якҷоягӣ бо Вазорати молия доир мегардад. Мақсади мо самаранокӣ ва интихоби оқилонаи сарчашмаҳои имконпазири энергетикӣ аст. Инчунин барои дастрасӣ ба таҷҳизоти барқӣ ба корхонаҳои хурд ва шаҳрвандон дар гирифтани қарзҳо мадад мерасонем.
Аҳлиддин Убайдуллоев, директори лоиҳаи дастрасӣ ба маблағгузории сабз, дар ҷамъи хабарнигорон гуфт, ки мехоҳем ба аҳолӣ барои сарфаи қувваи барқ ва хароҷоти хонаводагӣ, инчунин баҳри ҳифзи муҳити зист, аз чӣ гуна таҷҳизот истифода бурданро нишон диҳем. Воситаҳои оқилонаи қувваи сабз бештар барои мардуми дурдасти кишвар нигаронда шудааст. Чунки имкон дорад дар ҳоли надоштани қувваи барқ аз он истифода кунанд. Дар баробари воситаҳои гармидиҳӣ ва пухту паз, аз бомпӯшҳои сарфакунандаи энергия, тирезаҳои дорои шишаҳои дуқабата, дарҳои изолятсияшуда ва фаршу сақфҳои нигоҳдорандаи гармиро метавонанд истифода кунанд. Вазорати молия бо дастгирии Бонки осиёии рушд Фонди маблағгузории сабзро ташкил намудааст. Бо ин мақсад 8,8 миллион доллар қарзи бебозгашт ҷудо шудааст. Чорабинии мазкур дар ҷумҳурӣ бори нахустин аст. Минбаъд ҳар сол чунин намоишҳо доир менамоем. Дар назар аст, ки соли дигар ин маросимро дар шаҳри Хуҷанд баргузор кунем. Дар намоишгоҳ 45 ширкати ватанию хориҷӣ иштирок карданд.
Эҳсон Мирзоев, ходими илмии Пажӯҳишгоҳи физика ва техникаи Академияи илмҳои ҷумҳурӣ, зимни чорабинии мазкур изҳор намуд, ки ҳоло пажӯҳишгоҳи онҳо барои ба аҳолӣ генераторҳои обию бодиро пешкаш намудан омодааст. Онҳо дар шароити кӯҳистон, ки дорои рӯду дарёчаҳои зиёд ва суръати шамоли мусоид аст, хеле самарабахш мебошанд.
 Дар рафти ин рӯнамоӣ Ширкати саҳомии «Системавтоматика» низ батареяҳои баландсифати офтобиро ба маърази намоиш гузошт, ки метавонанд аз нури офтоб барқ тавлид намоянд. Ҳамчунин аз неруи захирашудаи ин батареяҳо дар ҳолатҳои бебарқӣ истифода бурдан мумкин аст.

Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 28.11.2014    №: 232    Мутолиа карданд: 12194

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ


Дар сомонаҳои дигари Тоҷикистон хонед