logo

порлумон

ҲАЙАТИ КМИР ТАСДИҚ ШУД

Дар ҷаласаи навбатии Маҷлиси намояндагони Маҷлиси Олӣ, ки таҳти раёсати Шукурҷон Зуҳуров, Раиси Маҷлиси намояндагон, гузашт, лоиҳаи Қарори Маҷлиси  намояндагони Маҷлиси  Олии Ҷумҳурии Тоҷикистон «Оид ба пешниҳоди Президенти Ҷумҳурии Тоҷикистон «Дар бораи интихоб намудани раис, муовини раис ва аъзои Комиссияи марказии интихобот  ва раъйпурсии Ҷумҳурии Тоҷикистон» баррасӣ шуд.
Ҷумъа Давлатов, ёрдамчии Президенти Ҷумҳурии Тоҷикистон оид ба сиёсати ҳуқуқӣ, намояндаи ваколатдори Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олӣ, зимни баррасӣ матни пешниҳоди Президенти Ҷумҳурии Тоҷикистонро аз 6 декабри соли 2014 қироат кард. Мутобиқи он Шермуҳаммад Шоҳиён, Раиси Комиссияи марказии интихобот ва раъйпурсии Ҷумҳурии Тоҷикистон, муовини раиси комиссия Зокиров Саидбой, раиси Федератсияи иттифоқҳои касабаи вилояти Суғд, аъзои комиссия: Вера Наимова, дотсенти кафедраи маданиятшиносӣ, педагогика ва равоншиносии Донишгоҳи славянии Россияву Тоҷикистон, Муистон Азизова, директори муассисаи таҳсилоти миёнаи умумии № 98 шаҳри Турсунзода, Изатулло Алиев, директори дирексияи муассисаи давлатии фарҳангию фароғатии «Пойтахт - 80» шаҳри Душанбе, Олима Ёрматова, директори муассисаи таҳсилоти миёнаи умумии № 38 - и ноҳияи Синои шаҳри Душанбе, Акбаралӣ Сатторов, раиси Иттифоқи журналистони Тоҷикистон, Нуралӣ Саидов, котиби ҳамоҳангсози Шӯрои ҷамъиятии Ҷумҳурии Тоҷикистон, Зиё Раҳмон, муовини директори Маркази ҷумҳуриявии ташаккули тарзи ҳаёти солими Вазорати тандурустӣ ва ҳифзи иҷтимоии аҳолӣ, Ҷамолиддин Маҳмудов, мушовири раиси Ҳизби Наҳзати Исломии Тоҷикистон, Маҳмадёр Раҷабов, мудири кафедраи ҳуқуқи байналмилалии факултети ҳуқуқшиносии Донишгоҳи миллии Тоҷикистон, Юсуфбек Шодмонбеков, мушовири ректор оид ба масъалаҳои ҳуқуқии Донишгоҳи давлатии Хоруғ ба номи М. Назаршоев, Ҷамшед Ҷамшедов, котиби илмии Институти фалсафа, сиёсатшиносӣ ва ҳуқуқи ба номи академик  Баҳоваддинови Академияи илмҳои Ҷумҳурии Тоҷикистон, Муҳаммадборон Зоиров, сардори шуъбаи корхонаи воҳиди давлатии нархгузории Кумитаи давлатии сармоягузорӣ ва идораи амволи давлатии Ҷумҳурии Тоҷикистон, Муҳаббат Файзова, раиси Ҷамоати деҳоти Обикиики ноҳияи Хуросони вилояти Хатлон пешниҳод гардиданд.
Шермуҳаммад Шоҳиён миннатдории комиссияро ба вакилон барои такмили қонунгузории интихобот баён кард ва иброз дошт, ки мо имконият дорем, интихоботи дар ҳақиқат озоду шаффоф ва демократиро дар ҷомеа баргузор кунем. Назар ба гуфтаи мавсуф, дар Комиссияи марказии интихобот ва раъйпурсӣ нақшаи тақвимии чорабиниҳои асосӣ доир ба тайёрӣ ва баргузории интихобот, ҳавзаҳои якмандатии интихобот дар ҳудуди кишвар бо нишон додани шумораи интихобкунандагон ва макони ҷойгиршавии ҳавзаҳои интихоботӣ тасдиқ гардид.
Шамсиддинзода Саидмуҳаммад, директори генералии Ҷамъияти саҳомии кушодаи «Тоҷиктрансгаз», зимни баррасии Созишнома дар бораи принсипҳои асосии ҳамкории байни Ҳукумати Ҷумҳурии Тоҷикистон ва Ширкати муштараки «Trans-Tajik Gas Pipeline Company Ltd» гуфт, ки он дар доираи созишномаи байниҳукуматии Тоҷикистон ва Ҷумҳурии Халқии Хитой 13 сентябри соли 2013 дар шаҳри Бишкек ба имзо расонда шуд.
Назар ба гуфтаи мавсуф, хати сохташавандаи гази Осиёи Миёна – Хитой аз Туркманистон сарчашма гирифта, тавассути қаламрави Ӯзбекистон 200 километр, Тоҷикистон 391 километр Қирғизистон 210 километр ба Хитой ворид мешавад. Он назар ба дигар хатҳое, ки аз тариқи Ӯзбекистон ва Қазоқистон убур мекунанд, ҳазор километр кӯтоҳ аст. Барои бунёди хати мазкур дар қаламрави Тоҷикистон сохтмони 45 туннел бо тӯли 75 километр ва 24 убури зериобӣ ба нақша гирифта шудааст.
Қутри лӯлаи газгузар 1219 миллиметр буда, диаметри туннелҳои пармашаванда 4,5 ба 4,5 метр мебошад.
Ба гуфтаи мавсуф, ҳисобҳои пешакӣ нишон медиҳанд, ки даромади умумии корхонаи муштарак дар муддати 32 соли фаъолият 15 миллиард долларро ташкил дода, ба буҷети ҷумҳурӣ 1248 миллион доллар андози ягона ва ба саҳми Тоҷикистон 2,5 млрд. доллар суди саҳмияҳо пардохт мегардад. Аз рӯи нақша корҳои сохтмонии моҳи апрели соли 2015 оғоз мегарданд.
 

Мунаввари САФАР,
«Ҷумҳурият»


Баёни ақида (0)    Санаи нашр: 11.12.14    №: 243    Мутолиа карданд: 844

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед