logo

маориф

НАТИҶАИ ҚОНУН НАЗАРРАС АСТ

Салима СӮҲРОБОВА,
директори муассисаи
таҳсилоти миёнаи умумии рақами 51-и
ноҳияи Фирдавсии шаҳри Душанбе

Муддати чор сол  Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» амал мекунад. Дар қонуни мазкур калимаи калидӣ  «масъулият» мебошад ва ин беасос нест. Масъулияти падару модар ду ҷабҳа дорад. Аввалан, падару модар уҳдадории худро нисбат ба таълиму тарбияи фарзанд иҷро менамоянд. Сониян, вақте ки волидон аз уҳдаи иҷрои уҳдадориҳои худ дар таълиму тарбияи фарзандон саркашӣ мекунанд, дар натиҷа рафтори фарзандони онҳо боиси вайрон кардани ҳуқуқи дигарон мегарданд, ки дар чунин ҳолат иҷрои уҳдадориҳои онҳо таҳти маҷбурияти давлатӣ амалӣ карда мешавад ва ҷавобгарии ҳуқуқӣ ба миён меояд. 
Мақсади асосии пурзӯр намудани масъулияти падару модар дар қонуни мазкур аз он иборат аст, ки таълиму тарбияи фарзанд дар рӯҳияи инсондӯстӣ, ифтихори ватандорӣ ва эҳтироми арзишҳои миллӣ, умумибашариву фарҳангӣ бояд сурат гирад.
Аз оғози баровардани ин қонун то имрӯз  дар муассисаҳои таҳсилоти миёнаи уму-мӣ, аз ҷумла дар муассисаи таҳсилоти миёнаи умумии рақами 51 - и ноҳияи Фирдавсии шаҳри Душанбе натиҷаҳои назаррас ба чашм мерасанд. Қабули қонуни мазкур ба иштироки хонандагон дар дарсҳо, либоси ягонаи мактабӣ ва сифати дониши онҳо таъсири ниҳоят мусбат расонд. Натиҷаи заҳмати муташаккилонаи омӯзгорон ва волидони хонандагони муассисаи мазкур буд, ки соли равон ҳаштод фисади хатмкунандагон ба донишкадаю донишгоҳҳои ҷумҳурӣ ва берун аз он дохил гардиданд. Ғолиби озмунҳо гардидани хонандагон низ аз иҷро гардидани уҳдадориҳои падару модар дар тарбияи фарзанд дарак медиҳад.
Мутаассифона, аксари волидон ба техникаи муосир (компютер) рӯ оварда, аз китобҳо истифода намекунанд ва нақши онро дар таълиму тарбияи фарзандон ночиз меҳисобанд. Баръакс, теъдоди муайяни онҳо ба харидани компютер, телефонҳои мобилию марказҳои мусиқӣ, диску дискетҳо маблағҳои калон сарф мекунанд, вале ба харидани китоб ва пешрафти фарзандонашон дар таҳсил қариб аҳамият намедиҳанд. Дар чунин вазъ кӯдакон ва наврасон аз имконияти хониш маҳрум мегарданд ва зери тасарруфи компютеру интернет беназорат монда, аз забон ва намоишҳои ифлосу ваҳшиёнаи онҳо мунтазам «баҳра»  мегиранд ва дар охир ба қатори хонандагони бетарбияву қафомонда ворид мегарданд.
Албатта, комёбӣ дар масъалаҳои  либоспӯшиву иштирок дар дарсҳо низ ба назар кори андак намояд ҳам, маъмурияти муассиса ва омӯзгорон ба он ба осонӣ даст наёфтанд. Дахолати бевоситаи падару модарон ба ин масъала чун обу ҳаво зарур буд. Вале бояд иқрор шуд, ки то баромадани ин қонун падару модар ба масъалаи таълиму тарбияи фарзанд сатҳӣ менигаристанд. Бо баромадани қонуни мазкур маъмурияти мактаб  аввал кӯшиш намуд, ки моҳияти асосии қонунро барои волидайн фаҳмонад. Ба ин кор ҳатто кормандони ҳифзи ҳуқуқ, аз ҷумла нозири минтақавӣ низ ҷалб карда шуданд. Роҳбарони синфҳо дар маҷлисҳои кумитаи падару модарон оид ба қонуни мазкур сухан ронда, онҳоро огоҳ мекарданд, ки дар сурати аз таълиму тарбия дур мондани фарзандон ба ҷавобгарӣ кашида мешаванд. Чунин бархӯрдҳо бо масъалаҳои фавқ боиси он гардид, ки низоъҳои аблаҳонаи  байнисинфӣ ва байнимактабӣ низ аз байн равад. 
Бояд қайд кард, ки дар муассиса шанбеи ҳар ҳафта рӯзи қабули волидон аст. Дар ин рӯз  директори муассиса, ҷонишинон оид ба  таълиму тарбия ва роҳбарони синф ба волидайн  оид ба таълиму тарбияи фарзанд  маслиҳатҳои муфид дода, ёриҳои педагогӣ, психологӣ ва методӣ мерасонанд. Чунин комёбиҳо бозгӯйи онанд, ки Қонун «Дар бораи масъулияти падару модар дар таълиму тарбияи фарзанд» дар муддати кӯтоҳе ба раванди таълиму тарбияи насли наврас таъсири мусбат расонда дар ояндаи наздик риояи он ба анъанаи нек табдил меёбад.


Баёни ақида (0)    Санаи нашр: 17.12.14    №: 247    Мутолиа карданд: 934

29.01.2020


Вазорати кишоварзӣ. Истеҳсоли моҳӣ 83 дарсад афзуд

273 корманди муҳандисию техникӣ аз санҷиш нагузашт

28.01.2020


Иқтидори энергетикии кишвар рӯ ба афзоиш дорад

Азнавбақайдгирӣ. Ҷараёни иҷро нигаронкунанда боқӣ мемонад

Тоҷикистону Эрон. Ҳамкориҳои гумрукӣ таҳким меёбанд

Ноҳияи Рӯдакӣ. Саноатикунонӣ дар мадди аввал

СММ ИМА ва Россияро ба тамдиди созишномаи ССҲ-3 даъват намуд

Аксарияти нафароне, ки мубталои коронавирус шуданд, аз 60 - сола боло мебошанд

Дар Қазоқистон бо офияти занҳое машғул мешаванд, ки аз Сурия баргаштанд

Ҳамлаи малах ба Африқои Ҷанубӣ боиси нигаронии сахти СММ шуд

Ҷаҳон дар як сатр

27.01.2020


«ҶОМИ РУШД - 2020». Наврасони тоҷик соҳиби медалҳои нуқра гаштанд

Заминларзаи сахт дар Туркия ва ҳалокати 38 нафар

Зеленский аҳамияти музокироти бевосита бо Путинро таъкид дошт

Гуфтушуниди Лукашенко дар бораи хариди нафт бо ИМА, АМА ва Арабистони Саудӣ

Дар ИМА музокироти тиҷоратӣ бо Британияро дар як сол анҷом доданианд

Ҷаҳон дар як сатр

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона


Дар сомонаҳои дигари Тоҷикистон хонед