logo

ҳуқуқ

ВАКОЛАТИ СУДҲО БЕШТАР ГАРДИД

Прокурорҳое, ки амалҳои кор-рупсионӣ содир мекунанд ва талаботи «Қонун дар бораи танзими анъана ва ҷашну маросимҳо дар Ҷумҳурии Тоҷикистон”- ро вайрон менамоянд, аз ин ба баъд дар асоси Қонуни конститутсионии Ҷумҳурии Тоҷикистон  «Дар бораи мақомоти прокуратураи Ҷумҳурии Тоҷикистон», бидуни ба охир расидани муҳлат аз вазифа барканор мешаванд.
Вакилони Маҷлиси намояндагони Маҷлиси Олӣ бо ворид кардани  тағийру иловаҳо ба лоиҳаи Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи мақомоти прокуратураи Ҷумҳурии Тоҷикистон» салоҳиятҳои мақомоти прокуратураро дар рафти тафтишот мушаххас карданд. Азизмад Холмуҳаммадзода, раиси комиссияи Маҷлиси намояндагон оид ба назорати дастур ва ташкил, моҳият ва зарурати тағйиру иловаҳо ба қонуни мазкурро чунин шарҳ дод:
- Тағйироти ба қисми 1 моддаи 13 пешниҳодшуда, мафҳуми «ба прокуратураҳои шаҳру ноҳияҳо баробар кардашуда» - ро мушаххас ва оммафаҳм мегардонад. Иловаҳои пешниҳодшуда, яъне муқаррар намудани асоси пеш аз муҳлат аз вазифа озод намудани прокурор бо сабаби интихоб шудан ба мақомоти намояндагӣ ва бинобар вайрон кардани тартиби муқаррарнамудаи қонунгузории Ҷумҳурии Тоҷикистон дар бораи мубориза бо коррупсия, танзими анъана ва ҷашну маросимҳо  ва дар ин замина баланд бардоштани масъулияти прокуророн ҷиҳати риояи қонунгузории Ҷумҳурии Тоҷикистон нигаронида шудаанд.
Илова ба сархати дуюми моддаи 18 асоси ҳуқуқии ваколати Прокурори генералии Ҷумҳурии Тоҷикистонро ҷиҳати ташкили ҳайат ва раисӣ намудан дар ҷаласаҳои мушовараи прокуратураи генералӣ мушаххас мегардонад. Иловаи пешниҳодшуда ба қисми 4 моддаи 19, муқаррар мекунад, ки дар ҷаласаҳои ҳайати мушовараи прокуратураи Вилояти Мухтори Кӯҳистони Бадахшон, вилоятҳо, шаҳри Душанбе ва прокуратураи нақлиёти Тоҷикистон прокурори дахлдор ва дар набудани ӯ муовини якум ё яке аз муовинони ӯ раисӣ мекунанд. Муқаррароти мазкур ба фаъолияте, ки айни ҳол дар асл прокуророни зикргардида иҷро мекунанд, асоси ҳуқуқӣ  мегузорад.
Тағйироти ба қисми 2 моддаи 23 пешниҳодшуда, меъёри мазкури қонуни конститутсиониро мушаххас гардонда, муқаррар мекунад, ки дахолати прокурор ба фаъолияти хоҷагӣ ва ё аз ҷониби он иваз намудани вазифаи мақомоти тобеи идора ва мақомоти назорат манъ аст.  Сархатҳои чорум ва панҷуми қисми 3 моддаи 24 дар таҳрири пешниҳодшуда муқаррар мекунанд, ки прокурор дар ҳолатҳои муқаррар намудаи қонунгузорӣ барои ҳимояи ҳуқуқ ва манфиати шаҳрванд, давлат, корхона, муассиса, ташкилот, новобаста аз шакли моликияташон, аз ҷумла ҷиҳати барқарор кардани зарари расонидашуда ба суд муроҷиат кунад, мувофиқи тартиби муқарраркардаи қонун парвандаи ҷиноятӣ, истеҳсолоти парвандаи ҳуқуқвайронкунии маъмуриро оғоз намояд, дар бораи ба ҷавобгарии интизомӣ ё моддӣ кашидан истеҳсолот оғоз кунад, маводро барои баррасӣ ба мақомоти дахлдор фиристонад.
Таҳрири пешниҳодшудаи моддаи 42, асосҳои ҳуқуқии иштироки прокурорро дар ҷаласаҳои Пленуми Суди Олии Ҷумҳурии Тоҷикистон, Пленуми Суди Олии иқтисодии Ҷумҳурии Тоҷикистон, Раёсати Суди Олии Ҷумҳурии Тоҷикистон, коллегияҳои судӣ оид ба парвандаҳои гражданӣ, оилавӣ, ҷиноятӣ, ҳуқуқвайронкунии маъмурӣ ва коллегияи ҳарбии Суди Олии Ҷумҳурии Тоҷикистон, раёсати суди Вилояти Мухтори Кӯҳистони Бадахшон, раёсати суди вилоятҳо ва суди шаҳри Душанбе муайян мекунад. Меъёри мазкур муқаррар мекунад, ки иштироки Прокурори генералии Ҷумҳурии Тоҷикистон дар ҷаласаҳои Пленуми Суди Олии Ҷумҳурии Тоҷикистон ва Пленуми Суди Олии иқтисодии Ҷумҳурии Тоҷикистон ҳатмӣ мебошад,- иброз дошт Азизмад Холмуҳамадзода.
Ҳамакнун иштироки прокурор дар баррасии парвандаҳо дар судҳои иқтисодии Ҷумҳурии Тоҷикистон бо тартиби муайянкардаи қонунгузории мурофиавии иқтисодии Ҷумҳурии Тоҷикистон ва дар мурофиаи судӣ ҳангоми баррасии даъвои прокурор ҳатмӣ гардонида мешавад. Қонуни нав барои муфаттишони Кумитаи давлатии амнияти миллӣ, Агентии назорати давлатии молиявӣ ва мубориза бо коррупсия, Вазорати корҳои дохилӣ, Агентии назорати маводи нашаъовар бидуни иҷозати суд ҳуқуқ намедиҳад, ки ҳуқуқҳои консититутсионии шаҳрвандонро назорат кунанд.
Танҳо бо иҷозати суд ҳуқуқ пайдо мекунанд, ки мукотибаи телефонии хусусӣ ва манзили истиқоматии шаҳрвандонро назорат ва кофтукоб кунанд. Инчунин прокурорҳо ҳуқуқ надоранд, ки дар хоҷагиҳои деҳқонӣ ва дигар корхонаҳоро новобаста аз шакли моликият тафтиши иқтисодӣ кунанд.  
Шерхон Салимзода, Прокурори генералӣ, дар суҳбат ба “Ҷумҳурият” моҳияти иловаҳои мазкурро чунин шарҳ дод:
- Тағйирот моҳияти мутобиқшавӣ ба қонунҳои амалкунада, аз қабили кодексҳои мурофиавии ҷиноятӣ, мурофиавии маъмурӣ, гражданӣ ва дигар кодексҳое, ки тартиби баррасии парвандаҳоро ба танзим медароранд, доранд. Фарз кардем, мувофиқи Кодекси нави мурофиавии ҷиноятии Ҷумҳурии Тоҷикистон акнун барои гузаронидани якчанд ҳаракат ва амали тафтишоти иҷозати суд лозим аст. Пеш ин иҷозатро прокурор медод ва дар ин маврид муайян шудааст, ки ба суд муроҷиат кардани муфаттиш ва корманди дигари фаврӣ бо розигии прокурор пешниҳод мешавад, ки ин масъала танзими худро ёфт, - зикр кард Шерхон Салимзода.
Масъалаи дуввуми рӯзномаи маҷлис “Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Латвия оид ба ҳамкорӣ дар мубориза бар зидди терроризм, ҷинояткории муташаккилона ва муомилоти ғайриқонунии воситаҳои нашъаовар, моддаҳои психотропӣ,  прекурсорҳо ва дигар ҷиноятҳо» буд, ки аз тарафи вакилон дастгирӣ ёфт.  Искандар Солеҳзода, муовини вазири корҳои дохилӣ, зимни шарҳи муҳтавои созишнома иброз дошт, ки муборизаи муштарак бо терроризм бо тамоми шаклҳояш, аз ҷумла маблағгузории терроризм, фасод, қочоқи маводи мухаддир, силоҳ ва тиҷорати инсон аз ҳадафҳои асосии санади мазкур мебошад.
-  Тибқи ин санад ҷонибҳо иттилои маҳрамонаро дар мавриди гурӯҳҳои террористӣ ва ширкати эҳтимолии шаҳрвандони ин кишварҳо дар бахшҳои мухталиф табодул хоҳанд кард. Тамоми намудҳои ҷиноят дар ин созишнома нишон дода шудааст. Созишномаи мазкур аз 15  модда иборат аст, ки на танҳо ҷиноятҳои хусусияти террористӣ дошта, ҳатто намудҳои дигари ҷиноятҳо ҳам пешбинӣ шудаанд, то шарикони ҳар ду кишвар муомилоти корӣ дошта бошанд, - гуфт Искандар Солеҳзода.
Муовини вазири корҳои дохилӣ иброз дошт, ки айни ҳол иштироки 200 нафар шаҳрванди мо дар ҳодисаҳои Сурия ба қайд гирифта шуда, нисбат ба 50 шаҳрванд парвандаи ҷиноятӣ боз шудааст. Масъалаи охир лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳуҷҷати электронӣ», ки татбиқи амалӣ шудани он аз буҷети давлатӣ маблағҳои зиёдро талаб намекунад. Вакилон лоиҳаҳои қонунҳои мазкурро баъди баррасӣ дастгирӣ карданд.
 
Ҳарамгули ҚОДИР,
«Ҷумҳурият»


Баёни ақида (0)    Санаи нашр: 20.12.2014    №: 250    Мутолиа карданд: 703

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед