logo

иқтисод

ХАТЛОН: 61 КОРХОНА ФАЪОЛИЯТ НАКАРД

Дар Иҷлосияи бистуми Маҷлиси вакилони халқи вилояти Хатлон, даъвати чорум, Давлатшоҳ Гулмаҳмадзода, раиси вилояти Хатлон, доир ба бурду бохти иҷтимоиву иқтисодии вилоят ҳисобот дода, аз ҷумла тазаккур дод, ки гурӯҳҳои кории вижа бо дарёфти манбаъҳои нави андозбандӣ анқариб 3 миллион сомонӣ маблағи иловагӣ ба буҷет ворид карданд.

- Бо вуҷуди ин, - гуфт раиси вилоят, - кормандони мақомоти андоз аз имкониятҳо самаранок истифода набурданд ва нақшаи қисми даромади буҷети маҳаллиро навоҳии Вахшу Қумсангир иҷро карда натавонистанд. Ва зиёда аз ин, то 1 декабри  соли ҷорӣ маблағи бақияпулиҳои андоз 126,1  миллион сомониро ташкил дод, ки аз ин 103 миллион сомонӣ ба Раёсати андоз ва 23 миллион сомонӣ ба шуъбаи андозсупорандагони азими вилоят ва шаҳру ноҳияҳои Кӯлоб, Ёвон, Бохтар ва Ҷалолиддини Румӣ рост меояд.
Ба масъалаи ба мақсади аслӣ истифода нагаштани маблағҳои буҷетӣ ва пинҳонкунии андоз аз ҷониби муассисаҳои хусусӣ дахл намуда, Давлатшоҳ Гулмаҳмадзода изҳор дошт, ки зимни тафтиши 309 ташкилот аз ҷониби кормандони Раёсати Агентии назорати давлатии молиявӣ ва мубориза бо коррупсияи вилоят 16,3 миллион сомонӣ камбудиҳои молиявӣ ошкор  шуданд, ки аз ин 10,6 миллионаш барқарор гардид. Ба қавли раиси вилоят, бештари камбудиҳо дар шаҳру ноҳияҳои Кӯлоб, Норак, Ҷалолиддини Румӣ, Восеъ, Шӯрообод ва Хуросон ҷой доштаанд. 
Зимнан, Давлатшоҳ Гулмаҳмадзода аз сари вақт пардохт нагардидани музди меҳнати кормандон дар идораҳои барқ, об, коммуналӣ ва баъзе хоҷагиҳои кишоварзӣ изҳори нигаронӣ намуда, иттилоъ дод, ки феълан қарзи музди меҳнат дар шаҳру ноҳияҳои вилоят 16,9 миллион сомониро ташкил медиҳад. “Чунин тарзи коргузорӣ хилофи ҳамаи санадҳои меъёрии ҳуқуқии марбут ба меҳнат мебошад”, - афзуд мавсуф.
Роҷеъ ба ҳамкориҳои мутақобилаи мақомоти вилоят бо соҳибкорони маҳаллӣ раиси вилоят баён намуд, ки дар шаҳру ноҳияҳо 350 иншооти истеҳсолию ғайриистеҳсолӣ ба маблағи 253 миллион сомонӣ мавриди истифода қарор гирифт, ки ин боз як таконе буд баҳри рушди ҳамаҷонибаи вилояти Хатлон.
- Дар баробари пешравиҳо, - иброз дошт Давлатшоҳ Гулмаҳмадзода, - дар аксар шаҳру ноҳияҳо захираҳои мавҷуда ба таври зарурӣ истифода нашудаанд. Танҳо дар 11 моҳи соли равон аз 518 корхонаи саноатӣ 61 - тояш фаъолият накард, 111 корхона истеҳсоли маҳсулотро нисбат ба ҳамин давраи соли гузашта коҳиш дод. Бештари корхонаҳое, ки ҳаҷми истеҳсоли маҳсулоти саноатиро кам карданд, ба шаҳру ноҳияҳои Ёвон (13 корхона), Данғара (10), Бохтар (9), Сарбанд, Фархор (8-тоӣ), Қӯрғонтеппа, Шӯрообод (7-тоӣ), Хуросон, Кӯлоб (6-тоӣ), Норак, Қубодиён (5-тоӣ), Вахш, Мир Сайид Алии Ҳамадонӣ (4-тоӣ) ва корхонаҳое, ки умуман фаъолият накарданд ба шаҳру ноҳияҳои Хуросон, Ёвон (6-тоӣ), Фархор, Кӯлоб, Муъминобод, Бохтар, Қумсангир, Шӯрообод, Данғара, Қубодиён, Хуросон, Қумсангир (5-тоӣ), Ҷалолиддини Румӣ, Ховалинг, Мир Сайид  Алии Ҳамадонӣ ва Восеъ (4-тоӣ) мутааллиқанд.
Дар робита ба камбудиҳои умури кишоварзӣ Давлатшоҳ Гулмаҳмадзода гуфт, ки  соли ҷорӣ шароит ва имкониятҳои шаҳру ноҳияҳо дар хусуси ҳарчи бештар содирот намудани маҳсулоти кишоварзӣ ба хориҷи кишвар 105 дарсад таъмин гардид, вале ноҳияҳои Вахш, Хуросон, Ҷиликӯл, Восеъ, Мир Сайид Алии Ҳамадонӣ, Балҷувон аз 28 то 80 дарсад ва шаҳри Норак 1 дарсади ин нақшаро, бо вуҷуди имкониятҳои зиёд, иҷро намуданду бас. Соли ҷорӣ бинобар коҳиши нархи пахта дар бозори ҷаҳонӣ  пахтакорон  аз фурӯши он ба корхонаҳои коркарди пахта худдорӣ намуданд, ки ин ба таъмини иҷрои дурнамо таъсири манфӣ расонд. Дар натиҷа то 1-уми декабри соли 2014 хоҷагиҳои пахтакор  232,3 ҳазор тонна пахта супурданд, ки ин баробари 83,7 фоизи дурнамо мебошад”.
Захираву имкониятҳои вилоят ҷиҳати зиёд намудани майдони гармхонаҳо, кишти тирамоҳию барвақтӣ ва такрории зироатҳо, бунёди боғу токзори нав ҳамаҷониба истифода нашуданд.

Зокир ҲАСАН,
«Ҷумҳурият»


Баёни ақида (0)    Санаи нашр: 23.12.2014    №: 251    Мутолиа карданд: 781
21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд

НОҲИЯИ ВОСЕЪ. БОЗ 82 ШАҲРВАНД БО КОР ТАЪМИН ГАРДИД

ТАЪСИСИ 86 КОРХОНА ДАР ҲАФТ МОҲ

«ЛИДАР». АКНУН ТАРКИБИ МОЛЕКУЛАВИИ ҲАВО САНҶИДА МЕШАВАД

14.09.2020


ТОҶИКИСТОН. АЗ КОРОНАВИРУС 7816 БЕМОР ШИФО ЁФТ

ПАЙВАНДГАРИ ДИРӮЗУ ИМРӮЗ. БАРДОШТ АЗ ҲАМОИШИ ҶУМҲУРИЯВӢ БАХШИДА БА 90-СОЛАГИИ "ҶАВОНОНИ ТОҶИКИСТОН"

US OPEN. ТИМ ВА НАОМИ ҒОЛИБОНИ ИН МУСОБИҚА

СММ КИШВАРҲОИ ПЕШРАФТАРО ДАЪВАТ НАМУД, КИ АЗ ТАҲРИМОТ АЛАЙҲИ МАМЛАКАТҲОИ РУШДКУНАНДА ДАСТ КАШАНД

ҶАҲОН ДАР ЯК САТР

11.09.2020


ТОҶИКИСТОН. 7 ҲАЗОРУ 714 СИРОЯТЁФТА АЗ COVID – 19 ШИФО ЁФТ

ЛИГАИ БОНУВОН. «ЗЕБОНИСО» БОРИ ДУЮМ ЧЕМПИОНИ ТОҶИКИСТОН ШУД

САФОРАТ ВА ДОМОДЕДОВО ХАБАРҲО ДАР БОРАИ БАНД МОНДАНИ ТОҶИКОНРО ДАР ФУРУДГОҲ РАД КАРДАНД

ҶАҲОН ДАР ЯК САТР

10.09.2020


НИСФИ КӮДАКОНИ РУСИЯГӢ COVID-19-РО САБУК ГУЗАРОНДАНД

ҶАҲОН ДАР ЯК САТР

ОҒОЗИ НАШРИ КИТОБИ «ТОҶИКОН»-И БОБОҶОН ҒАФУРОВ

08.09.2020


ТОҶИКИСТОН. ШАБОНАРӮЗИ ОХИР 32 ҲОДИСАИ НАВИ БЕМОРИИ COVID – 19 ОШКОР ШУД


Дар сомонаҳои дигари Тоҷикистон хонед