logo

порлумон

СОЗИШНОМАҲО БА ТАСВИБ РАСИДАНД

Дар ҷаласаи навбатии Маҷлиси намояндагони Маҷлиси Олӣ, таҳти раёсати Шукурҷон Зуҳров, раиси Маҷлиси намояндагон,  чор созишнома ба тасвиб расид ва ба панҷ Қонуни Ҷумҳурии Тоҷикистон тағйиру иловаҳо ворид гардид.
Ҳамкорӣ дар мубориза алайҳи ҷинояткорӣ Умарзода Икром, муовини вазири корҳои дохилӣ, зимни баррасии Созишнома оид ба ҳамкории гуногунҷабҳа байни Вазорати корҳои дохилии Ҷумҳурии Тоҷикистон ва Вазорати корҳои дохилии Ҷумҳурии Исломии Афғонистон иброз дошт, ки он 27 марти соли 2014 дар шаҳри Кобул ба имзо расид. Дар моддаи якуми созишнома риоя намудани қонунгузории байналмилалии тарафҳо муқаррар гардидааст. Дар моддаҳои дуюм ва сеюм ҳамкории тарафҳо дар заминаҳои дахлдор ва табодули иттилооту таҷриба, аз ҷумла дар робита бо шаҳрвандони ду кишвар, ки бо гуноҳи даст задан ба ҷиноятҳо дар кишвари муқобил таъқиб, дастгир ва ё маҳкум ба зиндон шудаанд ва ё пас аз содир кардани ҷиноят дар кишвари худ ба кишвари тарафи дигар фирор намудаанд, муқаррар шудааст. Моддаҳои чорум, панҷум ва шашум ҳамкорӣ дар доираи созишномаи мазкур дар асоси дархости тарафи манфиатдор доир ба расондани ёрӣ бо ташаббуси тарафе, ки эҳтимоли чунин ёрӣ барои дигар тараф аҳамият дорад, пурра ё қисман иҷро гардидани дархост ва муҳлати иҷрои он зикр шудааст.  Моддаҳои ҳафтум, ҳаштум ва нуҳум аз ҷониби тарафҳо дар бораи таъмини манфиати маълумот ба ҳуҷҷатҳо, инчунин дар ҳолати зарурӣ гузарондани вохӯриҳои корӣ бо мақсади баррасии масъалаҳои таҳким ва баланд бардоштани сифати ҳамкорӣ, ҳалли ихтилофоти байни тарафҳо муқаррар шудааст. Мутобиқи моддаи даҳуми созишнома тарафҳо метавонанд намояндагии худро дар назди вазоратҳои корҳои дохилии ҳамдигар кушоянд.

Сармоягузорон ҳавасманд мешаванд
Қодири Қосим, раиси Кумитаи давлатии сармоягузорӣ ва идораи амволи давлатӣ зимни баррасии Созишнома байни Ҳукумати Ҷумҳурии Тоҷикистон ва Ҳукумати Шоҳигарии Баҳрайн оид ба ҳавасмандгардонӣ ва ҳифзи мутақобилаи сармоягузорӣ гуфт, ки он зимни сафари давлатии Президенти мамлакат ба Шоҳигарии Баҳрайн 28 майи соли ҷорӣ дар шаҳри Манама ба имзо расид.
Созишномаи мазкур принсипҳои асосии ҳуқуқиро вобаста ба танзим намудани фаъолияти сармоягузорӣ муқаррар менамояд, ки ин дар маҷмӯъ баҳри тақвияти муносибатҳои иқтисодӣ ва сармоягузорӣ, фароҳам овардани шароитҳои мусоид барои сармояи шахсони воқеӣ ва ҳуқуқии ду кишвар равона шудааст.

Ба Кодекси андоз 36 тағйиру илова ворид шуд
Ҷамолиддин Нуралиев, муовини якуми вазири молия, оид ба лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси андози Ҷумҳурии Тоҷикистон» гуфт, ки он ба мақсади иҷрои супоришҳои Ҳукумати Ҷумҳурии Тоҷикистон оид ба андозбандӣ, пурра фаро гирифтани андозсупурандагон, аз ҷумла беҳтар ба роҳ мондани андозбандии истифодабарандагони захираҳои табиӣ ва андешидани тадбирҳои иловагӣ нисбат ба шахсоне, ки дар ин самт ба қонуншиканиҳо роҳ медиҳанд ва васеъ намудани манбаъҳои андозбандӣ, такмил додани маъмурикунонии андоз ва дастгирии соҳибкорӣ таҳия шудааст. Ҳамзамон лоиҳа оид ба ҳалли масъалаҳои вобаста ба андозбандӣ, аз ҷумла оид ба андозбандии фоидаи Бонки миллии Тоҷикистон, андозбандии дифидентҳо, даромадҳо аз фурӯши ҳиссаи иштирок, субсидияҳо, муассисаҳои фарҳангӣ, объектҳои махсусан муҳим, объектҳои ғайриманқул равона шудааст. Дар маҷмӯъ тибқи лоиҳа ба Кодекси андози Ҷумҳурии Тоҷикистон 36 тағйиру илова дар назар дошта шудааст.
Бо қабул шудани лоиҳаи қонуни мазкур бисёр муқаррароти амалкунанда сода гардида, ба ғанӣ шудани қисми даромади буҷет шароит муҳайё месозад.
Ҳамчунин ба Кодекси гумруки Ҷумҳурии Тоҷикистон тағйиру иловаҳо ворид карда шуд. Ҳадаф аз таҳияи он мутобиқ намудани қонунгузории гумрук бо Кодекси андози Ҷумҳурии Тоҷикистон мебошад.

Созишнома андозбандиро ба танзим меорад
Ҷамолиддин Нуралиев, муовини якуми вазири молия, дар бораи Созишнома байни Ҷумҳурии Тоҷикистон ва Шоҳигари Арабистони Саудӣ оид ба канорагирӣ аз андозбандии дукарата ва пешгирӣ намудани саркашӣ аз супурдани андозҳо аз даромад ва сармоя гуфт, ки ҳадафи асосии он бунёд намудани асоси ҳуқуқӣ ва ташаккули муносибатҳои тиҷоратӣ ва иқтисодии байни Тоҷикистону Арабистони Саудӣ дар соҳаи андозбандӣ мебошад. Иқдоми мазкур имконият медиҳад, ки шароити мусоид барои шахсони ҳуқуқӣ ва воқеии давлатҳои аҳдкунанда, аз ҷумла ба танзим овардани низоми андозбандии даромад ва моликият танҳо дар яке аз давлатҳои аҳдкунанда тавассути бартараф намудани андозситонии дукарата фароҳам оварда шавад.
Конвенсия ба афзоиши мунтазами сармоягузории мутақобила мусоидат мекунад.
Мавсуф зикр кард, ки робитаҳои Ҷумҳурии Тоҷикистон бо Шоҳигарии Арабистони Саудӣ дар соҳаи иқтисодиёт сол ба сол таҳким меёбад.
Конвенсияи мазкур аз тарафи Президенти мамлакат зимни сафари расмӣ ба Шоҳигарии Арабистони Саудӣ 13 майи соли 2014 дар шаҳри Арриёз ба имзо расидааст.
Ба гуфтаи ӯ, чунин созишномаҳо аз тарафи Тоҷикистон бо 28 давлати дунё ба тасвиб расидааст.

Мунаввари САФАР,
«Ҷумҳурият»


Баёни ақида (0)    Санаи нашр: 26.12.2014    №: 254    Мутолиа карданд: 557

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед