logo

суханрониҳо

Суханронии Эмомалӣ Раҳмон, Президенти Ҷумҳурии Тоҷикистон, дар нишасти матбуотии ШАД СААД, шаҳри Москва, Федератсияи Русия, 23 декабри соли 2014

Муҳтарам намояндагони васоити ахбори омма,
Аз натоиҷи иҷлосияи Шӯрои Амнияти дастаҷамъии СААД изҳори қаноатмандӣ карда, мехостам бигӯям, ки мулоқоти имрӯза қадами нави муҳим дар роҳи таҳкими ҳамкории бисёрҷониба дар ҳошияи созмон, афзун намудани қудрату имкониятҳои он барои мубориза бо хавфу хатар ва ситезаҷӯиҳои ҷиддие гардид, ки ҳамаи мо дучори онҳо мешавем. Баррасии муфассали вазъияти мураккаби ҷаҳон ва минтақаи СААД мавриди мубоҳисаю муҳокимаҳои мо қарор доштанд.
Мо кореро, ки дар давраи раёсати Русия дар СААД анҷом дода шуд, ба дараҷаи баланд арзёбӣ кардем. Тоҷикистон сиёсатеро, ки мақсад аз он такмили механизмҳои мавҷуда ва густариши ҳамкорӣ бо фарогирии соҳаҳои нав аст, идома медиҳад.
Тоҷикистон бархе тадбирҳоеро пеш гирифт, ки бояд доираи мақсадҳоро дар ҳошияи вазифаҳои имрӯз ҳалшаванда васеъ намуда, ба кори муштараки мо қувваю вусъати иловагӣ бахшад. Онҳоро шарикони мо дастгирӣ намуданд ва ҳамаи мо аҳд кардем, ки барои татбиқи муваффақонаи мақсаду вазифаҳои пешгирифта ҳамаи чораҳои заруриро бинем. Дар баробари ин ба зарурати иҷрои ҳатмии қарорҳои қаблан қабулшуда аз ҷониби ҳамаи аъзои созмон таваҷҷуҳ зоҳир гардид.
Мо ният дорем он кори созандаро, ки гузаштагонамон барои рушду густариши равандҳои афзун намудани имконоти созмонамон ба манзури таъмини ҳаёти бехатару ороми халқҳоямон, ки ҳангоми таъсиси СААД ба ҳайси мақсади асосӣ зикр шуда буд, давом диҳем. Мо ба ҳалли вазифаҳои таъхирнопазири эътинои дастаҷамъӣ ба хавфу хатари мавҷуда, ки, мутаассифона, коҳиш наёфта, балки тамоюли афзуншавиро доранду мо инро на фақат дар мисоли Шарқи Наздик, балки дар Афғонистони бароямон наздик низ мебинем, таваҷҷуҳ зоҳир менамоем.
Ҳамзамон мо барои ба таври шоиста рӯи кор овардани чорабиниҳо бахшида ба ҳафтодсолагии Ғалаба дар Ҷанги Бузурги Ватанӣ кор мекунем.
Тоҷикистон барои афзун намудани неруи сулҳомези СААД, баррасии масъалаи истифодаи самарабахши қувваҳои дастаҷамъи созмон ҳангоми ҳалли вазифаҳои мухталиф, таҳкими танзими ҳамкории хадамоти наҷотдиҳанда дар ҳолатҳои фавқулода якҷоя бо шариконаш дар созмон саъю кӯшиш менамояд.
Мо ҳамчунин аҳд кардем, ки кори алҳол иҷрошавандаро такмил дода, бахшҳои онро дар ҳошияи амалиётҳои ҳарсолаи созмон, ки натиҷаҳои хуб бахшида ва фоидаи назаррас меоранд, такмил диҳем. Ин мисоли хуби ҳамкории зичи хадамоти мухталиф аст, ки мо онро на фақат рушд медиҳем, балки мехоҳем дар самтҳои дигари калидӣ низ паҳн намоем. Сабаби қабули Стратегияи зидди фасод то соли 2020 ва бархе қарорҳои дигар, зарурати афзун намудани саъю кӯшишҳо дар самти мубориза бо терроризм, қочоқи маводи мухаддир, ҷинояткорӣ дар фазои иттилоотии электронӣ, ҷалби шаҳрвандонамон ба сафҳои гурӯҳҳои террористӣ ҳамин аст.
Мехостам ба масъалаҳои ҳоло мубрамтарини мубориза бо терроризм ба таври махсус дахл намоям. Зуҳуроти сершумори ин марази аср на фақат дар минтақаи масъулияти созмонамон, аз қабили, масалан, ҷинояткории ба қарибӣ дар шаҳри Пешовари Покистон содирнамудаи террористон, балки ҷиноятҳои дар қисмҳои дигари кураи Замин, аз ҷумла Аврупо ва Австралияи дурдаст содиршуда чунин ҳақиқати бебаҳсро тасдиқ менамоянд, ки ягон давлат аз ин марази ҷаҳонӣ эмин нест. Мо дар баробари ин мефаҳмем, ки он ҷинояткориҳои даҳшатовари асримиёнагӣ, ки дар Шарқи Наздик, масалан, таҳти парчами ба ном «ҷиҳод» содир мешаванд, бо симои равшани ислом, ки чун ҳамаи динҳои ҷаҳон муборизи роҳи инсондӯстӣ, таҳаммулпазирӣ ва тараҳҳум аст, ягон умумияте надоранд.
Бинобар ин мо чунин мешуморем, ки ҷалби шаҳрвандонамон ба ин равандҳои ҳалокатовар ҳамон зуҳуротест, ки на фақат сохторҳои дахлдори мо, балки табақаҳои васеътарини аҳли ҷамъият бояд зидди он мубориза бурда, накукориро ба миён орад ва маразу касофатро рад кунад.
Чунин аст вазифаи раёсати Тоҷикистон дар СААД барои давраи пешорӯи яксола. Мо аминем, ки кори мураккаби муштаракамон барои ҳалли онҳо имкон медиҳад, ба мақсадҳое расем, ки созмон ба хотири онҳо арзи вуҷуд дорад.
Муҳтарам намояндагони васоити ахбори омма,
Мехостам ин лаҳзаи гувороро барои он истифода намоям, ки шумо - аҳли қаламро бо фарорасии Соли Нав аз таҳти дил муборакбод намуда, ба ҳар кадоми шумо саодатмандӣ, тансиҳатии бардавом ва дар кори барои ҳамаамон душвор ва басо зарур муваффақиятҳои бештареро таманно дорам.
 


Баёни ақида (0)    Санаи нашр: 26.12.2014    №: 254    Мутолиа карданд: 689

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед