logo

ҳуқуқ

ҲАРАКАТ ДАР РОҲҲО ТАШВИШОВАР АСТ

Бо мақсади пешгирӣ ва коҳиш додани садамаҳои нақлиётӣ дар байни ҷавонону наврасон, баланд бардоштани масъулияти падару модар ва шахсони онҳоро ивазкунанда дар таълиму тарбияи фарзанд, роҳ надодан ба рондани воситаҳои нақлиёт аз тарафи ноболиғон ва риояи интизом ҷиҳати таъмини бехатарии ҳаракат дар роҳ дар ҷаласаи Маҷлиси намояндагони Маҷлиси Олӣ Лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон» баррасӣ ва қабул гардид.

Саидзода Маҳмадсаид, сардори раёсати Бозрасии давлатии автомобилии Вазорати корҳои дохилии Ҷумҳурии Тоҷикистон, иброз дошт, ки бо зиёд гардидани миқдори парки автомобилӣ ҳолати бехатарии ҳаракат дар роҳҳои мамлакат дучори бунбаст аст.
Муносибати беэҳтиромонаи ронандагон ба қоидаҳои ҳаракат дар роҳ, паст будани фарҳанги ҳуқуқии соҳибони нақлиёти автомобилӣ, ки махсусан дар ҳолати мастӣ мошин меронанд, боиси ташвиш ва изтироби ҷомеа гардидааст.
Таҳлилҳо нишон медиҳанд, ки зиёда аз 17 фоизи садамаҳои нақлиётии сабтшуда бо сабаби идора намудани воситаи нақлиёт дар ҳолати мастӣ ва бе ҳуҷҷати ронандагӣ сар задаанд. Осебҳои садамаҳои нақлиётӣ аз ҳисоби умумии фавтидагон 19,7 фоиз ва захмбардоштагон 18,3 фоиз мебошад. Аз шумораи умумии садамаҳои нақлиётӣ қариб 5 фоизашро ноболиғон содир намудаанд, ки бар асари ин 11 нафар ба ҳалокат расида, 23 нафари дигар захмҳои гуногуни ҷисмонӣ бардоштаанд. Боиси ташвиш аст, ки рух додани садамаҳои нақлиётӣ аз ҷониби ноболиғон рӯ ба афзоиш аст.
Дар баробари афзоиши теъдоди садамаҳои нақлиётӣ, аз ҷои ҳодиса ғайб задани ронандагон низ зиёд шудааст. Дар соли 2013 ва нимсолаи аввали соли 2014 беш аз 80 ҳолати ғайб задани ронандагони воситаҳои нақлиёт аз ҷои ҳодиса ба қайд гирифта шудааст. Омӯзиш ва таҳқиқоти пешакӣ нишон медиҳанд, ки яке аз омилҳои мусоидаткунандаи ғайб задани ронандагон аз ҷойи садамаи нақлиётӣ, ин идораи воситаҳои нақлиёт бо рақамҳои қайди давлатии бегона ё қалбакӣ мебошад, ки дар натиҷа ошкор намудани чунин ҷинояткорон душвор гардида, дар баъзе ҳолатҳо муайян намудани онҳо ғайриимкон аст.
Назар ба гуфтаи сардори раёсати БДА ВКД, дар соли 2013  ва нимсолаи аввали соли 2014 беш аз 14  74660 ҳолати риоя накардани қоидаи ҳаракат дар роҳ ошкор шудааст, ки аз ин 14435 адад идораи воситаҳои нақлиёт дар ҳолати мастӣ, 50663 ҳолат бе ҳуҷҷати ронандагӣ, 1133 ҳолат бо рақамҳои бегона ва қалбакӣ ва 13889 далели итоат накардан ба талаботи кормандони милитсия оид ба манъ намудани воситаҳои нақлиётро ташкил менамояд, ки дар муқоиса ба давраи гузашта 2,8 маротиба зиёд аст.
Бинобар ин, барои пешгирӣ намудани чунин бенизомиҳо тибқи лоиҳа ба моддаҳои 313, 329, 333, 336, 337 ва 343-и Кодекси ҳуқуқвайронкунии маъмурии Ҷумҳурии Тоҷикистон тағйиру иловаҳо пешниҳод шудааст, зеро вазъи бамиёномада пурзӯр намудани ҷавобгарии маъмуриро тақозо  мекунад. Мувофиқи тағйироти воридшуда барои идораи воситаҳои нақлиёт дар ҳолати мастӣ ва надоштани ҳуҷҷати ронандагӣ ҳаҷми ҷарима аз 70 то 80 нишондиҳанда барои ҳисобҳо расид, ки он 3200 сомониро ташкил медиҳад.

Мунаввари САФАР,
«Ҷумҳурият»


Баёни ақида (0)    Санаи нашр: 7.01.2015    №: 4    Мутолиа карданд: 470

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед