logo

маориф

ОМӮЗГОР, ОЛИМ, РОҲБАР

Чанде пеш  дар ҳаёти директори Литсей - интернати президентӣ барои кӯдакони болаёқати ҷумҳурӣ  Манзура Мададзода Тоҷиддин  воқеаи хуши фарҳангӣ ва илмӣ ба вуқӯъ пайваст. Ӯ  бо муваффақият рисолаи номзадӣ ҳимоя кард. Донишмандони соҳаи педагогика -  аъзои Шӯрои ҳимояи рисолаҳои номзадӣ пас аз саволу ҷавоб итминон ҳосил карданд, ки пажӯҳишгари ҷавони педагогикаи миллӣ ба унвони илмӣ комилан сазовор мебошад.
Номзади илмҳои педагогика Манзура Мададзода дастпарвари Донишгоҳи давлатии  Кӯлоб ба номи Абуабдуллоҳи Рӯдакӣ, пас аз таҷрибаи кофии педагогӣ андухтан ва фаъолияти босамари омӯзгорӣ ба дифои рисола дар мавзӯи «Шароитҳои педагогии ташаккули арзишҳои худшиносии хонандагони синфҳои болоӣ дар аснои корҳои беруназсинфӣ» камар баст.
Воқеан, ташаккули маънавии наврасон, шакл гирифтани арзишҳои миллӣ дар шуури онон, тақвият додани маърифату худшиносӣ дар заминаи арзишҳои умумибашарӣ, умуман, проблемаи наврасон ва камолоти эшон мавзӯи муҳимест, ки насли калонсолро ба тарбияи шоистаи атфол, наврасон ва ҷавонон водор менамояд. Муаллимаи эҷодкор бо корҳои илмӣ ва фаъолияти шоёни педагогӣ исбот намуд, ки омӯзгорони асил дар ин ҷода рисолати бузургу наҷиб доранд.
Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва панду ҳикмати мутафаккирони халқамон роҷеъ ба таълиму тарбияи фарзанд, баодобу шоиста ба камол расонидани наврасону ҷавонон ва хидмати шоёни онҳо ба падару модар, оила ва ҷамъият дар рисолаи илмии ӯ мавқеи муҳим доранд. «Фарзанди нағз - боғи падар,  фарзанди бад - доғи падар», «Бача лой, падару модар - кулол» барин ибораҳои устувор, ки маънои пухта ва амиқ доранд, бесабаб маъмул нагаштаанд», хулоса  намудааст муаллифи рисола.
Оянда аз насли нав маърифати баланд, ҷаҳонбинии васеъ, дониши амиқ, донистани технологияи навтарин ва забондониро талаб мекунад. Омӯзгорони литсей - интернат кӯшиш менамоянд, ки хонандагони болаёқатро ҳар чӣ бештар бо илмҳои дақиқу бунёдӣ мусаллаҳ намуда, ба дастовардҳои илму техникаи муосир наздиктар шиносонанд. Ҷои инкор нест: дар муддати сарварии Манзура Мададзода дар таълимгоҳ шогирдони боргоҳи илму маърифат дар олимпиадаҳои ҷумҳуриявӣ ва озмунҳои фаннии байналмилалӣ дастболо шуданду ҷойҳои намоёнро ишғол карданд.
Бо ибтикори роҳбарияти литсей тибқи бандҳои 7 ва 8 - и Низомномаи намунавии муассисаҳои таълимӣ барои хонандагони болаёқат (Қарори Ҳукумати Ҷумҳурии Тоҷикистон аз 28. 07. 2009, № 427), Оинномаи Литсей-интернати президентӣ, Низомномаи Академияи хурди илмҳои Ҷумҳурии Тоҷикистон ба мақсади баланд бардоштани шавқу ҳаваси хонандагон ба омӯзиши фанҳои табиӣ - риёзӣ, ҷалби хонандагон ба олимпиадаҳои ҷумҳуриявӣ, байналмилалӣ, мусобиқаҳои илмӣ ва ба эҷодиёти илмиву техникӣ дар назди литсей Академияи хурди илмҳо бо бахшҳои фанҳои табиӣ - риёзӣ: математика, физика, химия, биология, технологияи иттилоотӣ, аз рӯи бахшҳои ҷамъиятӣ – гуманитарӣ: таърих, забони англисӣ, забони русӣ ва ғайра таъсис дода шуд. Ба ин кор омӯзгорони варзидаю ба натиҷаҳои назаррас ноилгардидаи литсей, олимони соҳавӣ, устодони макотиби олӣ ҷалб гардиданд. Омӯзгори фанни биология С. Саидасанова ба 8 нафар хонандагони синфи 9 «А» ва 9 «Б» мавзӯъ дода, бо онҳо кори илмӣ навиштанро омӯзонд.
Бояд қайд намуд, ки дар се соли охир хонандагони Литсей - интернати президентӣ дар олимпиадаҳои байналмилалӣ иштирок намуда, соҳиби 1 медали нуқра ва 5 медали биринҷӣ шуданд. Дар олимпиадаҳои ҷумҳуриявӣ бошад, 3 медали тилло, 8 медали нуқра ва 17 медали биринҷӣ ба даст оварданд.
Ба пешравӣ ва муваффақияти онҳо саҳми муаллимони фанни математика ва директор  Манзура Мададзода калон аст.
Шоири машҳури турк Нозим Ҳикмат афкори мардуми пешқадаму муборизро, ки дунёро обод ва халқҳоро озоду бахтиёр дидан мехоҳанд, хеле барҷаста ифода намудааст: «Агар ман насӯзам, агар ту насӯзӣ, агар ӯ насӯзад, пас ин ҷаҳони зулмотро кӣ равшан мекунад?». Манзура Мададзода  низ мегӯяд:
- Оре, агар мо талош наварзем, пас кӣ Тоҷикистони азизи моро ободу зебо мегардонад?

Нигинаи РАҲМОН,
«Ҷумҳурият»


Баёни ақида (0)    Санаи нашр: 9.01.2015    №: 6    Мутолиа карданд: 1691
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед