logo

маориф

ДОНИШГОҲИ ТЕХНОЛОГИИ ТОҶИКИСТОН ДАР РӮЙХАТИ БЕҲТАРИН ТАЪЛИМГОҲҲОИ ОЛИИ ИДМ

Тибқи ҷадвали рейтингии Агентии байналмилалии «Интерфакс»,  Донишгоҳи технологии Тоҷикистон  аз лиҳози   омодагӣ ба навгониҳо миёни 400 муассисаи инноватсионии таълимоти олии ИДМ мақоми 151 – умро ишғол намуда, ба рӯйхати беҳтарин 200 муассисаи олии касбии ИДМ шомил гардидааст. Бо назардошти ин, дар муассисаи таълимии мазкур барои боз ҳам баланд бардоштани мавқеи рейтингии он кӯшиши пайваста ба харҷ медиҳанд. Нуралӣ Шоев, ректори Донишгоҳи технологии Тоҷикистон, дар оғози нишасти матбуотӣ оид ба ҷамъбасти натиҷаҳои фаъолияти донишгоҳ  дар як соли гузашта ин хушхабарро расонда, ҳамчунин зикр кард, ки соли 2014 - ро барои ДТТ умуман метавон соли навгонию навовариҳо номид. Дар ин сол дар сохтори таълимгоҳ Маркази мониторинги рақобатпазирии донишҷӯи ДТТдар бозори озоди меҳнат таъсис ёфта, донишҷӯён дар ин марказ қабл аз сессияҳои имтиҳонӣ оид ба ҷавобгӯ буданашон ба ҳафт талаботи рақобатпазирӣ аз санҷиш гузаштанд. Бо мақсади муаррифӣ ба корфармоёни оянда дар сомонаи махсуси марказ зикр намудани номи муҳассилини аз ҷиҳати рақобатпазирии касбӣ беҳтарин таваҷҷуҳи донишҷӯёнро ба азхудкунии донишҳои замонавӣ хеле баланд бардоштааст. Бо итминони комил метавон гуфт, ки маркази мазкур дар самти тавсеаи сифати таҳсилот таъсири муассир хоҳад гузошт. Ҳамчунин, дар ҳамкорӣ бо Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар назди донишгоҳ Маркази рушди зеҳнии ҷавонони Тоҷикистон ва дастгирии истеъдодҳо кушода шуд, ки мақсад аз таъсиси он татбиқи амалии сиёсати Ҳукумати Ҷумҳурии Тоҷикистон оид ба таъмини иҷрои қонунҳои Ҷумҳурии Тоҷикистон «Дар бораи ҷавонон ва сиёсати давлатии ҷавонон», «Дар бораи маориф», «Дар бораи фаъолияти инноватсионӣ», Барномаи рушди инноватсионии Ҷумҳурии Тоҷикистон барои солҳои 2011 - 2020, Барномаи рушди неру ва моликияти зеҳнии инсон дар давраи то соли 2020 ва дигар санадҳои меъёрии ҳуқуқӣ мебошад. Ба роҳ мондани ҳамкориҳои донишгоҳ бо зиёда аз 40 донишгоҳи  хориҷӣ, аз ҷумла муассисоти таҳсилоти олии Русия ҳамасола самарабахшанд. Алҳол дар маҷмӯъ зиёда аз 1000 нафар ҷавонони тоҷик тавассути Донишгоҳи технологии Тоҷикистон дар донишгоҳҳои давлатии индустриалӣ, техникӣ, политехникӣ , технологӣ, тадқиқоти технологияҳои иттилоотӣ, техникаи ҳавонавардӣ, механика ва оптикаи шаҳрҳои Москва, Санкт - Петербург, Ярославл, Костома, Рибинск, Нижний Новгород, академияҳои давлатии кишоварзӣ ва  технологии Воронеж, Иваново ва Приморйе ба таҳсил фаро гирифта шудаанд. Иштироки ҳамасола дар лоиҳаҳои грантии таълимӣ ва илмии байналмилалӣ имкон медиҳад, ки маблағҳои аз ин ҳисоб ба донишгоҳ воридшуда ба  хариди таҷҳизоти таълимӣ - истеҳсолӣ ва бозомӯзии касбии омӯзгорону кормандон  равона карда шаванд. Махсусан, иштироки донишгоҳ дар лоиҳаи барномаҳои ТЕМПУС, FP7, GIZ ва Эрасмус Мундус дар такмили иқтидори моддии таълимгоҳ ва сатҳи касбии ҳайати профессорону омӯзгорон натиҷаи назаррас меоварад. Дар соли 2014 ба кор оғоз намудани Маркази телевизионӣ  дар ДТТ, ки дар тарбияи илмию маърифатии донишҷӯён таъсири бориз хоҳад гузошт, натиҷаи ҳамин ҳамкориҳои  судманд ва иштирок дар лоиҳаҳои грантии барномаҳои байналмилалист. Дар соли таҳсили 2013 - 2014 вобаста ба иҷрои 5 талаботи фаъолияти касбӣ озмуни донишгоҳӣ таҳти унвони «Муваффақият+» ҷамъбаст гардида, 42 нафар бо ҷоиза ва зиёда аз 80 нафар омӯзгору кормандони дигари донишгоҳ бо «Титули фахрӣ» қадр карда шуданд. Варзишгарони донишгоҳ дар аксар мусобиқоти байнидонишгоҳӣ, шаҳрию минтақавӣ ва байналмилалӣ иштироки фаъолона дошта, ба натиҷаҳои назаррас ноил мегарданд. Моҳи март дар бозиҳои осиёӣ дар Туркия бо иштироки варзишгарони понздаҳ давлат ва дар шаҳри Хуҷанд миёни даҳ давлат аз рӯи намуди варзиши кёкушин - хан донишҷӯи соли сеюми таҳсили донишгоҳ Саидаҳмад Олимов  ҷойҳои якумро ишғол намуд. Моҳи апрел дар чемпионати ҷумҳуриявӣ оид ба намуди варзиши кикбоксинг донишҷӯ  М. Лутфуллоев низ ҷойи якумро гирифт. Ба муҳассили донишгоҳ Умарҷон Атоев бошад, дар чемпионатҳои ҷаҳонӣ  дар шаҳрҳои Пекин ва Москва дар намуди варзиши вазнбардорӣ мутаносибан ҷойҳои дуюм  ва якум насиб гардид. Айни замон дар Донишгоҳи технологии Тоҷикистон омодагӣ ба аввалин Форуми байналмилалии «Ҷавонон - неруи зеҳнии ояндаи кишвар: натиҷагирӣ аз ҳамкориҳои Донишгоҳи технологии Тоҷикистон бо таълимгоҳҳои олии Федератсияи Русия  ва Иттиҳоди Аврупо»  оид ба тайёр намудани мутахассисони замони нав барои рушди инноватсионии минтақаҳои Тоҷикистон, ки 15-18 майи соли ҷорӣ дар худи ДТТ баргузор хоҳад шуд, дар сатҳи баланд ҷараён дорад.

Н. ЁРМАДӢ


Баёни ақида (0)    Санаи нашр: 21.01.15    №: 14    Мутолиа карданд: 2367
26.01.2021


 ПАЁМИ ПРЕЗИДЕНТИ ҶУМҲУРИИ ТОҶИКИСТОН БА МАҶЛИСИ ОЛИИ ҶУМҲУРИИ ТОҶИКИСТОН

 ҶАЛАСАИ ШӮРОИ НОЗИРОН ОИД БА МАСЪАЛАҲОИ МИНТАҚАҲОИ ОЗОДИ ИҚТИСОДӢ БАРГУЗОР ГАРДИД

 ВОХӮРӢ БО САФИРИ АРАБИСТОНИ САУДӢ

 «ТОҶИКОН» БА НОҲИЯИ ЛАХШ РАСИД

 НАШРИ КИТОБНОМАИ ШАРҲИҲОЛИИ БОҚӢ РАҲИМЗОДА

 «ҒУНЧАҲОИ ХАТЛОН»

 МУРОҶИАТИ ШАҲРВАНДОН. БЕЭЪТИНОӢ НИСБАТ БА ОН БОИСИ ҶАВОБГАРӢ ШУД

 СОХТАКОРӢ. БОЗДОШТИ НАФАРОНЕ, КИ ҲУҶҶАТҲОИ ҚАЛБАКӢ МЕСОХТАНД

 ТАМАЪҶӮӢ ЗАНИ 32 – СОЛАРО БА КУРСИИ АЙБДОРӢ ШИНОНД

22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД


Дар сомонаҳои дигари Тоҷикистон хонед