logo

маориф

ИЛМ ДОНӢ, ҚАДРАТ АФЗУН МЕШАВАД

На ҳама волидайн ба тарбияи фарзанд диққати ҷиддӣ медиҳанд, беназоратии онҳо боиси  оворагардию даст задани фарзандонашон ба корҳои номатлуб мешавад. Тибқи омори Вазорати корҳои дохилии кишвар солҳои охир шумораи амалҳои ҷиноятӣ аз тарафи хонандагони муассисаҳои таҳсилоти миёнаи умумӣ афзудааст.
 
Бархе аз волидайн то ҳол моҳияти Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» - ро дарк накардаанд. Баъзе кӯдакон ба ҷои таҳсил ба кӯчагардӣ, аробакашӣ, мошинашӯӣ ва даҳшатангезтараш ба талбандагӣ машғуланд. Баъзе аз талабагон дар марказҳои шабакаи интернет, маъмул бо номи «интернет - кафе» - ҳо ба бозиҳои компютерӣ машғуланд, ки мафкураи ташаккулнаёфтаи онҳоро вайрон карда, ба рӯҳия (психика) - ашон таъсири манфӣ мерасонад. Ин зумра наврасон бинобар дониши нокомил доштанашон ба осонӣ метавонанд ба ҳар гуна гурӯҳҳо пайваст шаванд ва боиси хастадилии ҳам волидайн ва ҳам муаллимон гарданд. Чунин ҳолатҳо боиси костани сатҳи донишандӯзии ин зумра талабагон шуда, ба мақому манзалати мактаб таъсири манфӣ мерасонад.
Ба алоқаю ҳамкориҳои тарафайн байни волидайн ва муаллимони мактаби таҳсилоти умумии № 72 ба номи Г. Сулаймонии ноҳияи Фирдавсии шаҳри Душанбе дар тарбияи талабагон, баҳри ташаккули онҳо ҳамчун фарди созандаи кишвар диққати махсус дода мешавад. Чуноне ки яке аз педагогҳои маъруфи олмонӣ аввали асри XIX қайд кардааст: «Тарбиятгар ва муаллим будан модарзодист: онҳоро шавқи табиии модарзодӣ роҳнамоӣ мекунад». Ҳайати муаллимони соҳибкасбу соҳибтаҷрибаи мактаб кӯшиш ба харҷ медиҳанд, ки дастпарваронашон вобаста аз шавқу рағбат ба маҳфилҳои гуногуни фаннӣ, эҷодӣ ва варзишӣ ҷалб шуда, комил ба воя расанд. Дарсҳои иловагӣ дар маҳфилҳо аз фанҳои расмкашӣ бо унвони “Мусаввири моҳир”, математика -  “Риёзидони ҷавон”,  физика -  “Эврика”, забон ва адабиёти тоҷик - “Забондон”, забони англисӣ - “Полиглот”, ботаника - “Табиатдӯстон ва экологони ҷавон”, технология - “Дастони моҳир” ва барои дӯстдорони варзиш бошад, бахшҳои “Баскетбол, волейбол ва футбол” амал мекунанд.
Яке аз вазифаҳои ин маҳфилҳо омода кардани талабагон ба олимпиадаҳои фаннӣ ва озмуну мусобиқаҳои гуногуни сатҳи ҷумҳуриявию байналмилалӣ мебошад.
Мансури Ҳаким фармудаанд: «ҳар чиз зиёд шавад, арзон мегардад, ғайр аз хирад, ки агар зиёд шавад, қиматаш афзун мегардад». Дар тақвияти ин суханон, қайд карданиам, ки чи қадар теъдоди талабаҳои ахлоқу одоби хубдошта зиёд бошанд, рақобати солим байни онҳо меафзояд. Ҳамчунин теъдоди зиёди хатмкунандагони тавассути Маркази миллии тестии назди Президенти Ҷумҳурии Тоҷикистон ба мактабҳои олии кишвар ва хориҷи он дохил шуда, обрӯю этибори мактабро афзунтар мегардонад. 
Барои омода кардани духтарон ба рӯзгордорӣ низ дар мактаб диққати хоса медиҳанд. Омӯзиши нозукиҳои тайёр кардани хӯришҳо ва хӯрокҳои миллӣ, пухтани кулчақандҳо, ороиши дастурхони идона, тарғиби ҳунарҳои зардӯзӣ, кашидадӯзӣ ва бофандагӣ асоси нақшаи таълимии фанни технологияро дар бар мегиранд. Ҳамзамон бозиҳои зеҳнии касбӣ, монанди тартиб додани сканвордҳо ва чайнвордҳо доир ба мавзӯъҳои зикршуда ва байни синфҳо озмунҳои гуногун бо номи “Дастони моҳир” гузаронида мешаванд. Инчунин, ба машғулиятҳо чевару кадбонуҳои касбӣ даъват карда мешаванд, то ки шавқу завқи духтаронро ба касбу ҳунарҳои миллӣ афзун гардонанд. 
Хулоса, ҷалби пайвастаи хонандагон ба маҳфилҳои гуногуни зеҳнию касбӣ аз маҳорату малакаи муаллимон алоқамандии бевосита дошта, дар ташаккули майлу рағбати онҳо ба ҳунарҳои мардумӣ дар ояндаи наздик самараи хуб ба бор меоварад.
 

Зайнабҷон ҲАКИМОВА,
муаллимаи муассисаи таҳсилоти миёнаи № 72, шаҳри Душанбе


Баёни ақида (0)    Санаи нашр: 22.01.15    №: 15    Мутолиа карданд: 1960
26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК

ДЗЮДО

КИШВАРҲОИ ОСИЁ ОИД БА КАЛОНТАРИН ДАР ҶАҲОН МИНТАҚАИ ТИҶОРАТИ ОЗОД ПАЙМОН БАСТАНД

ҶАҲОН ДАР ЯК САТР


Дар сомонаҳои дигари Тоҷикистон хонед