logo

ҳуқуқ

АКСАРИ ҶИНОЯТКОРОН МАНСАБДОРОНАНД

Саҳми Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд дар ғанӣ гардондани буҷети давлат, рӯёндани андозҳо, пешгирӣ ва мубориза бо қонуншиканиҳои коррупсионӣ, ҳифзи ҳуқуқҳои шаҳрвандон ва давлат назаррас мебошад.

Дар соли сипаригашта дар самти назорати истифодаи самараноки маблағҳои буҷетӣ дар 246 ташкилоту муассиса ва корхона тафтишу санҷишҳои молиявӣ гузаронда шуд. Дар натиҷа ба маблағи 50 849 313 сомонӣ зарарҳои молиявӣ ошкор гардида, 39 945 640,67  сомонӣ ба ҳисоби буҷет ва корхонаҳо барқарор гашт.
Соли гузашта дар шаҳру ноҳияҳои Бобоҷон Ғафуров, Қайроққум, Ашт, Панҷакент, Шаҳристон, Кӯҳистони Мастчоҳ, Ғончӣ ва Истиқлол тафтиши маҷмӯи ташаккул ва иҷрои қисми даромад ва хароҷоти буҷет гузаронда шуда, баҳри бартараф намудани камбудиҳои ошкоргашта ба номи раисони шаҳру навоҳӣ пешниҳодҳо ирсол гардиданд. Баъди анҷоми тафтиш 128 нафар шахсони масъули ташкилоту муассисаҳо ба ҷавобгарии интизомӣ кашида шуданд. Аз тарафи кормандони раёсати агентӣ  460 ҷинояти коррупсионӣ ва иқтисодии характери коррупсионидошта ошкор гардид, ки 83 ададашро ҷиноятҳои вазнин ташкил медиҳад. 
Таҳлили фаъолияти хидматии шахсони ба ҷавобгарии ҷиноятӣ кашидашуда нишон дод, ки бештари ҷиноятҳоро кормандони масъул содир кардаанд. Аз ҷумла, аз ҷониби онҳо дар соҳаи кишоварзӣ  16 ҷиноят, мақомоти иҷроияи маҳалии ҳокимияти давлатӣ  71, соҳаи бонкӣ  63, нақлиёт 16, тандурустӣ 30, кумитаи заминсозӣ 12, маориф  36 ҷиноят содир шудааст.
Кормандони шуъбаи минтақавии раёсат дар водии Зарафшон 56 ва шуъбаи нақлиёт дар вилояти Суғд  38  ҷинояти коррупсиониро ошкор намуданд. Аз тарафи кормандони раёсат дар самти пешгирию ошкорсозии ҷиноятҳои махсусан вазнини вобаста ба иқтисодиёти пинҳонӣ, барасмият даровардани (қонунигардонии) маблағҳои пулӣ ё амволи дигари ғайриқонунӣ ба даст овардашуда тадбирҳои судманд андешида шуданд. Саркашии шахсони ҳуқуқӣ аз пардохти андозҳо низ дар меҳвари таваҷҷуҳ қарор гирифт. Дар ин давра бо моддаи 292 Кодекси ҷиноятии Ҷумҳурии Тоҷикистон 18 ҷиноят ва бо моддаи 293 - и ҳамин кодекс 1 ҷиноят ошкор гардид, ки маблағи умумии зарар аз ҳисоби санҷишҳои андоз  41,3 миллион  сомониро ташкил дод. То моҳи январ ба буҷети давлат 32,6 миллион сомонӣ барқарор шудааст.  Гузашта аз ин, муфаттишони шуъбаи тафтишот санҷиши  пешакии 148 парвандаи ҷиноятиро ба анҷом  расонданд, ки аз ин 125 парванда нисбат ба 141 нафар барои тасдиқи фикри айбдоркунӣ ба мақомоти прокуратура  ирсол гардид.
Пешгирии коррупсия аз ҷумлаи муҳимтарин самти фаъолияти мо ба ҳисоб рафта, дар ин самт 12  аризаи даъвоӣ оид ба рӯёндани 5 315 958 сомонӣ ба суди иқтисодии вилояти Суғд пешниҳод шуд, ки то ба ин давра 5 163 582 сомонӣ барқарор гаштааст. Доир ба таъмини риояи талаботи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» дар ҳудуди шаҳру ноҳияҳои вилоят мунтазам санҷишҳо гузаронда мешаванд. Дар натиҷа  21 (соли 2013 - 18) ҳолати риоя нагардидани талаботи моддаҳои 8,10 ва 14 - и қонуни мазкур ошкор ва бартараф карда шуд.
Аз тарафи кормандони раёсат дар давраи ҳисоботӣ вобаста ба харидуфурӯши ғайриқонунии замин ва дигар омилҳои коррупсионии алоқаманд бо истифодаи замин  66 (соли 2013 - 26) ҷиноят ошкор шуд. Баҳри баланд бардоштани савияи дониши кормандон ҳар ҳафта дар байни ҳайати шахсии раёсат машғулиятҳои касбӣ доир мегарданд. Чунин шеваи кор имкон медиҳад, ки кормандони раёсат малакаву маҳорати касбии худро сайқал дода, баҳри пешгирии омилҳои коррупсионӣ ва ошкор намудани ҷиноятҳо аз тамоми воситаҳои мавҷуда истифода баранд.
 Дар навбати худ кормандони раёсат тасмим гирифтаанд, ки фаъолияти худро дар самти мубориза бо коррупсия ҷоннок намуда, барои таъмини ҳуқуқу манфиатҳои шаҳрвандон ва давлат чораҳои муассир андешанд. Бе дастгирии ташкилоту муассисаҳо, созмонҳои ҷамъиятӣ, воситаҳои ахбори омма ва шаҳрвандон дар самти мубориза бо коррупсия ва ҷиноятҳои характери коррупсионидошта наметавон ба натиҷаҳои назаррас  ноил гардид.  Аз ин рӯ, аз шаҳрвандон хоҳиш менамоем, ки дар мубориза бар зидди коррупсия бо мо ҳамкориро тақвият бахшанд ва ба ҳеҷ ваҷҳ бетарафӣ ихтиёр накунанд. Зеро расидан ба ҳадафҳои созандаву бунёдкорона, эъмори ҷомеаи воқеан ҳам демокративу ҳуқуқбунёд танҳо дар сурати муттаҳид гардидани тамоми неруҳои солимфикри ҷомеа имконпазир аст.       
 

Дилшод ЗАРИФОВ,
сардори шуъбаи пешгирии раёсати Агентии назорати давлатии молиявӣ ва мубориза
бо коррупсияи  Ҷумҳурии Тоҷикистон дар вилояти Суғд, майори адлия 


Баёни ақида (0)    Санаи нашр: 22.01.15    №: 15    Мутолиа карданд: 771

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед