logo

маориф

ХОДИМИ ҚАЛБИ ИНСОНҲО

Дар маҷрои зиндагии пурпечутоб инсонҳо ба фаъолияти гуногун машғуланд ва ҳар касб ё шуғл дорои нозукиву мушкилоти ба хеш хос мебошад. Муҳаббат доштану расидан ба қадри касбу кор, шуғлу вазифа боиси пешравии фаъолият ва пайдо гаштани эҳтироми мардумон аст.
Одамӣ аз қадрдониҳо бувад,
В - арна фарқе нест байни неку бад.
Ҳар касе бишнохт қадри хештан,
Ӯ ба қадри дигарон ҳам мерасад.
Бобати арзишманд будани ҳама гуна касбу ҳунар, кору фаъолият, пешаву вазифа, ҷоҳу мансаб Морин Вилямсон чунин овардааст: «Муҳим нест шуғлу фаъолияти мо чӣ бошад, муҳим он аст, ки мо инҷо ҳастем, то ходими қалби инсонҳо бошем. Шуғли мо ҳар чӣ ки бошад, ҳадафаш ироаи ишқ ба олами ҳастӣ аст. Аз як хидматгор гирифта, то роҳбари муассиса, аз як маъмури осонсур то сардор касе нест, ки шуғлаш назди Худованд беаҳамият бошад. Ҳангоме ки бар ин матлаб воқиф шавем, ҳангоме ки ба тамоми тавон зиндагӣ намоем, ба нерӯе даст хоҳем ёфт, ки моро сӯи муваффақият ҳидоят мекунад».
Омӯзгорӣ аз қабили шарафмандтарин пешаҳост, ки дар тамоми даврони зиндагонии инсоният ва дар тамоми гӯшаи олам эътироф шудааст. Ва ҳамин устод аст, ки чароғи маънавии ҳаёти мардумонро рӯшан, чашми дилашонро бедор намуда, оламро аз тирагиву бехирадӣ раҳоӣ мебахшад.
Муовини ректор оид ба таълими Донишгоҳи  давлатии Хуҷанд ба номи академик Бобоҷон Ғафуров Абдуфаттоҳ Раҳимов аз зумраи чунин ашхоси бедордил маҳсуб мешавад. Мавсуф соли 1971 ба факултети табиатшиносию географияи ҳамин донишгоҳ дохил шуда, онро соли 1976 ба итмом расонидааст. Баъди хатм мувофиқи роҳхат ба ноҳияи Восеъ фиристода шуда, фаъолияташро дар мактабҳои № 29 ва № 19 - и ҳамин ноҳия идома додааст. Фаъолияти педагогиашро минбаъд дар  мактаби миёнаи № 1- и шаҳри Кӯлоб (1976-80) ва Омӯзишгоҳи касбҳои техникии № 38 - и Кӯлоб (1980-86) идома бахшидааст. Фаъолияти назарраси педагогии ӯро ба инобат гирифта, шуъбаи маорифи вилояти Кӯлоб мавсуфро соли 1986 ба вазифаи мудири кабинети методии Донишкадаи такмили ихтисоси муаллимони ҳамин вилоят таъйин намуд. Номбурда дар ин вазифа то соли 1991 кор кардааст.
Абдуфаттоҳ Раҳимов барои идома бахшидани корҳои илмӣ-тадқиқотиаш соли 1991 ба Донишгоҳи давлатии Хуҷанд ба номи академик Бобоҷон Ғафуров омада, дар вазифаҳои лаборанти кафедра, муаллими кафедраи географияи табиӣ (1992-97), сармуаллими кафедраи географияи иқтисодӣ (1997-2000), ноиби декани факултети фанҳои табиӣ (1994-97; 1998-2003), муовини раиси дастгоҳи ректори донишгоҳ, мудири шуъбаи ғоибонаи донишгоҳ (2003-2009), муовини ректор оид ба шуъбаи таълими ғоибона ( 2009-2012), муовини ректор оид ба шуъбаи таълим (аз с.2012) фаъолият намудааст.
Номбурда рисолаи докториашро таҳти унвони «Асосҳои илмии оқилонаи истифода ва ҳифзи сарватҳои обии Тоҷикистон» ба итмом расонида, дар арафаи ҳимоя қарор дорад ва вобаста ба мавзӯи докториаш дар конфронсҳои байналмилалии шаҳрҳои Толятти, Уфа, Москва, Перм, Оренбург, Челябинск, Вологда, Иркутск-Байкал, Владимир, Тюмен, Екатаренбург, Саратов, Санкт-Петербург, Бишкек, Душанбе ширкат варзидааст.
Ҳамчун инсони хоксор, устоди донишманд, роҳбари дурандеш, маслиҳатчии беминнат миёни кормандону омӯзгорони ин боргоҳи маърифат эҳтирому муҳаббати хосаро дорост.
Нотакрортарин неъмате, ки Офаридгор барои бандагонаш арзонӣ доштааст, ин умр аст. Ва агар хостӣ аз ин лаҳазоти гузарон, ки мисли ашки болои мижгон аст, судҳо бардорӣ, пас бояд шоиста зист ва дар дафтари зиндагинома бо рақами хайр нишоне гузошт. 
 

Маҳмадшо МАҲМАДШОЕВ,
 дотсенти ДДХ ба номи академик Бобоҷон Ғафуров


Баёни ақида (0)    Санаи нашр: 27.01.15    №: 18    Мутолиа карданд: 1432
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед