logo

ҳуқуқ

ВҲИ ДАР СВЕРДЛОВСК НАМОЯНДАГИАШРО ТАЪСИС МЕДИҲАД

Дар соли сипаригардида мақомоти Ваколатдор оид ба ҳуқуқи инсон дар Ҷумҳурии Тоҷикистон (ВҲИ) 3252 муроҷиати шаҳрвандонро мавриди омӯзиш, таҳлил ва баррасӣ қарор дод.  Шаҳрвандон  дар аксари ҳолатҳо аз ғайриқонунӣ дастгир шудан, наандешидани чораҳои қонунӣ нисбат ба шахсони гунаҳгор, кашолкорӣ дар тафтиши парвандаҳои ҷиноятӣ, ғайриқонунӣ ва беасос оғоз ва қатъ кардани парвандаҳои ҷиноятӣ шикоят намудаанд.
Ин матлабро Зариф Ализода, Ваколатдор оид ба ҳуқуқи инсон дар Ҷумҳурии Тоҷикистон, зимни нишасти матбуотӣ ироа дошт. Ба гуфтаи ӯ, кормандони мақомот  дар асоси муроҷиати шаҳрвандон ва нақшаи кории Ваколатдор оид ба ҳуқуқи инсон дар маҳалҳо панҷоҳ санҷиш гузаронда, дар ҳалли мушкилоти мардум мусоидат намуданд. Гузашта аз ин, аз ҷониби кормандони ин ниҳод дар самти мусоидат ба ҳимояи ҳуқуқи инсон дар низоми муассисаҳои пӯшида ва нимпӯшида чордаҳ санҷишу мониторинг гузаронда шудааст. 
Ваколатдор оид ба ҳуқуқи инсон мушкилоти ҳифзи ҳуқуқи муҳоҷирони меҳнатӣ ва аъзои оилаи онҳоро яке аз масъалаҳои муҳими сатҳи ҷаҳонӣ арзёбӣ намуда,  зикр сохт, ки он ҳалли ҳамаҷониба ва бетаъхири худро тақозо дорад.  Дар ин раванд соли гузашта бо ВҲИ Федератсияи Русия ва ВҲИ Ҷумҳурии Тотористон созишномаҳои ҳамкорӣ  ба имзо расиданд. Ваколатдор дар мувофиқа бо Вазорати корҳои хориҷии кишвар тасмим гирифтааст, ки соли равон дар вилояти Свердловски Русия ба таври таҷрибавӣ намояндагии худро таъсис диҳад.
Зариф Ализода  мусоидат ба баланд бардоштани маърифати ҳуқуқии шаҳрвандонро аз ҷумлаи самтҳои дигари афзалиятноки фаъолияти Ваколатдор оид ба ҳуқуқи инсон дар Ҷумҳурии Тоҷикистон маънидод кард. Ӯ гуфт, ҷиҳати татбиқи Барномаи таълимӣ дар соҳаи ҳуқуқи инсон барои солҳои 2013  -  2020 дар назди ВҲИ Шӯрои ҳамоҳангсози байниидоравӣ, аз ҳисоби роҳбарони сохторҳои таълимии вазоратҳо, идораҳо ва муассисаҳои олии касбӣ, созмон дода шудааст. Низомномаи шӯро ва нақшаи чорабиниҳо оид ба татбиқи марҳалаи якуми барномаи таълимӣ қабул  гардида,  барои иҷрои самтҳои асосии барнома дар назди Шӯрои ҳамоҳангсоз шаш гурӯҳи корӣ таъсис ёфтааст.  Аз ҷониби гурӯҳҳои корӣ ҳабдаҳ барномаи таълимӣ таҳия гашта, барои дар муассисаҳои таълимӣ ҷорӣ намудани фанни алоҳида оид ба ҳуқуқи инсон  ба Вазорати маориф ва илм, инчунин дигар ниҳодҳои дахлдор ирсол шудаанд.

Додоҷон РӮЗИЕВ


Баёни ақида (0)    Санаи нашр: 31.01.15    №: 22    Мутолиа карданд: 544

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад


Дар сомонаҳои дигари Тоҷикистон хонед