logo

ҳуқуқ

ПАЛАТАИ ҲИСОБ: ОШКОРИ 69,9 МИЛЛИОН СОМОНӢ ЗАРАРИ МОЛИЯВӢ

Палатаи ҳисоби Ҷумҳурии Тоҷикистон соли гузашта дар вазорату идора, бонкҳои давлатӣ, марказҳои идораи барномаҳои лоиҳаҳои сармоягузорӣ, субъектҳои хоҷагидори давлатӣ ва дигар муассисаҳои буҷетӣ 314 санҷиши аудиторӣ гузаронда, ба маблағи 69,9 миллион сомонӣ зарари молиявиро ошкор кард. Аз ин ҳисоб хароҷоти ғайриқонунии пулию молӣ 16,5 миллион, камомад ва тасарруфи воситаҳои пулию молӣ 3,5 миллион, изофанависӣ дар корҳои таъмиру сохтмонӣ 19,1 миллион, зарар аз фурӯш ва иҷораи амволи давлатӣ 339,3 ҳазор, талафи воситаҳои пулию молӣ аз бесарусомонӣ 12,5 миллион, маблағи кам ҳисобгардида ва рӯйпӯшнамудаи андозҳо 18 миллион ва пардохт накардани суди саҳмияҳои ба давлат тааллуқдошта 54,1 ҳазор сомониро ташкил медиҳад.
Дилмурод Давлатзода, раиси Палатаи ҳисоб, бо ироаи ин матлаб аз истифодаи ғайримақсадноки маблағҳо ба қадри 236,5 миллион, аз ҷумла дар Бонки миллии Тоҷикистон 234,1 миллион, истифодаи ғайрисамараноки онҳо дар ҳаҷми 19,2 миллион (дар Бонки миллии Тоҷикистон 10,5 миллион), Лоиҳаи бозсозии нақби «Истиқлол» 7,7 миллион, захираҳо ва талафи буҷет аз ҳисоби беасос кам ба нақша гирифтани қисми даромади буҷет ва барзиёд маблағгузорӣ намудани муассисаҳои буҷетӣ дар ҳаҷми 51,2 миллион сомонӣ, ки аз ҷониби кормандони ин ниҳод ошкор гардидаанд, изҳори нигаронӣ намуд. Ба гуфтаи ӯ, зимни санҷишҳои аудиторӣ 38,7 миллион сомонӣ ба манфиати давлат барқарор шудааст, ки он 55,4 дарсади зарари фошгаштаро ташкил медиҳад. Аз маблағи умумии барқароршуда ба буҷет 24,8 миллион ва корхонаҳои давлатӣ 13,9 миллион сомонӣ ворид гардидааст.
Дар натиҷаи чораҷӯии кормандони Палатаи ҳисоб маблағи бақияпулиҳои андоз ба қадри 543,6 ҳазор, аз ҳисоби қарзҳои дебиторӣ ва зерҳисобии барқароргардида 42,6 миллион, зиёдомади молу маводи арзишдор 4,7 миллион ва дигар манбаъҳо 2,4 миллион сомонӣ ба буҷет ва корхонаҳои давлатӣ барқарор ва маблағгузории сметаҳои хароҷотии ташкилоту муассисаҳои буҷетӣ дар ҳаҷми 1,3 миллион сомонӣ кам карда шудааст.
Раиси Палатаи ҳисоб тазаккур дод, ки барои чораҷӯӣ ва қабули қарорҳои дахлдор ба мақомоти ҳифзи ҳуқуқ 64 маводи санҷиши аудиторӣ ба маблағи зарари молиявии 34,1 миллион сомонӣ, аз ҷумла ба Прокуратураи генералӣ ва сохторҳои он 38 мавод ба маблағи 25,9 миллион, Кумитаи давлатии амнияти миллӣ 16 мавод дар ҳаҷми 5,3 миллион, Агентии назорати давлатии молиявӣ ва мубориза бо коррупсия ҳафт мавод ба маблағи 2,4 миллион, Вазорати корҳои дохилӣ ду мавод ба қадри 93,3 ҳазор ва суди ноҳияи Ҳисор як мавод ба маблағи зарари молиявии 364,3 ҳазор сомонӣ ирсол шудааст.

 Додоҷон РӮЗИЕВ


Баёни ақида (0)    Санаи нашр: 3.02.2015    №: 23    Мутолиа карданд: 708

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед