logo

порлумон

БОЗ ДУ КОРХОНАИ ИСТЕҲСОЛИ СЕМЕНТ БУНЁД МЕГАРДАД

Дар ҷаласаи навбатии Маҷлиси намояндагони Маҷлиси Олӣ, ки таҳти раёсати Шукурҷон Зуҳуров, Раиси Маҷлиси намояндагон, гузашт, якчанд созишнома ба тасвиб расид.

Файзуллозода Лочин, муовини аввали раиси Кумитаи давлатии сармоягузорӣ ва идораи амволи давлатӣ, зимни тасдиқи Созишномаи сармоягузорӣ байни Ҳукумати Ҷумҳурии Тоҷикистон ва Ширкати «Кока - Кола Ичечек А.С.» оид ба сохтмон ва истифодабарии  корхонаи истеҳсоли маҳсулоти ғайримашруботӣ» иброз дошт, ки сармоягузор дар шаҳри Душанбе корхонаи истеҳсоли ғайримашруботиро бо тамғаи «Кока-Кола» сохта, ба истифода медиҳад. Дар давраи аввали амалишавии лоиҳа ҳаҷми умумии сармоягузорӣ 30 миллион доллар ва дар давраи дуюм 20 миллион долларро ташкил медиҳад. Бо оғоз  гаштани фаъолият дар он зиёда аз 120 ҷойи кори доимӣ ва 500 ҷойи кори ғайримустақим ташкил мешавад. Иқтидори солонаи он 100 миллион литр-тонна буда, тибқи дурнамо дар давоми панҷ сол аз тарафи корхона ба буҷети кишвар аз ҳисоби пардохтҳои андоз беш аз 20 миллион доллар ворид мегардад.
Файзуллозода Лочин зимни ба тасвиб расидани Созишномаи сармоягузорӣ байни Ҳукумати Ҷумҳурии Тоҷикистон ва ширкати «Huaxin Cement Co., LTD»-и Ҷумҳурии Халқии Хитой оид ба сохтмони хатҳои дуюм ва сеюми лоиҳавии корхонаҳои истеҳсоли семент дар ноҳияи Бобоҷон Ғафурови вилояти Суғд ва дар ҳудуди Минтақаи озоди иқтисодии «Данғара» гуфт, ки сармоягузор дар минтақаҳои зикршуда сохтмони ду корхонаи истеҳсоли сементро бо ҷалби 250 миллион доллар, аз ҷумла дар ноҳияи Бобоҷон Ғафуров бо иқтидори истеҳсолии 1 миллион тонна ва дар минтақаи озоди иқтисодии Данғара бо иқтидори истеҳсолии 1,2 миллион тонна дар як сол сохта, ба истифода медиҳад. Муҳлати татбиқи лоиҳаҳо 1,5 - 2 солро дарбар гирифта, тибқи нақша то охири соли 2016 мавриди баҳрабардорӣ қарор мегиранд. Дар натиҷа беш аз ҳазор нафар мутахассиси маҳаллӣ бо ҷойи кори доимӣ ва музди муносиб таъмин мешавад.
Назар ба гуфтаи Сафаралӣ Гулов, вакили порлумон, бо амалӣ гардидани лоиҳаҳо иқтидори истеҳсоли семент дар кишвар боз ду миллион тонна афзуда, имкони содироти маҳсулотро ба хориҷи кишвар фароҳам меорад.
Акбар Ғуломов, директори ҶММ «Хуаксин Ғаюр семент» иброз дошт, ки дар сохтмони ин ду корхона 300 нафар мутахассис кор мекунад, ки 50 дарсади он аз Хитой буда, баъди ба кор даромадани корхонаҳо 90 дарсади коргарон мутахассисони маҳаллӣ хоҳанд буд.
Бино ба иттилои ӯ, корхонаи мазкур соли гузашта 130 миллион сомонӣ ба буҷети давлатӣ ворид кардааст.
Саҳмияи ҶММ «Хуаксин  Ғаюр семент» дар бунёди корхонаҳои Бобоҷон Ғафуров 30 дарсад ва минтақаи озоди иқтисодии «Данғара» 45 дарсад мебошад.
Шодмон Шокиров, муовини якуми директори Агентии омори назди Ҳукумати Ҷумҳурии Тоҷикистон, зимни ба тасвиб расидани Мактуб-созишномаи  грантӣ байни Ҷумҳурии Тоҷикистон ва Бонки байналмилалии таҷдид ва рушд оид ба лоиҳаи «Стратегияи миллии рушди омор» гуфт, ки он аз ҷониби Вазорати молияи Ҷумҳурии Тоҷикистон ва Бонки байналмилалии таҷдид ва рушд ба маблағи 2,5 миллион доллар ба имзо расид. Мақсади лоиҳа дар оянда баланд бардоштани малакаи низоми омори Тоҷикистон ва аз ҷиҳати иқтисодӣ самаранок омода ва паҳн намудани маълумоти муътамад ва замонавии оморӣ мебошад.
Сафаралӣ Наҷмиддинов, директори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон, зимни ворид намудани тағйиру иловаҳо ба Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ» гуфт, ки лоиҳаи  мазкур ба ҳифзи иҷтимоии нафақавӣ нигаронда шуда, ба мақсади мутобиқ намудани низоми таъйиноти нафақа дар ҷумҳурӣ ба принсипҳои асосии суғуртавӣ таҳия шудааст.
Хориҷ кардани коэффитсиенти собиқаи суғуртавӣ имкон медиҳад, ки андозаи нафақаи шаҳрвандон аз рӯи ҳаҷми сармояи шартии нафақавии ташаккулёфта ҳисоб ва таъмин карда шавад. Андозаи нафақавии суғуртавӣ аз рӯи маъюбӣ вобаста ба гурӯҳи маъюбӣ ва дараҷаи аз даст додани қобилияти корӣ гурӯҳбандӣ шуд.
Шукурҷон Зуҳуров зикр кард, ки 350 ҳазор нафақахӯр, ки аксари онҳо то соли 1994 ба нафақа баромадаанд, ҳамагӣ то 200 сомонӣ мегиранд. Синни онҳо аз ҳафтод гузаштааст. Барои зиёд кардани нафақаи онҳо бояд чораҳои зарурӣ андешид.
Ҳамчунин Созишномаи кафолати байни Ҷумҳурии Тоҷикистон ва Бонки аврупоии таҷдид ва рушд оид ба лоиҳаи «Идоракунии партовҳои сахти маишии шаҳри Қӯрғонтеппа» ба тасвиб расид.  Назар ба гуфтаи Ҷамолиддин Нуралиев, муовини аввали вазири молия, ба ин мақсад 4,9 миллион доллар ҷудо шудааст.
Дар ҷаласа ҳамчунин Созишномаи кафолати байни Ҷумҳурии Тоҷикистон ва Бонки аврупоии таҷдид ва рушд оид ба лоиҳаи «Рушди нақлиёти истифодаи умумии шаҳри Душанбе» аз тарафи вакилон тасдиқ гардид. Ба ин мақсад аз ҷониби бонки мазкур 8,1 миллион доллар ҷудо мегардад, ки 3,6 миллион доллари он  грант мебошад.
Ҳамчунин, ба қонунҳои Ҷумҳурии  Тоҷикистон «Дар бораи сирри давлатӣ», «Дар бораи ҳуҷҷатҳои тасдиқкунандаи шахсият» ва Кодекси фазои ҳавоии Ҷумҳурии Тоҷикистон тағйиру иловаҳо ворид гардид.

Мунаввари САФАР,
«Ҷумҳурият»


Баёни ақида (0)    Санаи нашр: 14.02.2015    №: 33    Мутолиа карданд: 734

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед