logo

ҳуқуқ

ҲАДАФИ АСОСӢ- ТАҚВИЯТИ ҲАМКОРӢ

Аҳли ҷомеаи судяҳои ҷумҳурӣ нишондодҳои Паёми навбатии Президенти мамлакат Эмомалӣ Раҳмонро, ки ба Маҷлиси Олии Ҷумҳурии Тоҷикистон ироа гардид, дастури кори хеш қарор доданд. Сарвари давлат дар Паём мақом ва нақши ҳокимияти судиро махсус зикр намуда, таъкид кард, ки тақвияти фаъолияти ҳокимияти судӣ яке аз самтҳои асосии сиёсати давлатӣ мебошад. Чунки фаъолияти суд ба инсон ва ҳуқуқу озодиҳои ӯ пайванди ногусастанӣ дорад. Ин баҳои Президенти кишвари мо - судяҳоро уҳдадор менамояд, ки нисбат ба кори худ масъулиятшинос буда, дар ҳалли баҳсҳои судӣ қарорҳои одилона ва қонунӣ қабул намоем.
Сарвари давлат Ҳукумати Ҷумҳурии Тоҷикистонро муваззаф сохт, ки доир ба мустаҳкам намудани мустақилияти ҳокимияти судӣ марҳала ба марҳала, давра ба давра чорабиниҳоро вобаста ба беҳтар кардани шароити кории судяҳо, бо техникаи наву ҳозиразамон таҷҳизондани биноҳои суд, беҳдошти ҳолати иҷтимоии судяҳо, баланд бардоштани музди меҳнати онҳо тадбирҳои амалӣ андешад. Дар тақвияти гуфтаҳои боло, зикр карданием, ки 5-уми январи соли ҷорӣ бо Фармони Президент Барномаи нави ислоҳоти судӣ - ҳуқуқӣ дар Ҷумҳурии Тоҷикистон барои солҳои 2015-2017 тасдиқ гардид. Татбиқи барномаи мазкур барои боз ҳам устувор шудани сохтори мақомоти судӣ ва пешрафту пурсамар гардондани фаъолияти судҳо, таҳкими ҳамкории мақомоти судӣ бо дигар мақомоти ҳифзи ҳуқуқ такони ҷиддӣ хоҳад бахшид.
Як нуктаро бояд таъкид намоям, ки Президенти Ҷумҳурии Тоҷикистон маҳз дар ҳамин Паём бори нахуст ҳамкории зичи мақомоти судиро бо дигар мақомоти ҳифзи ҳуқуқ таъкид намуд ва бешубҳа, ин дастури бамаврид ва саривақтии Сарвари давлат буда, мақомоти дахлдорро  вазифадор  месозад,  ки ба фаъолияти худ аз диди нав, аз паҳлуи дигар нигоҳ кунанд ва дар роҳи пурзӯр намудани мубориза ба муқобили қонуншиканиҳо дар танҳоӣ неву якҷо саъю талош намоянд.
Ба тасвиб расидани Фармони Президенти мамлакат дар бораи эълон намудани соли 2015 «Соли оила», ки ҳадаф аз он баланд бардоштани маърифати ҳуқуқии аҳолӣ, таҳкими оила ва танзими муносибатҳои хонаводагист, шоистаи дастгирии тамоми мардуми шарифи Тоҷикистон мебошад. Мо, судяҳо ва кормандони суди шаҳри Ваҳдат талошҳои доимии Сарвари давлатро дар роҳи мустаҳкам намудани оилаи солим ба хубӣ дарк менамоем. Зеро таҷрибаи суди шаҳри Ваҳдат бармало нишон медиҳад, ки теъдоди бекор кардани ақди никоҳ дар байни сокинони шаҳр сол ба сол рӯ ба афзоиш дорад. Ҳамасола роҳбарияти суд ба ин масъалаи муҳими ҳаёти ҷамъиятӣ таваҷҷуҳи хос зоҳир карда, бекоршавии ақди никоҳро таҳлил ва ҷамъбаст намуда, ба унвони ташкилоту корхона ва шахсони мансабдор ҷиҳати пешгирии вайроншавии оилаҳо пешниҳод ирсол менамояд. Ҳамзамон, судяҳо ва кормандони масъули дастгоҳи суди шаҳри Ваҳдат, мувофиқи барномаи махсус, дар ҷамоатҳои деҳот, маҳаллаҳо, муассисаҳои таълимӣ маърӯзаҳои ҳуқуқӣ намуда, бо аҳолии деҳот, кормандони ташкилоту корхонаҳо вохӯрӣ, мизҳои гирд ва дигар намуди чорабиниҳо мегузаронанд. Дар натиҷаи тадбирҳои саривақтии андешида маҳз соли гузашта 309 оила вайрон нашуда, ҳоло дар хонадони онҳо хандаи тифлакони солим баланд садо медиҳад.
Мо - судяҳо ва кормандони масъули дастгоҳи суди шаҳри Ваҳдат бо хубӣ дарк мекунем, ки ҳанӯз ҳам дар ин самт аз тамоми имкониятҳо истифода набурдаем. Аз ин ҷиҳат, пас аз дар матбуот чоп шудани Паём роҳбарияти суд нақшаи чорабиниҳоро ҳам доир ба омӯзиши он ва ҳам беҳтару самараноктар ба роҳ мондани фаъолияти суд таҳия намуд. Судя ва кормандони суд вазифадор шуданд, ки бо дарки масъулияти баланди касбӣ ҷиҳати амалисозии адолати судӣ, таъмини волоияти қонун, гузашта аз ин, дар роҳи ҳимояи ҳуқуқу озодиҳои инсон ва шаҳрванд, солимии оила тадбирҳои муассир андешида, парвандаҳоро дар муҳлати муқарраргардида баррасӣ ва санадҳои судии одилонаву қонунӣ қабул намоянд.

Маҳмад РАҲМОНЗОДА,
муовини раиси суди шаҳри Ваҳдат


Баёни ақида (0)    Санаи нашр: 17.02.2015    №: 34    Мутолиа карданд: 533

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ


Дар сомонаҳои дигари Тоҷикистон хонед