logo

ҳуқуқ

ПАЁМ - ОМИЛИ РУШДИ КИШВАР

Ғозибек САФАРОВ,
судяи суди ноҳияи Файзобод


Президенти Ҷумҳурии Тоҷикистон Эмомалӣ Раҳмон Паёми навбатии худро бо истифодаи салоҳиятҳои конститутсионӣ пешкаши аҳли ҷомеа намуда, бо бовари комил иқтисодиёту сиёсати устувори мамлакатро бо диди оқилона мавриди таҳлил қарор дод. Чунин иқдом бори дигар собит месозад, ки муҳаббати раият нисбат ба сиёсати хирадмандонаи пешгирифтаи Сарвари давлат хеле самимӣ гаштааст ва Паёмро ҳар сол бесаброна интизор мешаванд.
Паёми Сарвари давлатро ба Маҷлиси Олӣ ҳуҷҷате пиндоштан лозим нест, ки фарогирандаи масоили танҳо имрӯз бошад. Баръакс, Паём оинаи раҳнамо барои чандин сол аст. Аз ин хотир, ба назар мерасад, ки омӯзишу мутолиа, хулосабарорӣ ва мисли дафтари хотирот барои худ сабт намудану дар фаъолияти ҳаррӯза онро чун нақшаи корӣ истифода бурдан, қарзи шаҳрвандии ҳар яки мост.
Сарвари давлат ба масоили тарбияи насли ҷавон дар рӯҳияи худшиносиву худогоҳӣ, ватандӯстиву меҳанпарастӣ, пешгирии гаравидани онҳо ба ҳизбу ҳаракатҳои ифротгаро ва террористӣ, вайрон шудани оилаҳо, таваллуди кӯдакони маъюб аз никоҳи хешутаборӣ таваҷҷуҳи хос зоҳир кард. Президент аз ин вазъи мураккабу печида изҳори нигаронӣ намуда, бори дигар сохторҳои марбута, бахусус волидонро ҳушдор дод, ки нисбат ба тақдири ояндаи насли ҷавон бетараф набуда, ҷиддӣ муносибат кунанд.
Воқеан, аз таҷрибаҳои корӣ ба ин натиҷа расидем, ки тайи солҳои охир теъдоди зиёди оилаҳои ҷавон, бинобар хеле паст будани маърифати ҳуқуқиашон вайрон гашта, ба мушкилоти зиёди иҷтимову иктисодӣ ва ҳатто равонӣ дучор шудаанд. Насли калонсолро зарур аст, ки дар ҳалли ин масъалаи муҳим бетарафӣ ихтиёр накарда, баҳри зиндагии осоишта ва пурбаракати онҳо маслиҳатҳои муфиди хешро дареғ надоранд.
Дар Паём Сарвари давлат, инчунин перомуни ҳимояи ҳуқуқи кӯдак ибрози назар намуда, пешниҳод кард, ки бо мақсади таъмини ҳифзи ҳуқуқи кӯдак дар Ҷумҳурии Тоҷикистон институти Ваколатдор оид ба ҳуқуқи кӯдак таъсис дода шавад. Ин пешниҳодро мо саривақтӣ ва ҳадафрас меҳисобем. Зеро давоми чанд соли охир ба мушоҳида гирифтаем, ки воқеан ҳам кӯдакони ноболиғ аз мактабу таълим дур мондаву ба корҳои вазнини ба синнашон номувофиқ машғул ҳастанд. Ҳуқуқҳояшон дар бисёр ҳолатҳо поймол мегардад. Ояндаи ҷомеа дар дасти насли ҷавон аст. Мо бояд бинои ояндаи онҳоро имрӯз созем, ба таълиму тарбия фаро гирифта, барои ҳаёти хушу хуррамашон саҳмгузор бошем.
Ҳамзамон, дар Паём Сарвари давлат махсус зикр намуд, ки имрӯз бояд соҳаи саноат нисбат ба соҳаи кишоварзӣ афзалият дошта бошад. Гузариш аз ҷумҳурии агросаноатӣ ба ҷумҳурии саноатию аграрӣ, яъне тавассути инкишофи соҳаҳои гуногуни саноат, таъсиси корхонаҳои саноатии истеҳсолӣ, аз як тараф боиси коркарди захираҳои бойи ашёи хоми кишвар гардад, аз тарафи дигар сабаби зиёд шудани ҷойҳои нави корӣ гашта, мушкили мавҷудаи ҷомеаи мо ҳалли худро пайдо хоҳад кард .
Нуктаҳои хеле муҳими Паёми имсола, назири рушди соҳибкории истеҳсолӣ, таҷдиди назар намудани Кодекси андози Ҷумҳурии Тоҷикистон, кам кардани меъёрҳои фоизи қарз аз ҷониби Бонки миллии Тоҷикистон, таъмини шароити мусоид барои сармоягузорӣ ва эълон шудани солҳои 2014 - 2020 давраи дастгирии соҳибкории истеҳсолӣ ва рушди саноат дар самти коркарди ашёи хоми ватанӣ, бешак, омилҳои мусоидаткунанда ба рушди устувори мамлакат буда, мавқеи басо муҳиму саривактӣ пайдо намуданд.
Дар Паём ба рушди соҳаи маориф, таъмини беҳтари иҷтимоии он ва тавассути чунин иқдом баланд бардоштани сифати таълиму тарбия, истифодаи васеи технологияҳои иттилоотиву коммуникатсионӣ, омӯзиши ҳамаҷонибаи таҷрибаи байналмилалӣ таваҷҷуҳ зоҳир шуд. Таъкид ба амал омад, ки нақшаву барномаҳои таълимӣ бояд ба талаботи бозори дохиливу ҷаҳонии меҳнату таҳсилот мутобиқ гардонда шаванд, то ки соҳаи мазкур то соли 2020 ба меъёрҳои ҷаҳонии таҳсилот ҷавобгӯ гардад. Ин гуфтаҳо ба он маъност, ки мо бояд дар ҳамаи соҳаҳо кадрҳои баландихтисос тайёр намоем. Тарбияи кадрҳои худшиносу ватандӯст, дорои масъулият ва малакаи баланди касбӣ, соҳиби донишу таҷриба ва ҷаҳонбинии муосир, фидокор ва содиқ ба Ватану миллат бояд дар меҳвари фаъолияти ниҳодҳои дахлдор қарор дошта бошад.
Президенти Ҷумҳурии Тоҷикистон, муҳтарам Эмомалӣ Раҳмон тақвияти фаъолияти ҳокимияти судиро яке аз самтҳои асосии сиёсати давлатӣ маънидод намуда, иброз дошт, ки фаъолияти суд бо инсон ва ҳуқуқу озодиҳои ӯ пайванди ногусастанӣ дорад. Дар ин росто, таъкид гардид, ки татбиқи Барномаи ислоҳоти судӣ - ҳуқуқӣ дар Ҷумҳурии Тоҷикистон барои солҳои 2015 - 2017 барои боз ҳам устувор шудани сохтори мақомоти судӣ ва пешрафту пурсамар гардидани фаъолияти онҳо, таҳкими ҳамкории мақомоти судӣ бо дигар мақомоти ҳифзи ҳуқуқ, ҳамчунин ҷиҳати иҷрои санадҳои судӣ такони ҷиддӣ хоҳад бахшид.
Хулоса, Паёми имсолаи Сарвари давлат Эмомалӣ Раҳмон ҳамчун дастури раҳнамо дар рушди минбаъдаи иқтисодиву иҷтимоӣ ва баланд бардоштани сатҳи зиндагии мардум мусоидат намуда, барои ҳар як фарди ватанхоҳу ватандӯст, худшиносу худогоҳ метавонад барномаи мукаммали амалаш бошад.

 


Баёни ақида (0)    Санаи нашр: 20.02.2015    №: 37    Мутолиа карданд: 977

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед