logo

порлумон

ЛОИҲАҲОИ НАВ ТАСДИҚ ШУДАНД

Дар ҷаласаи навбатии Маҷлиси намояндагони Маҷлиси Олӣ, ки таҳти раёсати Шукурҷон Зуҳуров, раиси Маҷлиси намояндагон, баргузор гардид, 20 масъала баррасӣ шуд.

Ҷамолиддин Нуралиев, муовини якуми вазири молия, зимни ба тасвиб расидани Созишномаи грантӣ оид ба лоиҳаи «Ҷорӣ намудани ҳисобкунии яклухти таҳвили барқ ва беҳтаргардонии низоми интиқоли барқ» байни Ҷумҳурии Тоҷикистон ва Бонки осиёии рушд иброз дошт, ки он ҷиҳати кам намудани талафоти неруи барқ дар ноҳияи Панҷакент, ки аҳолиаш ба 260 ҳазор мерасад, татбиқ мегардад. Дар ноҳия талабот ба қувваи барқ сол ба сол зиёд мегардад. Арзиши умумии лоиҳаи мазкур 67 миллион долларро ташкил дода, он аз ҳисоби гранти Бонки осиёии рушд дар ҳаҷми 54 миллион доллар ва аз ҳисоби Ҳукумати Ҷумҳурии Тоҷикистон 13 миллион сомонӣ, ки 8,5 миллион аз ҳисоби андозҳо ва 4,8 миллион сомонӣ ҳамчун уҳдадориҳои «Барқи тоҷик» маблағгузорӣ мешавад.
Дар натиҷаи татбиқи лоиҳа талафоти неру то соли 2025 то 3,5 маротиба коҳиш дода мешавад. Норасоии иқтидори интиқоли барқ дар ноҳия аз байн рафта, иқтидори интиқоли барқ аз 67 мегаватт ба 320 мегаватт расонда мешавад.
Ҳамчунин Созишномаи кафолати байни Ҷумҳурии Тоҷикистон ва Бонки аврупоии рушд оид ба лоиҳаи идоракунии партовҳои сахти маишии шаҳри Норак ба тасвиб расид. Ҷамолиддин Нуралиев иброз дошт, ки мақсади лоиҳа ҷорӣ намудани технологияи нави муосири идоракунии партовҳои сахти маишӣ ва усулҳои нави ҷамъоварӣ ва баровардани он, баланд бардоштани сатҳи хидматрасонӣ ва беҳтар гардондани вазъи экологии шаҳри Норак аст. Масоҳати шаҳр 394,5 километри мураббаъ буда, дар ҳудуди он 57,3 ҳазор нафар зиндагӣ мекунад. Арзиши умумии лоиҳа 5,3 миллион доллар, аз ҷумла 2 миллион доллар қарз ва 2 миллион доллар грант буда, ба ғайр аз ин дар доираи татбиқи лоиҳа ҷудо намудани 1,3 миллион доллар барои гузарондани корҳои машваратӣ ва таҳияи барномаи рушди корпоративӣ ба нақша гирифта шудааст.
Дар ҷаласа Созишномаи сармоягузорӣ байни Ҳукумати Ҷумҳурии Тоҷикистон ва Ҷамъияти дорои масъулияти маҳдуди «Ширкати кӯҳӣ - саноатии Тоҷикистону Хитой» оид ба коркарди маҷмӯи захираҳои кони «Зарнисори шимолӣ» низ ба тасвиб расид. Лочин Файзуллозода, муовини якуми раиси Кумитаи давлатии сармоягузорӣ ва идораи амволи давлатӣ, иброз дошт, ки мутобиқи ин ҳуҷҷат сармоягузор лоиҳакашӣ, сохтмон ва истифодабарии корхонаи истихроҷ ва коркарди маҷмӯи маъданҳои полиметалӣ дар кони «Зарнисори шимолӣ»-ро бо иқтидори солонаи 2 миллион тонна маъдан, сохтмони корхонаи металургӣ бо тавоноии 20 ҳазор тонна сурб дар як сол ва бунёди дигар инфрасохтори зарурии маҳаллиро ба уҳда гирифтааст. Ҳаҷми сармоягузорӣ 200 миллион долларро ташкил дода, тибқи нақша лоиҳа бояд то соли 2018 ба сомон расонда шавад.
Дар ҷаласа Созишнома бо Шоҳигарии Муттаҳидаи Британияи Кабир ва Ирландияи Шимолӣ ва Конвенсия бо Ҷумҳурии Корея оид ба канорагирӣ аз андозбандии дукарата ва пешгирӣ намудани саркашӣ аз супоридани андозҳо аз даромад ва сармоя, ҳамчунин лоиҳаҳои ворид намудани тағйиру иловаҳо ба якчанд қонунҳои Ҷумҳурии Тоҷикистон ба тасвиб расиданд. Аз ҷумла мувофиқи лоиҳаи Қонуни Ҷумҳурии Тоҷикистон «Оид ба ворид намудани илова ба Қонуни Ҷумҳурии Тоҷикистон «Дар бораи рӯзҳои ид» 14 октябр Рӯзи соҳибкорон муқаррар гардид.
Мунаввари САФАР, «Ҷумҳурият»


Баёни ақида (0)    Санаи нашр: 27.02.2015    №: 42    Мутолиа карданд: 840

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед