logo

порлумон

ШУКУРҶОН ЗУҲУРОВ: РИСОЛАТИ НАМОЯНДАГӢ АЗ МУҚАДДАСТАРИН УҲДАДОРИҲОСТ

27 феврали соли равон ҷаласаи хотимавии иҷлосияи шашуми Маҷлиси намояндагони Маҷлиси Олии Ҷумҳурии Тоҷикистон даъвати чорум баргузор гардид. Дар он Шукурҷон Зуҳуров, раиси Маҷлиси намояндагон, дар бораи ҷамъбасти фаъолияти Маҷлиси намояндагони Маҷлиси Олии Ҷумҳурии Тоҷикистон даъвати чорум гузориш дод.

Мавсуф зикр кард, ки дар ҷараёни фаъолияти даъвати чоруми Маҷлиси намояндагон нуҳ ҷаласаи якҷояи Маҷлиси миллӣ ва Маҷлиси намояндагон доир гардид. Дар шаш ҷаласаи якҷоя паёмҳои Президенти мамлакат ба Маҷлиси Олӣ пешниҳод гардиданд, ки дар онҳо Сарвари давлат, муҳтарам Эмомалӣ Раҳмон самтҳои асосӣ ва дурнамои сиёсати дохиливу хориҷии Тоҷикистонро муайян намуда, баҳри созандагӣ ва рушди устувори иқтисодиву иҷтимоии мамлакат вазифаҳои мушаххас гузоштанд.
Назар ба гуфтаи Шукурҷон Зуҳуров, дар ҷараёни даъвати чоруми Маҷлиси намояндагон 134 ҷаласаи Маҷлиси намояндагон баргузор гардид, ки дар онҳо 993 лоиҳаи қонуну қарор ва дигар санадҳои меъёрии ҳуқуқӣ мавриди баррасӣ, қабул ва тасдиқ қарор гирифтанд. 115 қонуни мукаммал қабул гардид, ки аксари онҳо дар низоми қонунгузории кишвар бори аввал қабул шуданд. Ҳамчунин 108 қонун дар бораи ворид намудани тағйиру иловаҳо ба кодексҳои Ҷумҳурии Тоҷикистон, 226 қонун дар бораи ворид намудани тағйиру иловаҳо ба қонунҳои амалкунандаи Ҷумҳурии Тоҷикистон, дар маҷмӯъ 603 қонуни конститутсионӣ, кодексҳо, қонунҳои мукаммал ва қонунҳо дар бораи ворид намудани тағйиру иловаҳо ба кодексу қонунҳои Ҷумҳурии Тоҷикистон қабул гардиданд. Чор қонун аз эътибор соқит дониста шуд. Аз шумораи умумии қонунҳои қабулшуда бо тартиби ҳуқуқи ташаббуси қонунгузорӣ аз ҷониби Президенти Ҷумҳурии Тоҷикистон 257 лоиҳаи қонун, Ҳукумати Ҷумҳурии Тоҷикистон 345, аъзои Маҷлиси миллӣ 18, аъзои Маҷлиси миллӣ дар ҳаммуаллифӣ бо вакилони Маҷлиси намояндагон 40 ва аз тарафи вакилони Маҷлиси намояндагон 162 лоиҳаи қонун пешниҳод ва қабул шуданд.
Дар ҷараёни фаъолияти мақоми олии намояндагӣ ва қонунгузор бори нахуст 14 апрели соли 2010 бо қарори Маҷлиси намояндагон Комиссияи муваққатии экологияи Маҷлиси намояндагони Маҷлиси Олии Ҷумҳурии Тоҷикистон таъсис ёфта, баъдан ба Комиссияи доимии Маҷлиси намояндагон табдил дода шуд. Яке аз дастовардҳои дигари даъвати чорум таъсиси Палатаи ҳисоби Ҷумҳурии Тоҷикистон ба шумор меравад.
Раиси Маҷлиси намояндагон зикр кард, ки дар ин давра дар Маҷлиси намояндагон 4922 муроҷиати хаттӣ ва 31323 муроҷиати шифоҳӣ мавриди баррасӣ қарор гирифт. Қабули шаҳрвандон аз ҷониби роҳбарият ва вакилони Маҷлиси намояндагон дар асоси реҷа ва рӯзҳои муайяни ҳафта амалӣ гардида, иҷрои дархосту муроҷиати онҳо зери назорат қарор дошт.
Бино ба иттилои Шукурҷон Зуҳуров, чанде аз вакилони Маҷлиси намояндагон барои фаъолияти хуби байнипорлумониашон бо ордену медалҳои тиллою нуқра ва Ифтихорномаҳои Ассамблеяи байнипорлумонии ИДМ, Созмони аҳдномаи амнияти дастаҷамъӣ, Иттиҳоди иқтисодии АвруОсиё сарфароз гардиданд.
Раиси Маҷлиси намояндагон зикр кард, ки рӯзномаи «Садои мардум» дар ҷараёни фаъолияти даъвати чорум тамоми паҳлуҳои фаъолияти Маҷлиси намояндагонро дар саҳифаҳои худ возеҳу равшан инъикос намуда, барои муаррифии порлумон ба аҳли ҷомеа хидмати шоистаеро амалӣ гардонд.
Ҳамчунин, рӯзномаи «Ҷумҳурият», дигар рӯзномаҳо ва радиову телевизионҳои давлатӣ фаъолияти моро барои аҳли ҷомеа ба таври воқеӣ инъикос намуданд.
Шукурҷон Зуҳуров ба вакилон изҳори сипосу миннатдорӣ намуда, гуфт, ки рисолати намояндагӣ ва қонунгузорӣ яке аз мушкилтарин ва муқаддастарин уҳдадориҳоест, ки ободии Ватан, беҳдошти рӯзгори мардум ба чигунагии иҷрои он бисёр вобаста аст.

Мунаввари САФАР,«Ҷумҳурият»


Баёни ақида (0)    Санаи нашр: 4.03.2015    №: 45    Мутолиа карданд: 783

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед