logo

ҳуқуқ

БЕҲУРМАТӢ АЗ БЕМАСЪУЛИЯТИСТ

Ба хонаи дӯстам Давлатшо Мирзоев, ки бемори бистарӣ аст, рафтам. Аз дарду ғами писари ягонааш, ки ҷинояткорон ба таври ваҳшиёна ба қатл расонда буданд, менолиду мегирист. Баъди фурсате ором гирифту аз зери болишт лифофаеро бароварда, ба дастам дод.
- Ба ҷинояткорон ҷазо доданд, аммо аз ин ба ман чӣ суд? Дарди дилам кам нашавад, ҷойи писарамро нагирад, бар замми ин наберагонам, ки хонаро холӣ карда рафтанд, як дардамро сад дард мекунад. Ман намедонам сари сахтамро ба куҷо занам? Аз чӣ одамон ба ин дараҷа ваҳшӣ шудаанд? Фарзанди ягонаи маро ҳам ҳафт тир заданд ва ҳам ҷасадашро таҳқир карданд. Ин гуна бераҳмию беинсофӣ аз куҷо ва кай пайдо шудааст?
Лифофаро кушода хондам. Аз Прокуратураи генералии Ҷумҳурии Тоҷикистон омада, ба он собиқ муовини аввали Прокурори генералӣ, мушовири давлатии адлияи дараҷаи сеюм А. С. Муҳаммадиев имзо гузошта будааст.
Ба матни ҷавоби Прокуратураи генералии Ҷумҳурии Тоҷикистон, мақоми олии ҳифзи қонун ва қонуният аҳамият додам. Он ба унвони раиси Суди Олии Ҷумҳурии Тоҷикистон Н. Абдуллозода ирсол гашта, нусхаҳояш ба сардори маҳкамаи тафтишотии № 1-и ВА ҶТ, полковники хизмати дохила Шарипов С. (барои айбдоршавандагон Исмоилов С. Б. ва Содиқов М. У. эълон кардан) ва ба сокини ноҳияи Восеъ, Ҷамоати деҳоти М.  Маҳмадалӣ, деҳаи Оқҷар Мирзоев Давлатшо фиристода шудааст. Мактубро айнан меорам:
“Мутобиқи талаботи моддаи 250 - и КМҶ Ҷумҳурии Тоҷикистон ба Шумо барои моҳиятан баррасӣ намудан парвандаи ҷиноятии № 58090 бо айбдории Исмоилов С. Б., бо моддаҳои 316 қисми 3 банди “в”, 199 қисми 3 банди “в”, 195 қисми 2 бандҳои “а,в” ва 104 қисми 2 бандҳои “е,з,и” - и КҶ Ҷумҳурии Тоҷикистон ва Содиқов М. У., бо моддаҳои 104 қисми 2 бандҳои “е,з,и” ва моддаи 195 қисми 2 бандҳои “б,в”-и КҶ Ҷумҳурии Тоҷикистон ирсол карда мешавад. Хоҳишмандам, аз рӯзи баррасии парвандаи ҷиноятӣ барои дастгирии айбдоркунӣ ба Прокуратураи генералии Ҷумҳурии Тоҷикистон хабар диҳед.
Ҳамзамон ба маълумоти Шумо мерасонам, ки нисбати айбдоршавандагон Исмоилов С. Б. ва Содиқов М. У. чораи пешгирӣ дар намуди ҳабси пешакӣ татбиқ карда шудааст, ки аз ҳамин рӯз эътиборан ба ихтиёрдории Шумо мегузаранд”.
Замима: Парвандаи ҷиноятии № 58090 дар ҳаҷми 4 ҷилд, забонхатҳои айбдоршавандагон Исмоилов С. Б. ва Содиқов М. У. ва ду адад фиттаҳои санҷиши нишондоди айбдоршавандагон дар ҷойи ҳодиса.
Муовини аввали Прокурори генералии Ҷумҳурии Тоҷикистон, мушовири давлатии адлияи дараҷаи сеюм:  Муҳаммадиев А. С.

Ана, ёбеду гиред! Ин мактуб бо чӣ роҳ ва чаро бо ин тартиб ба сокини деҳаи Оқҷари Ҷамоати деҳоти М. Маҳмадалиеви ноҳияи Восеъ Давлатшо Мирзоев расонда шудааст? Падари ҷигархун аз ин ҷавоби беунвон чӣ фаҳмида бошад? Ба Прокуратураи генералии Ҷумҳурии Тоҷикистон барои дастгирии айбдоркунӣ чӣ хел хабар расонад? Ҳамзамон ба маълумоти падари ҷабрдида бояд 5 – 6 моҳ пештар мерасонданд, ки айбдоршавандагон – қотилон дастгир ва нисбат ба онҳо чораи ҳабси пешакӣ татбиқ шудааст. Аз ибораи “аз ҳамин рӯз эътиборан ба ихтиёрдории Шумо мегузаранд” гуфта, собиқ муовини аввали Прокурори генералии Ҷумҳурии Тоҷикистон А. С. Муҳаммадиев чӣ фикр карда бошад? Магар ҷинояткорони ашаддиро ба хонаи Давлатшо Мирзоев мефиристода бошанд? Оё ин шаҳрванди бемори қалб ва ҷигарсӯхта имкони нигоҳубини ду қотилро дошта бошад? Магар дар ҷумҳурӣ ҷинояткорони одамкушро дар муассисаҳои низомаш сахт нигоҳ намедоранд, ки барои нигоҳдорӣ ба ихтиёри Давлатшо Мирзоев мефиристанд???
Яке аз ҳамсояҳо бобои Амон аз мазмуни мактуб огоҳ шуда гуфтааст: “Хайр, замони феодалӣ мебуду дар гардани ҷинояткорон завлона зада, ба ихтиёрат медоданд, онҳоро ба ҷойи барзагов мебастию замин ҷуфт мекардӣ? Он замонҳо кайҳо гузашта рафтаанду бо ин ҷинояткорон чӣ кор ҳам карда метавонӣ? Аз ҳозир ба собиқ муовини аввали Прокурори генералии Ҷумҳурии Тоҷикистон ё умуман ба Прокуратураи генералии Ҷумҳурии Тоҷикистон навис, ки “Бигзор давлат худаш ҷинояткоронро саришта кунад!”
Ҳоло бемори ҷогаҳӣ ҳайрон мондааст, ки ба Прокуратураи генералии Ҷумҳурии Тоҷикистон чӣ нависад?
Мо, тамошобинони телевизион, баромади Сарвари давлатро дар ҷаласаи Шӯрои амният бодиққат тамошо кардем. Президенти кишвар нисбат ба кормандони Прокуратураи генералии Ҷумҳурии Тоҷикистон дар ҳақиқат эродҳои ҳаққонӣ гирифт ва бархе аз кормандони бемасъулияташро аз вазифа сабукдӯш намуд. Айб аст ба чунин мақомоти баландпояи давлат, ки ба пурсишҳо ва арзу шикоятҳои шарҳвандони ҷабрдида чунин посухҳои бемаънии подарҳаво мефиристанд.
Мо дар ин ҷо як андоза нофаҳмиҳои соҳибмансаби олии маъзулшудаи Прокуратураи генералии Ҷумҳурии Тоҷикистонро ба як шаҳраванд рӯйи коғаз овардем. Аммо аз ин посухи бесару нӯги ба унвонаш фиристодаи собиқ муовини аввали Прокурори генералии Ҷумҳурии Тоҷикистон А. С. Муҳаммадиев раиси Суди Олии Ҷумҳурии Тоҷикистон Н. Абдуллозода чӣ фаҳмида бошад?

Мирзои ФИРӮЗ,
“Ҷумҳурият”


Баёни ақида (0)    Санаи нашр: 13.03.2015    №: 52    Мутолиа карданд: 848

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед